భారతదేశంలో బడ్జెట్ యూజర్లను దృష్టిలో ఉంచుకొని నోకియా అతితక్కువ ధరలో మంచి ఫీచర్లతో తన కొత్త 4G ఫీచర్ ఫోన్ ను లాంచ్ చేసింది. నోకియా యొక్క ఈ లేటెస్ట్ ఫీచర్ ఫోన్ ను ప్రస్తుతం మార్కెట్లో వున్న టాప్ ఫీచర్ ఫోన్లకు కూడా గట్టి పోటీఇవ్వనుంది. Nokia 110 4G పేరుతో మార్కెట్లోకి తీసుకువచ్చిన ఈ ఫోన్ బెస్ట్ ఫీచర్లను కలిగివుంది. ఈ ఫీచర్ ఫోన్ చాలా కాంపాక్ట్ గా ఉంటుంది మరియు 3,000 రూపాయల కన్నా తక్కువ రేటుకే ఇండియాలో లభిస్తోంది.
Nokia 110 4G ఫీచర్ ఫోన్ రూ.2,799 రేటుతో విడుదల అయ్యింది. ఈ ఫోన్ పసుపు, నలుపు మరియు ఆక్వా కలర్ అప్షనలలో లభిస్తుంది. ఈ ఫోన్ అమెజాన్ మరియు నోకియా ఆన్లైన్ సైట్స్ ద్వారా లభిస్తుంది.
నోకియా 110 4 జి ఫోన్ 1.8-ఇంచ్ QVGA (120×160 పిక్సెల్స్) కలర్ డిస్ప్లేను కలిగివుంది. ఈ హ్యాండ్సెట్ Unisoc T107 ప్రాసెసర్ శక్తితో పనిచేస్తుంది. ఈ ఫోన్లో 128 MB ర్యామ్, 48 MB ఇన్బిల్ట్ స్టోరేజ్ ఉంది. ఒక మైక్రో SD కార్డ్ ద్వారా స్టోరేజ్ ను 32GB వరకూ విస్తరించవచ్చు. ఈ ఫోన్లో 0.8 మెగాపిక్సెల్ VGA కెమెరా ఉంది. ఈ ఫోన్ Series 30+ OS (ఆపరేటింగ్ సిస్టమ్) తో పనిచేస్తుంది.
ఈ ఫోన్ 1020 mAh రిమూవల్ బ్యాటరీతో వస్తుంది. ఈ బ్యాటరీ 13 రోజుల స్టాండ్బై సమయం, 16 గంటల మ్యూజిక్ ప్లేబ్యాక్ మరియు 5 గంటల 4 జి టాక్టైమ్ను అందించగలదని కంపెనీ పేర్కొంది. ఈ ఫోన్లో టెక్స్ట్ ను వాయిస్ గా మార్చే Redit ఫీచర్, MP3 ప్లేయర్ మరియు మరిన్ని ఫీచర్లతో ఉంటుంది.