iQOO Neo 10R launching with stunning looks in India
iQOO Neo 10R: ఐకూ అప్ కమింగ్ స్మార్ట్ ఫోన్ ను కంపెనీ ప్రకటించింది. 2024 చివరిలో క్వాల్కమ్ పవర్ ఫుల్ చిప్ సెట్ Snapdragon 8 Elite తో iQOO 13 ప్రీమియం స్మార్ట్ ఫోన్ ను ప్రకటించిన ఐకూ, ఇప్పుడు మిడ్ రేంజ్ స్మార్ట్ ఫోన్ సిరీస్ Neo నుంచి నెక్స్ట్ జనరేషన్ ఫోన్ లాంచ్ అనౌన్స్ చేసింది. ఈ అప్ కమింగ్ ఫోన్ డిజైన్ వెల్లడించే టీజర్ ఇమేజ్ తో ఐకూ టీజింగ్ మొదలు పెట్టింది.
ఐకూ నియో 10R స్మార్ట్ ఫోన్ లాంచ్ డేట్ ను కంపెనీ ఇంకా ప్రకటించలేదు. అయితే, ఈ ఫోన్ యొక్క డిజైన్ మరియు ఇతర కీలక వివరాలు వెల్లడించే టీజర్ ఇమేజ్ ను మాత్రం రిలీజ్ చేసింది. ఈ ఇమేజ్ ద్వారా ఈ అప్ కమింగ్ ఐకూ ఫోన్ యొక్క డిజైన్ మరియు ఫీచర్స్ వెల్లడయ్యాయి. ఐకూ నియో 10R స్మార్ట్ ఫోన్ ను అమెజాన్ స్పెషల్ గా లాంచ్ చేస్తున్నట్లు కూడా ఐకూ అనౌన్స్ చేసింది.
2024 ఫిబ్రవరి నెలలో ఐకూ నియో 9 ప్రో స్మార్ట్ ఫోన్ లాంచ్ తర్వాత ఈ సిరీస్ నుంచి మరో ఫోన్ ను లాంచ్ చేయలేదు. అయితే, ఇప్పుడు ఐకూ నియో 10R స్మార్ట్ ఫోన్ ఈ సిరీస్ నుంచి వచ్చే నెక్స్ట్ ఫోన్ అని ప్రకటించింది. అంటే, సంవత్సరం తర్వాత ఈ సిరీస్ నుంచి కొత్త ఫోన్ ను విడుదల చేస్తోంది.
నియో సిరీస్ నుంచి ఇప్పటి వరకు విడుదల చేసిన అన్ని ఫోన్లు కూడా వాటి ధర మరియు ఫీచర్స్ పరంగా గుర్తింపు పొందాయి. ఇప్పటి వరకు ఈ సిరీస్ నుండి వచ్చిన అన్ని ఫోన్లు కూడా Sony పవర్ ఫుల్ కెమెరా సెటప్ కలిగి ఉన్నాయి. ఇప్పుడు లాంచ్ చేయనున్న ఈ ఫోన్ కూడా గొప్ప Sony కెమెరా సెటప్ కలిగి ఉంటుందని అంచనా వేస్తున్నారు.
ఐకూ రిలీజ్ చేసిన ఈ అప్ కమింగ్ ఫోన్ ఇమేజ్ ద్వారా ఈ ఫోన్ లో వెనుక డ్యూయల్ OIS కెమెరా మరియు స్లీక్ డిజైన్ ఉంటుందని కన్ఫర్మ్ అయ్యింది. అయితే, నియో 9 ప్రో తో పోలిస్తే కెమెరా డిజైన్ లో మార్పు చేసింది. ఇది మాత్రమే కాదు ఈ ఫోన్ ను ర్యాగింగ్ బ్లూ అనే అందమైన కలర్ వేరియంట్ లో లాంచ్ చేస్తున్నట్లు కూడా కన్ఫర్మ్ చేసింది.
Also Read: 5 వేల బడ్జెట్ లో 200W Dolby Soundbar అందుకునే గొప్ప ఛాన్స్ అందించిన అమెజాన్.!
ఈ ఫోన్ ను Snapdragon 8s Gen 3 చిప్ సెట్ మరియు AMOLED డిస్ప్లే మరియు హెవీ బ్యాటరీ వంటి సెటప్ తో అందించే అవకాశం ఉందని అంచనా వేస్తున్నారు. అయితే , ఇవన్నీ కూడా కేవలం అంచనా ఫీచర్స్ గానే పరిగణించాలి. ఈ ఫోన్ ఫీచర్స్ గురించి కంపెనీ ఎటువంటి వివరాలు ఇంకా బయటపెట్టలేదు.
