మీ ఆధార్ నిజమైనదా లేక నకిలీదా.. అని ఎలా చెక్ చేయాలి..!!

మనదేశంలో ఎటువంటి అవసరానికైనా ముందుగా అడిగేది ఆధార్ కార్డ్. మరి ఆ ఆధార్ కార్డు నకిలీదని బయటపడితే, అప్పుడు మీ పరిస్థితి ఏమిటి. మా ఆధార్ కార్డ్ నకిలీది ఎందుకు అవుతుంది అనుకోకండి. ఎందుకంటే, అక్కడక్కడా కొన్ని నకిలీ ఆధార్ కార్దులు కూడా ఉన్నట్లు చాలా సార్లు మనం వార్తల్లో చూస్తుంటాము. అయితే, ప్రభత్వం ఇచ్చిన ఆధార్ కార్డులు ఖచ్చితంగా నిజమైనవే. కానీ, అడ్డదారిలో కొంత మంది ఆధార్ లను సృష్టిస్తున్నారు. 

Survey

మరి, వాటిలో మీ ఆధార్ కూడా ఉందని డౌటు రావచ్చు. అందుకే, ఎటువంటి ఆ అనుమానాలకు తావివ్వకుండా ఎవరి ఆధార్ కార్డు అయినా సరే నిజమైనదా లేక నకిలీదా అని చెక్ చేకునేనుందుకు ప్రభుత్వం సరైన మార్గాన్ని కూడా అందించింది. ఈ మార్గం ద్వారా మీరు కూడా మీ ఆధార్ కార్డు ని చెక్ చేసుకోవచ్చు. మరి అది ఎలాగ చేయాలో ఇక్కడ తెలుసుకుందాం.

మీ ఆధార్ నిజమైనదా లేక నకిలీదా?  అని ఎలా చెక్ చేయాలి ?

దీని కోసం, ముందుగా మీరు www.uidai.gov.in కు వెళ్ళాలి. అయితే, ఇక్కడ నుండి చాలా ఇతర విభగాలకు వెళ్ళవలసి వుంటుంది. అందుకే, మీరు నేరుగా మైన్ పేజ్ వెబ్‌సైట్‌ కు వెళ్లాలనుకుంటే https://resident.uidai.gov.in/verify కు వెళ్లాలి. ఇక్కడ మీరు మీ ఆధార్ ని సరైనదా కాదా అని ధృవీకరించడానికి, Aadhaar Number అని సూచించిన వద్ద మీ ఆధార్ నంబర్ ను ఎంటర్ చేయాలి. తరువాత, క్రింద అడగబడిన Captcha Verification ని కూడా ఎంటర్ చేసి Proceed To Verify పైన నొక్కాలి.

తరువాత, మీకు మీ ఆధార్ గురించి వివరాలు అందించబడతాయి. ఇందులో, మీరు ఎంటర్ చేసిన ఆధార్ సరైనదైతే, ఇందులో Age Group,జెండర్, రాష్ట్రం మరియు రిజిస్టర్ మొబైల్ నంబర్ చివరి మూడు అంకెలు వంటి వివరాలు చూపించ బడతాయి. ఇలాగ, మీ ఆధార్ నిజమైనదా లేక నకిలీదా అనే దాని పైన క్లారిటీ వస్తుంది.    

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile