తగ్గేదేలా అంటున్న మోటో: ఈసారి 194MP భారీ కెమెరాతో ఫోన్ తెస్తోంది

మోటరోలా భారీ 60MP సెల్ఫీ కెమెరాతో Edge 30 Pro స్మార్ట్ ఫోన్ ను ప్రకటించిన విషయం మనందరికీ తెలుసు. ఇప్పుడు ఇదే దూకుడుతో మరొక భారీ కెమెరాతో తన స్మార్ట్ ఫోన్ తీసుకురావడానికి మోటరోలా చూస్తున్నట్లు తెలుస్తోంది. ఆన్లైన్లో లీకైన నమూనా చిత్రాల ద్వారా  ఈ అప్ కమింగ్ స్మార్ట్ ఫోన్ 194MP భారీ కెమెరాతో మోటోరోలా స్మార్ట్ ఫోన్ తీసుకువస్తునట్లు కనిపిస్తోంది. మోటోరోలా ఫ్రాంటియర్ గా చెబుతున్న ఈ స్మార్ట్ ఫోన్ భారీ కెమెరా సెటప్ తో కనిపిస్తున్న హై రిజల్యూషన్ రెండర్స్ ఇప్పుడు వెలుగులోకివచ్చాయి. అయితే, ఈ మోటోరోలా అప్ కమింగ్ స్మార్ట్ ఫోన్ యొక్క పేరు 'ఫ్రాంటియర్' అని అధికారికంగా సూచించలేదని గమనించాలి.

Survey

మునుపటి లీక్ ఫ్రాంటియర్ స్మార్ట్‌ఫోన్ గురించి చాలా తక్కువగా సమాచారాన్ని వెల్లడించగా, లేటెస్ట్ నమూనా చిత్రాలు ఈ ఫోన్ మొత్తం డిజైన్ ను వెలుగులోకి తెచ్చాయి. ఈ లీక్స్ చూసిన తరువాత ఈ ఫోన్ డిజైన్ కూడా ప్రస్తుతం మార్కెట్లోని ఇతర ఫోన్ల మాదిరిగానే అనిపిస్తోంది. అంటే, మార్కెట్‌లోని ఇతర ప్రీమియం-బడ్జెట్ స్మార్ట్‌ఫోన్‌ల కంటే ఎక్కువ భిన్నంగా లేదని అర్ధం చేసుకోవచ్చు.

Add As A Trusted Source For Google.

Add as a preferred source on Google

మోటోరోలా ఫ్రాంటియర్ లీక్డ్ రెండర్ స్పెక్స్

లీకైన మోటోరోలా ఫ్రాంటియర్ లీక్డ్ రెండర్ల ప్రకారం, ఈ ఫోన్ యొక్క డిజైన్ పరంగా ముందు భాగంలో సాంసంగ్ స్మార్ట్‌ఫోన్‌ల మాదిరిగానే స్క్రీన్ పైభాగంలో ఒకే పంచ్ హోల్ కెమెరా ఉంటుంది. 6.7-అంగుళాల డిస్‌ప్లే వన్‌ప్లస్ 7 ప్రోలో కనిపించే మాదిరిగానే రెండు వైపులా  వంగి ఉంటుంది.

కెమెరాల పరంగా ఈ స్మార్ట్ ఫోన్ పెద్ద 194MP మైన్ సెన్సార్ మరియు రెండు అదనపు లెన్స్‌లను కలిగి ఉంటుంది.  ఇందులో, ఒకటి 50MP Samsung అల్ట్రావైడ్ లెన్స్ కాగా మరొకటి 12-MP సోనీ IMX663 టెలిఫోటో లెన్స్. అంతేకాదు, మోటోరోలా ఫ్రాంటియర్ స్మార్ట్ ఫోన్ స్నాప్ డ్రాగన్ 8 Gen 1 SoC యొక్క శక్తితో పనిచేస్తుందని కూడా లీకైన నివేదికలు చెబుతున్నాయి.

Follow Us

Raja Pullagura

Crazy about tech...Cool in nature... View Full Profile