பாரத் சஞ்சார் நிகாம் லிமிடெட் (BSNL) அதன் வாடிக்கையாளர்களுக்கு ரூ.94 ப்ரீபெய்ட் திட்டத்தின் பலன்களை அப்டேட் செய்துள்ளது . தொலைத்தொடர்பு நிறுவனம் மறைமுகமாக அவ்வாறு செய்துள்ளது,. மாற்றத்திற்குப் பிறகு, வாடிக்கையாளர்களுக்கு திட்டத்தின் பலன்கள் குறைக்கப்பட்டுள்ளன. பிஎஸ்என்எல் தனது பல ப்ரீபெய்ட் திட்டங்களில் சமீப காலங்களில் செய்த காரியம் இது. இது அடிப்படையில் அரசு நடத்தும் தொலைத்தொடர்பு ஆபரேட்டரின் மறைமுக கட்டண உயர்வு ஆகும். இந்தத் திட்டத்தின் மாற்றத்தை பற்றி பார்க்கலாம்.
BSNL நிறுவனம் ஒரு பிரபலமான ப்ரீபெய்ட் திட்டத்தின் வேலிடிட்டி-ஐ குறைத்துள்ளது. அதாவது TelecomTalk வலைத்தளம் வெளியிட்ட தகவலின்படி பிஎஸ்என்எல் நிறுவனத்தின் ரூ.94 ப்ரீபெய்ட் திட்டத்தில் தான் இப்போது வேலிடிட்டி குறைக்கப்பட்டுள்ளது.
பிஎஸ்என்எல் நிறுவனத்தின் ரூ.94 ப்ரீபெய்ட் திட்டம் ஆனது முன்பு 3ஜிபி டேட்டா மற்றும் 100 நிமிட வொய்ஸ் காலிங் நன்மைகளை வழங்கியது. அதேபோல் இதன் வேலிடிட்டி 90 நாட்களாக இருந்தது என்பது குறிப்பிடத்தக்கது.
தற்போது இந்த பிஎஸ்என்எல் ரூ.94 திட்டத்தில் வேலிடிட்டி குறைக்கப்பட்டுள்ளது. அதாவது இப்போது நீங்கள் இந்த ரூ.94 திட்டத்தில் ரீசார்ஜ் செய்தால் 30 நாட்கள் வேலிடிட்டி, 3ஜிபி டேட்டா மற்றும் 200 நிமிட குரல் அழைப்பு நன்மைகள் கிடைக்கும். குரல் அழைப்பு பலன் 100 நிமிடங்களிலிருந்து 200 நிமிடங்களாக உயர்ந்துள்ளது. ஆனால் வேலிடிட்டி 90 நாட்களில் இருந்து 30 நாட்களாகக் குறைந்து விட்டது