Realme GT Neo 3T ஸ்மார்ட்போன் ஜூன் மாதம் உலக சந்தையில் அறிமுகப்படுத்தப்பட்டது. அப்போதிருந்து, இந்த தொலைபேசியின் இந்தியாவில் வெளியீடு குறித்த விவாதங்கள் முழு வீச்சில் உள்ளன. சமீபத்தில், Realme India CEO மாதவ் சேத்தும் தனது Ask Madhav அமர்வின் போது தொலைபேசியின் இந்தியா வெளியீட்டை உறுதிப்படுத்தினார். அதே நேரத்தில், இன்று ஆகஸ்ட் 18, 2022 அன்று, Realme 9i 5G ஸ்மார்ட்போன் வெளியீட்டின் போது, Realme GT Neo 3T போன் அதிகாரப்பூர்வமாக டீஸ் செய்யப்பட்டுள்ளது.
ஜூன் மாதத்தில் இருந்தே ரியல்மி GT நியோ 3T ஸ்மார்ட்போனிற்கான டீசர்கள் வெளியிடப்பட்டு வருகின்றன. இரு மாதங்களாக அவ்வப்போது டீசர்கள் மட்டும் வெளியிடப்பட்டு வரும் நிலையில், இந்த ஸ்மார்ட்போனிற்கான வெளியீட்டு தேதி மட்டும் இதுவரை அறிவிக்கப்படாமலேயே உள்ளது.
முன்னதாக ரியல்மி GT நியோ 3T ஸ்மார்ட்போன் இந்தோனேசியா சந்தையில் அறிமுகம் செய்யப்பட்டது. இந்த ஸ்மார்ட்போன் ஏற்கனவே சீன சந்தையில் அறிமுகம் செய்யப்பட்ட ரியல்மி Q5 ப்ரோ மாடலின் ரிபிராண்ட் செய்யப்பட்ட வெர்ஷன் ஆகும்.
அம்சங்களை பொருத்தவரை இந்த மாடலில் 6.62 இன்ச் FHD+120Hz AMOLED டிஸ்ப்ளே, குவால்காம் ஸ்னாப்டிராகன் 870 பிராசஸர், LPDDR5 ரேம், UFS 3.1 மெமரி, ஆண்ட்ராய்டு 12 ஓஎஸ், 5000 எம்ஏஹெச் பேட்டரி, 80 வாட் பாஸ்ட் வயர்டு சார்ஜிங் வழங்கப்பட்டு இருக்கிறது.
இத்துடன் புகைப்படங்களை எடுக்க 64MP பிரைமரி கேமரா, 8MP அல்ட்ரா வைடு கேமரா, 2MP லென்ஸ், 16MP செல்பி கேமரா வழங்கப்பட்டு உள்ளது. இவற்றுடன் டூயல் ஸ்டீரியோ ஸ்பீக்கர்கள், இன் ஸ்கிரீன் கைரேகை சென்சார், 5ஜி, வைபை 6. ப்ளூடூத் 5ய2, என்எப்சி மற்றும் யுஎஸ்பி டைப் சி போர்ட் வழங்கப்பட்டு உள்ளது