రియల్మీ సంస్థ, ముందు నుండి ఊరిస్తున్న Realme X50 Pro 5G స్మార్ట్ ఫోన్ యొక్క ఇండియా లాంచ్ డేట్ ని ప్రకటించింది. అయితే, ఇక్కడే ఒక ట్విస్ట్ వుంది. అదేమిటంటే, ఇండియాలో మొదటి 5G స్మార్ట్ ఫోన్నుఫిబ్రవరి 25 వ తేదికి లాంచ్ చేయనున్నట్లు IQOO ప్రకటించిన తరువాత, రియల్మీ దాని కంటే ఒక రోజు ముందుగానే, అంటే ఫిబ్రవరి 24 వతేదీకి తన రియల్మీ X50 ప్రో 5G ఫోన్ను ఇండియాలో విడుదల చేయనున్నట్లు తేదీని ప్రకటించింది.
https://twitter.com/TheMrPhone/status/1229643860567117824?ref_src=twsrc%5Etfw
ఈ ఫోనుకు సంబంధించిన లాంచ్ డేట్ ను తన అధికారిక ట్విట్టర్ పేజీ ద్వారా టీజ్ చేస్తోంది. అంతేకాదు, ఈ స్మార్ట్ ఫోన్ను వెనుక క్వాడ్ రియర్ కెమేరా మరియు ముందు డ్యూయల్ సెల్ఫీ కెమెరాలతో అంటే మొత్తంగా 6 కెమేరాలతో లాంచ్ చేయనున్నట్లు కూడా ప్రకటిస్తోంది. వీటితో పాటుగా, ఈ కెమెరాకి సంభంచి సూపర్ ఫీచరుగా దీని తో చెయ్యగల జూమ్ గురించి కూడా చెబుతోంది. దీని ప్రకారం, ఈ ఫోనులో అందించిన కెమేరాతో 20X వరకూ జూమ్ చేసుకోవచ్చని సంస్థ అందించిన ట్వీట్ ద్వారా తెలుస్తోంది.
ఇక ఈ లాంచ్ ఈవెంట్ విషయానికి వస్తే, ఈ ఫోన్ యొక్క విడుదల కోసం సంస్థ యొక్క యూట్యూబ్ ఛానల్ ల్లో ప్రకటించిన LIVE ప్రోగ్రాం ప్రకారం ఇది న్యూ ఢిల్లీలో జరగనుంది. కాబట్టి, IQOO ప్రకటించిన IQOO3 5G స్మార్ట్ ఫోన్ కంటే ఈ ఫోన్ ఒక్క రోజు ముందుగా ఇండియాలో లాంచ్ అవుతుందని అధికారికంగా తెలుస్తుంది కనుక రియల్మీ X50 ప్రో 5G స్మార్ట్ ఫోన్ విడుదలైన తరువాత ఇండియాలో మొట్టమొదటి 5G సామ్రాట్ ఫోనుగా నిలుస్తుంది.