e-RUPI ని ప్రారంభించిన PM మోడీ: ఇది ఎలా పనిచేస్తుందో తెలుసా?

ప్రధాన మంత్రి నరేంద్ర మోడీ గారు ఈరోజు భారతదేశంలో కొత్త నగదు రహిత (Cashless) పేమెంట్ సొల్యూషన్ గా e-RUPI ని లాంచ్ చేశారు. ఇది ఎలక్ట్రానిక్ క్యాష్ మరియు పూర్తి ట్రాన్స్పరెన్సీ కలిగిఉంటుంది. డిజిటల్ పేమెంట్ వ్యవస్థను మరింత ముందుకు నడిపించడానికి ఈ e-RUPI తీసుకొచ్చారు. QR Code మరియు e-Vocher ఆధారంగా ఈ e-RUPI వ్యవస్థ పనిచేస్తుంది. వీడియో కాన్ఫరెన్స్ ద్వారా ప్రధాని ఈ ఎలక్ట్రానిక్ పేమెంట్ వోచర్ డిజిటల్ పేమెంట్ సొల్యూషన్ ను ప్రారంభించారు. దీని ప్రత్యేకత ఏమిటంటే, మీరు ఆన్‌లైన్ బ్యాంకింగ్ లేదా పేమెంట్ యాప్‌ను ఉపయోగించకపోయినా e-RUPI ఉపయోగించవచ్చు.

Survey

e-RUPI ఎలా పనిచేస్తుంది?

ఇది QR Code మరియు e-Vocher ఆధారంగా ఈ e-RUPI వ్యవస్థ పనిచేస్తుంది. ఇది వినియోగదారుల మొబైల్ నంబర్ కు పంపించబడుతుంది. వినియోగదారుల ఐడెంటిటీ మరియు మొబైల్ నంబర్ ను ధ్రువీకరించడం ద్వారా e-RUPI ప్రీపెయిడ్ వోచర్ వలే పనిచేస్తుంది. ఒక వ్యక్తి యొక్క బ్యాంక్ అకౌంట్ కు డబ్బును పంపడానికి బదులుగా, అతను e-RUPI వోచర్ అందుకుంటారు. QR Code లేదా SMS ద్వారా ఈ e-RUPI వోచర్ ను ఎవరికైనా పంపించవచ్చు.

ఎటువంటి పేమెంట్ యాప్ లేదా ఇంటర్నెట్ బ్యాంకింగ్ లేదా ATM కార్డ్ అవసరం లేకుండానే ఈ ఇ-రూపీ వోచర్ ను రిడీమ్ చేసుకోవచ్చు. ఈ వోచర్ ను పంపిన వ్యక్తి మాత్రమే ఈ వోచర్ ను ఒక్కసారి ఉపయోగించుకోగలరు. ఈ వోచర్ ను ఏ మొబైల్ నంబర్ తో అయినా ఉపయోగించుకోవచ్చు. ప్రభుత్వ పథకాల ద్వారా అందించే డబ్బు లేదా ఆర్ధికసహాయాన్ని మధ్యలో ఎటువంటి అడ్డంకి లేకుండా నేరుగా ప్రజల వద్దకే చేరేలా చెయ్యడమే ఈ e-RUPI యొక్క లక్ష్యమని ప్రధాని పేర్కొన్నారు. 

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile