Poco M2 ஸ்மார்ட்போன் இன்று படஜெட் விலையில் அறிமுகம்.

Poco M2 ஸ்மார்ட்போனில் 5000 Mah பேட்டரி, குவாட் கேமரா சென்சார்கள் வழங்கப்பட இருப்பதாக தகவல் வெளியாகி உள்ளது. புதிய தகவல் ப்ளிப்கார்ட் தளம் மூலம் வெளியாகி இருக்கிறது. இந்திய சந்தையில் புதிய போக்கோ எம்2 ஸ்மார்ட்போன் செப்டம்பர் 8 ஆம் தேதி ஆன இன்று அறிமுகம் செய்யப்பட இருக்கிறது.

புதிய போக்கோ எம்2 ஸ்மார்ட்போனில் ஃபாஸ்ட் சார்ஜிங் வசதி வழங்கப்படலாம் என எதிர்பார்க்கப்படுகிறது. இத்துடன் ஃபுல் ஹெச்டி பிளஸ் டிஸ்ப்ளே, வாட்டர் டிராப் நாட்ச் மற்றும் 6 ஜிபி ரேம் வழங்கப்பட இருக்கிறது. போக்கோ எம்2 விலை குறைவாக நிர்ணயம் செய்யப்படும் என்றே எதிர்பார்க்கப்படுகிறது.

Poco M2 ஸ்மார்ட்போனிற்கென ப்ளிப்கார்ட் தளத்தில் மைக்ரோசைட் திறக்கப்பட்டு இருக்கிறது. அதன்படி புதிய Poco M2  மாடல் வாட்டர்டிராப் நாட்ச், பெரிய பேட்டரி வழங்கப்பட இருப்பது தெரியவந்தது. முந்தைய போக்கோ எம்2 ப்ரோ மாடலில் பன்ச் ஹோல் ரக டிஸ்ப்ளே வழங்கப்பட்டு இருந்தது.

முந்தைய போக்கோ எம்2 ப்ரோ சீரிஸ் விலை ரூ. 13999 முதல் துவங்குகிறது. இதனால் புதிய போக்கோ எம்2 ஸ்மார்ட்போன் ரூ. 10 ஆயிரம் பட்ஜெட்டில் அறிமுகமாகும் என எதிர்பார்க்கலாம்.