రియల్ మీ మరొక కొత్త స్మార్ట్ ఫోన్ ను ఇండియాలో లాంచ్ చేస్తున్నట్లు ప్రకటించింది. అంతేకాదు, ఈ అప్ కమింగ్ స్మార్ట్ ఫోన్ ముఖ్యమైన వివరాలను కూడా వెల్లడించింది. ఈ అప్ కమింగ్ స్మార్ట్ ఫోన్ ను Realme 8S గా తీసుకొస్తున్నట్లు ప్రకటించింది. ఈ స్మార్ట్ ఫోన్ ను మీడియాటెక్ లేటెస్ట్ ప్రోసెసర్ Dimensity 810 చిప్ సెట్ శక్తితో అందిస్తున్నట్లు కూడా తెలిపింది. ఈ ఫోన్ Flipkart నుండి సేల్ కావచ్చు. ఎందుకంటే, ఇప్పటికే Flipakrt ఈ ఫోన్ గురించి టీజింగ్ మొదలుపెట్టింది.
ఇ-కామర్స్ వెబ్‌సైట్ ఫ్లిప్‌కార్ట్ ఇప్పటికే ఈ ఫోన్ కోసం ప్రత్యేకమైన మైక్రోసైట్‌ని ఏర్పాటు చేయడంతో ఈ ఫోన్ ఫ్లిప్‌కార్ట్ ద్వారా సేల్ అవుతుంది. ఇక మైక్రోసైట్ ద్వారా ఈ ఫోన్ 5G స్మార్ట్‌ఫోన్ అని వెల్లడించింది మరియు ఈ ఫోన్ లేటెస్ట్ మీడియాటెక్ డైమెన్సిటీ 810 చిప్‌సెట్‌ తో వస్తున్న మొదటి ఫోన్ కూడా అవుతుంది. వాస్తవానికి, రియల్ మీ 8ఎస్ స్మార్ట్ ఫోన్ Realme 8i మరియు Realme Pad తో పాటుగా ప్రకటించబడుతుందని ఆశిస్తున్నారు. అయితే, ఈ ఫోన్ యొక్క లాంచ్ డేట్ ఇంకా ప్రకటించలేదు.
ముందుగా వచ్చిన లీక్స్ ప్రకారం, Realme 8s స్మార్ట్ ఫోన్ వెనుక స్క్వేర్ షేప్ కెమెరా మాడ్యూల్ లో అమర్చిన ట్రిపుల్ కెమెరా సెటప్ తో ఉంటుంది. ఈ ఫోన్ 90Hz రిఫ్రెష్ రేట్ గల 6.5 ఇంచ్ డిస్ప్లే తో వస్తుందని భావిస్తున్నారు. ఈ ఫోన్ మీడియాటెక్ డైమెన్సిటీ 810 చిప్‌సెట్‌ శక్తితో పనిచేస్తుంది మరియు 6జిబి మరియు 8జిబి అప్షన్ లతో జతచేయవచ్చు. అలాగే, బిగ్ బ్యాటరీ ఫాస్ట్ ఛార్జింగ్ సపోర్ట్ తో ఈ ఫోన్ వస్తుందని ఊహిస్తున్నారు.