మునుపటి నివేదికలకు అనుగుణంగా, రియల్మి X50 5G లాంచ్ డేట్ ని కంపెనీ వెల్లడించింది. X50 5G యొక్క లాంచ్ ను గురించి సంస్థ యొక్క CMO టీజ్ చేసినప్పటికీ, ఇది ఖచ్చితమైన తేదీని వెల్లడించలేదు. ఇప్పుడు, రియల్మి తన మొదటి 5 జి స్మార్ట్ ఫోన్- రియల్మి X 50 5G జనవరి 7 న చైనాలో అధికారికంగా లాంఛనప్రాయంగా విడుదలవుతుందని చెప్పారు. ఈ రాబోయే 5 జి స్మార్ట్ ఫోనులోని కీలకమైన ప్రత్యేకతలను కంపెనీ ఇప్పటికే షర్ చేసింది.
రియల్మి X 50 5G లో ఒక 6.6 అంగుళాల డిస్ప్లే 90 హెర్ట్జ్ రిఫ్రెష్ రేట్ తో ఉంటుంది. ఇది క్వాల్కమ్ స్నాప్డ్రాగన్ 765 జి SoC చేత శక్తినివ్వనున్నదని ధృవీకరించబడింది. ఈ స్మార్ట్ ఫోనులో 8 జీబీ ర్యామ్ అమర్చవచ్చు. అంతేకాకుండా, ఈ రియల్మి ఎక్స్ 50 5G లోపల ఉన్న అన్ని భాగాలను “పెంటా డైమెన్షనల్ ఐస్-కూల్డ్ హీట్ డిసిపేషన్ సిస్టమ్” ద్వారా చల్లబరుస్తామని కంపెనీ తెలిపింది. రియల్మి ప్రకారం, ఈ వ్యవస్థ మొత్తం వ్యవస్థ భాగాలు వేడిలో 100 శాతం కవర్ చేస్తుందని తెలిపింది. కూలింగ్ పరిష్కారంలో 8 మిమీ అల్ట్రా-లార్జ్ లిక్విడ్-కూల్డ్ కాపర్ ట్యూబ్ కూడా ఉంటుంది.
రియల్మి ఎక్స్ 50 5 జి క్వాడ్ రియర్ కెమెరా సెటప్తో రావచ్చు, ఇందులో సోనీ IMX686 సెన్సార్తో 60 మెగాపిక్సెల్ ప్రైమరీ కెమెరా, 8 మెగాపిక్సెల్ వైడ్ యాంగిల్ షూటర్ మరియు రెండు 2 మెగాపిక్సెల్ షూటర్లు (మ్యాక్రో కోసం ఒకటి మరియు పోర్ట్రెయిట్లకు ఒకటి) ఉన్నాయి. ఈ స్మార్ట్ ఫోనులో డ్యూయల్ సెల్ఫీ షూటర్లు ఉండే అవకాశం ఉంది. ఇందులో 32 మెగాపిక్సెల్ ప్రధాన షూటర్ మరియు 8 మెగాపిక్సెల్ వైడ్ యాంగిల్ షూటర్ ఉండవచ్చు.
రియల్మి X50 5G ఒకే సమయంలో ఆన్ లైన్ కనెక్టివిటీ కోసం డ్యూయల్-ఛానల్ వై-ఫై మరియు 5 జికి మద్దతు ఇస్తుందని నిర్ధారించబడింది. రియల్మి X 50 5G, 5 జి కనెక్టివిటీ కోసం అన్ని ప్రధాన స్ట్రీమ్ ఫ్రీక్వెన్సీ బ్యాండ్ లను కవర్ చేస్తుందని కంపెనీ వెల్లడించింది, వీటిలో N1, N41, N78, N79 ఉన్నాయి. టీజర్ పోస్టర్ లో, రియల్మి ఎక్స్ 50 5 జి మెరుగైన VOOC 4.0 ఫ్లాష్ ఛార్జ్ టెక్నాలజీకి మద్దతు ఇస్తుంది, ఇది కేవలం 30 నిమిషాల్లో 70 శాతం వరకు పరికరాన్ని ఛార్జ్ చేస్తుంది.