சியோமி இந்தியா நிறுவனம் இரண்டு புதிய ஆடியோ சாதனங்களை பிப்ரவரி 22 ஆம் தேதி இந்திய சந்தையில் அறிமுகம் செய்ய இருக்கிறது. இரு சாதனங்களும் இதுவரை இல்லாத வகையில் தலைசிறந்த ஆடியோ அனுபவத்தை வழங்கும் என தெரிவிக்கப்பட்டு உள்ளது.
சியோமி இந்திய தலைவர் மனு குமார் ஜெயின் இரண்டு புத்தம் புதிய ஆடியோ சாதனங்கள் நிகழ்வில் அறிமுகம் செய்யப்படும் என்பதை உறுதிப்படுத்தி இருக்கிறார். எனினும், இதுபற்றி வேறு எந்த தகவலும் வழங்கப்படவில்லை.
மேலும் புதிய சவுண்ட் வேவ் வெளியிடப்பட இருப்பதாக சியோமி டீசரில் தெரிவித்து இருக்கிறது. இதற்கான டீசர்களில் இரண்டு இன்-இயர் ஹெட்செட் இடம்பெற்று இருக்கின்றன. எனினும், இவை வையர்டு அல்லது நெக்பேண்ட் ஹெட்செட் என எதுவாக இருக்கும் என்பது கேள்விக்குறியாக உள்ளது.