நீங்க OnePlus 9 மற்றும் OnePlus 9 Pro பயனரா ? அப்போ இந்த பிரச்சனையை சமாளிச்சு தான் ஆகணும்.
Follow Usஒன்பிளஸ் 9 சீரீஸ் மீது புகார்களை குவிக்கும் பயனர்கள்
இரண்டிலுமே லோ ஸ்டோரேஜ், விரைவாக பேட்டரி தீரும் சிக்கல்
இந்த ஆப் ஆனது கேலரி ஆப்பிற்கான trash bin ஆக செயல்படுகிறது.
ஒன்பிளஸ் 9 மற்றும் ஒன்பிளஸ் 9 ப்ரோ, முதன்மையான ஒன்பிளஸ் 9 சீரிஸ் போன் தயாரிப்பாளர் நிறுவனமான ஒன்பிளஸின் இரண்டு சக்திவாய்ந்த ஸ்மார்ட்போன்கள், பயனர்கள் சாதனத்தில் குறைந்த சேமிப்பகத்தால் சிக்கல்களை எதிர்கொள்கின்றனர். முன்பே ஏற்றப்பட்ட ஆப் மீடியா ஸ்டோரேஜ் காரணமாக இந்த பிரச்சனை நடக்கிறது போல் தெரிகிறது. உங்கள் தகவல்களுக்கு, இந்த பயன்பாடு கேலரி பயன்பாட்டிற்கான குப்பைத் தொட்டியாக செயல்படுகிறது
Surveyஒன்பிளஸ் 9 மற்றும் ஒன்பிளஸ் 9 ப்ரோ பயனர்கள் மீடியா ஸ்டோரேஜ் எனப்படும் ப்ரீ-லோலட் ஆப்பின் காரணமாக லோ ஸ்டோரேஜ் சிக்கலை சந்திப்பதாக புகார் கூறி வருகின்றனர் இந்த ஆப் ஆனது கேலரி ஆப்பிற்கான trash bin ஆக செயல்படுகிறது.
இருப்பினும், ஒன்பிளஸ் நிறுவனம் இன்னும் எந்தவொரு பயனரின் புகார்களுக்கும் பதிலளித்து எந்த தீர்வையும் வழங்கவில்லை.
ஆண்ட்ராய்டு போலீஸ் வலைதளத்தின் ஆர்டெம் ருசகோவ்ஸ்கி கவனித்தபடி, மீடியா ஸ்டோரேஜ் ஆப் ஆனது ஒன்பிளஸ் 9 மற்றும் ஒன்பிளஸ் 9 ப்ரோவில் உள்ளக ஸ்டோரேஜின் பெரும் பகுதியை நுகர்கிறது.
இந்த ஆப் தனது ஒன்பிளஸ் 9 ப்ரோவில் கிட்டத்தட்ட 126 ஜிபி ஸ்டோரேஜைப் பயன்படுத்துகிறது என்று அவர் ட்வீட் செய்துள்ளார்.
"Gallery Trash-ஐ காலி செய்த பிறகு (அதாவது 225 புகைப்படங்கள், மூன்று வீடியோக்கள்), மீடியா ஸ்டோரேஜ் டேட்டா 126 ஜிபி முதல் 5 ஜிபி வரை சென்றது," என்று அவர் ட்வீட் செய்துள்ளார்.
இந்த ஸ்டோரேஜ் சிக்கலால் ருசகோவ்ஸ்கி மட்டும் பாதிக்கப்படவில்லை, ஒன்பிளஸ் கம்யூனிட்டி ஃபோர்மஸ் மற்றும் ரெடிட்டிலும் கூட இதே போன்ற ஸ்டோரேஜ் சிக்கல்களை சந்திப்பதாக பல பயனர்கள் தெரிவித்த வண்ணம் உள்ளனர்.
இன்னொரு மோசமான தகவல் என்னவென்றால், ஒன்பிளஸ் கம்யூனிட்டி ஃபோர்மஸ் மற்றும் ரெடிட் ஆகிய இரண்டிலும் பயனர்கள் கடந்த ஏப்ரல் மாதம் முதலே இந்த ஸ்டோரேஜ் சிக்கல் குறித்த புகாரை அளித்து வருகின்றனர். எனவே இது முற்றிலும் புதிய சிக்கல் அல்ல.
எவ்வாறாயினும், ஒன்பிளஸ் 9 மற்றும் ஒன்பிளஸ் 9 ப்ரோ ஏராளமான ஸ்டோரேஜைக் கொண்டிருப்பதால், பல பயனர்கள் ஆரம்பத்திலேயே இந்த சிக்கல்களை கவனிக்காமல் இருப்பதில் எந்த ஆச்சரியமும் இல்லை.
கேலரி ஆப்பில் இருந்து நீக்கப்பட்ட புகைப்படங்கள் மற்றும் வீடியோக்களை 'ரெக்கார்ட்' செய்ய மீடியா ஸ்டோரேஜ் ஆப் ஆனது இன்டர்னல் ஸ்டோரேஜில் கைவைக்கிறது. அது ஸ்டோரேஜ் பற்றாக்குறையை ஏற்படுத்துவதோடு மட்டுமில்லாமல், ஸ்மார்ட்போனகளில் திடீர் மந்தநிலையையும் ஏற்படுத்துகிறதாம்.
மேலும் ட்விட்டரில் சில பயனர்கள் குறிப்பிட்டுள்ளபடி, இது சில சந்தர்ப்பங்களில் பேட்டரியையும் மிக விரைவாக தீர்கிறதாம்.
மீடியா ஸ்டோரேஜ் ஆப்பில் உள்ள சிக்கல்கள் ஒன்பிளஸ் 9 மற்றும் ஒன்பிளஸ் 9 ப்ரோவுக்கு மட்டுப்படுத்தப்பட்டதா அல்லது மற்ற ஒன்பிளஸ் போன்களையும் பாதிக்கிறதா என்பது குறித்து தற்போது வரை தெளிவாகத் தெரியவில்லை.
ட்விட்டரில் சில பயனர் , குறிப்பிட்ட ஆப்பின் காரணமாக விரிவாக பேட்டரி தீருவதென்பது ஒன்பிளஸ் 7 ப்ரோ மற்றும் புதிதாக அறிமுகப்படுத்தப்பட்ட ஒன்பிளஸ் நோர்ட் 2 ஸ்மார்ட்போன்களிலும் உள்ளது என்று கூறுகின்றனர்.
ஆகமொத்தம், புகாரளிக்கப்பட்ட சிக்கல்கள் ஒரு software bug உடன் தொடர்புடையவை என்று தோன்றுகிறது, எனவே இவைகள் அனைத்தும் வெறுமனே ஒரு அப்டேட் மூலம் தீர்க்கப்படலாம்
