சைபர் செக்யூரிட்டி நிறுவனமான சைபர்எக்ஸ்9, விஐ தனது பயனர்களின் தரவை அம்பலப்படுத்தியதாகக் கூறியுள்ளது. 20 மில்லியனுக்கும் அதிகமான போஸ்ட்பெய்டு பயனர்களின் டேட்டா இதில் அடங்கும். போஸ்ட்பெய்டு பயனர்கள் உட்பட சுமார் 301 மில்லியன் வாடிக்கையாளர்களின் தொலைபேசி எண்கள், முகவரிகள், காலிங் பதிவுகள், எஸ்எம்எஸ் பதிவுகள் மற்றும் மொபைல் இணைய பயன்பாட்டு விவரங்கள் ஆன்லைனில் கசிந்தன. இருப்பினும், வோடபோன் ஐடியா பின்னர் தரவு மீறலை மறுத்ததாக கூறப்படுகிறது. மேலும், தொலைத்தொடர்பு நிறுவனத்திற்கு இதுபற்றித் தெரிந்தவுடன், இந்த விவகாரம் உடனடியாக சரி செய்யப்பட்டது என்றும் கூறப்படுகிறது.
சைபர் பாதுகாப்பு நிறுவனமான CyberX9 இன் அறிக்கையின்படி, அழைப்பு பதிவுகள், SMS விவரங்கள், இணைய பயன்பாட்டு விவரங்கள், இருப்பிடம், முழுப் பெயர், தொலைபேசி எண், முகவரி, விருப்பத் தொடர்பு எண், பயனர்களின் பில் விவரங்கள் போன்ற விவரங்களை Vi வெளிப்படுத்தியுள்ளது. இதில் 301 மில்லியனுக்கும் அதிகமான பயனர்களின் டேட்டா உள்ளது. லீக் ஆகியுள்ள டேட்டாக்களின் போஸ்ட்பெய்ட் பயனர்களும் இருப்பதாக அந்த அறிக்கையில் கூறப்பட்டுள்ளது.போஸ்ட்பெய்டு சேவைக்கு குழுசேர்ந்த 20 மில்லியன் வாடிக்கையாளர்களின் பதிவுகள் இதில் அடங்கும். அம்பலப்படுத்தப்பட்ட அழைப்புத் தரவுகளில் தனிப்பட்ட விவரங்களும் அடங்கும். இதில் Vi வாடிக்கையாளரின் தொலைபேசி எண் மற்றும் விருப்பத் தொடர்பு எண்கள், முகவரிகள் மற்றும் அவர்களது குடும்ப உறுப்பினர்கள் பற்றிய விவரங்கள் ஆகியவை அடங்கும்.
"இது மில்லியன் கணக்கான வோடபோன் ஐடியா வாடிக்கையாளர்களின் தனியுரிமை மற்றும் பாதுகாப்பிற்கு நிரந்தரமாக தீங்கு விளைவிக்கும்" என்று CyberX9 தெரிவித்துள்ளது. கடந்த இரண்டு ஆண்டுகளாக வாடிக்கையாளர்களின் முக்கியமான தரவுகளை வோடபோன் ஐடியா அம்பலப்படுத்தியதாக நிறுவனம் குற்றம் சாட்டியது, கசிந்த தரவு ஹேக்கர்களின் கைகளில் இருப்பதாகக் கூறியது. இந்த விவகாரம் குறித்து இதுவரை Vi நிறுவனம் அதிகாரப்பூர்வமாக எந்த தகவலையும் தெரிவிக்கவில்லை