iQOO 12 5G: స్టన్నింగ్ కెమేరా మరియు సూపర్ కంప్యూటింగ్ చిప్ సెట్ తో లాంచ్ అవుతోంది.!

iQOO 12 5G స్మార్ట్ ఫోన్ ను డిసెంబర్ 12 వ తేదీ ఇండియన్ మార్కెట్ లో లాంచ్ అవుతోంది. ఈ అప్ కమింగ్ స్మార్ట్ ఫోన్ యొక్క కీలకమైన స్పెక్స్ మరియు ఫీచర్స్ ను ఒక్కొక్కటిగా టీజర్ ద్వారా కంపెనీ విడుదల చేస్తోంది. ముందుగా చైనీస్ మార్కెట్ లో విడుదల చేయబడిన ఈ స్మార్ట్ ఫోన్ ఇప్పుడు భారత మార్కెట్ లో కూడా లాంచ్ చేస్తోంది ఐకూ. ఈ లేటెస్ట్ స్మార్ట్ ఫోన్ టీజ్డ్ స్పెక్స్ మరియు ఫీచర్స్ ఎలా ఉన్నాయో ఒక లుక్కేద్దామా.

Survey

iQOO 12 5G Teased Specs

ఐకూ 12 5జి స్మార్ట్ ఫోన్ యొక్క కీలకమైన స్పెక్స్ ను కంపెనీ ఒక్కొక్కటిగా బయటపెడుతోంది. ఈ ఫోన్ యొక్క కెమేరా, ప్రోసెసర్, ర్యాం, స్టోరేజ్ మరియు మరిన్ని కొన్ని ఇతర స్పెక్స్ ను ఇప్పటికే కంపెనీ బయట పెట్టింది. ఈ ఫోన్ కోసం అమేజాన్ ప్రత్యేకమైన మైక్రో సైట్ పేజ్ ద్వారా టీజింగ్ చేస్తోంది. అంటే, అమేజాన్ ద్వారా ఈ ఫోన్ సేల్ అవుతుంది.

ఐకూ 12 5జి స్మార్ట్ ఫోన్ ను గొప్ప స్పీడ్ అందించ గల క్వాల్కమ్ Snapdragon 8 Gen 3 ప్రోసెసర్ తో తీసుకు వస్తోంది. ఈ ఫోన్ లో వేగవంతమైన LPDDR5X RAM మరియు UFS 4.0 ఫాస్ట్ ఇంటర్నల్ స్టోరేజ్ సపోర్ట్ కూడా ఉంటాయి. ఈ ఫోన్ అత్యధికంగా 2.1 మిలియన్ పైనే AnTuTu స్కోర్ ను అందిస్తుందని చెబుతోంది.

Also Read : బడ్జెట్ ధరలో లగ్జరీ Smart Watch ను లాంచ్ చేసిన ఫైర్ బోల్ట్.!

ఈ ఫోన్ లో వెనుక 50MP + 50MP + 64MP ఫ్లాగ్ షిప్ కెమేరాని కలిగి వుంది. ఈ కెమేరా సిస్టమ్ తో ఇండియాలో విడుదలయ్యే మొదటి స్మార్ట్ ఫోన్ ఇదే అవుతుందని కూడా ఐకూ గొప్పగా చెబుతోంది. ఇందులో, 50MP ఆస్ట్రో గ్రఫీ కెమేరా, 50MP అల్ట్రా వైడ్ కెమేరా మరియు 64MP పెరిస్కోప్ టెలిఫోటో (3X) కెమేరా ఉన్నాయి. ఈ ఫోన్ ను మరింత వేగవంతంగా మార్చడానికి ఐకూ సొంత సూపర్ కంప్యూటింగ్ చిప్ సెట్ Q1 ను కూడా జత చేసింది.

ఈ ఫోన్ 144 fps గేమ్ ఫ్రేమ్ ఇంటర్పోలేషన్ మరియు ఫోన్ ను వేగంగా చల్ల బర్చడానికి వీలుగా 6K లార్జ్ వేపర్ ఛాంబర్ కూలింగ్ సిస్టం ను కూడా కలిగి వుంది. ఈ ఫోన్ ను గురించి కంపెనీ ఇప్పటి వరకూ ఈ ఫీచర్స్ తో టేకింగ్ చేస్తోంది. ఈ ఫోన్ యొక్క మరిన్ని ఫీచర్స్ కూడా త్వరలో వెల్లడించవచ్చు.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile