ஒன்பிளஸ் நிறுவனத்தின் நார்டு 2 ஸ்மார்ட்போன் வெடித்து சிதறியதாக பயனர் ஒருவர் ட்விட்டரில் குற்றம்சாட்டி இருக்கிறார். சில தினங்களுக்கு முன் இதே போன்று மற்றொரு பயனரும் தனது நார்டு 2 வெடித்து சிதறியதாக குற்றம்சாட்டி இருந்தார்.
தனது தந்தைக்கு வாங்கிய நார்டு 2 கட்டிலில் இருக்கும் போது வெடித்து சிதறியதாக அவர் தெரிவித்தார். வெடித்ததால் தீப்பற்றி எரிந்த நார்டு 2 ஸ்மார்ட்போனினை தனது தந்தை சிறு கம்பு கொண்டு கட்டிலில் இருந்து தள்ளிவிட்டதாக பயனர் தெரிவித்தார்.
https://twitter.com/chakrav16005428/status/1424986840835055617?ref_src=twsrc%5Etfw
அதில், "எதிர்பாராதவிதமாக அரங்கேறிய சம்பவத்தால் உங்களின் தந்தைக்கு எந்த பாதிப்பும் ஏற்படவில்லை என நம்புகிறோம். இந்த விவகாரத்திற்கு முக்கியத்துவம் கொடுத்து, இதற்கான காரணத்தை கண்டறிய தயவு செய்து குறுந்தகவல் அனுப்புங்கள்," என தெரிவிக்கப்பட்டு உள்ளது.
இந்த விவகாரத்தில் பாதிக்கப்பட்ட பயனர் வெடித்து சிதறிய நார்டு 2 புகைப்படங்கள் எதையும் வெளியிடவில்லை. மேலும் அவர் குற்றச்சாட்டு அடங்கிய ட்விட்டர் பதிவும் தற்போது அழிக்கப்பட்டுவிட்டது. எனினும், ஒன்பிளஸ் சார்பில் பயனருக்கு ட்விட்டரில் பதில் அளிக்கப்பட்டு இருக்கிறது.