நோக்கியா பிராண்டட் மொபைல்களை தயாரிக்கும் உரிமம் பெற்றுள்ள எச்எம்டி குளோபல் நிறுவனம், நோக்கியா ஜி 50 5ஜி என்கிற ஒரு மிட் ரேன்ஜ் 5ஜி போனில் வேலை செய்கிறது என்கிற தகவலை பல அறிக்கைகள் வெளிப்படுத்திய வண்ணம் உள்ளன.
அந்த பட்டியலில் Winfuture.de இணைந்துள்ளது. இது குறிப்பிட்ட ஸ்மார்ட்போனின் லீக் ரெண்டர்கள் மற்றும் முக்கிய விவரக்குறிப்புகளை ஆன்லைனில் பகிர்ந்துள்ளது. ஆக இந்த புதிய நோக்கியா ஸ்மார்ட்போன் அதிகாரப்பூர்வமாக வெளியாக அதிக நேரம் எடுக்காது என்று தோன்றுகிறது.
நோக்கியா ஜி 50 5ஜி ஸ்மார்ட்போன் 6.38 இன்ச் அளவிலான எல்சிடி டிஸ்ப்ளேவை கொண்டுள்ளது, இது 720 x 1560 பிக்சல்ஸ் எச்டி+ ரெசல்யூஷனை வழங்குகிறது.
இது ஸ்னாப்டிராகன் 480 சிப்செட்டை பேக் செய்யும். மேலும் இது 4,850mAh பேட்டரி மூலம் சக்தியூட்டப்படுகிறது.
ஆண்ட்ராய்டு 11 ஓஎஸ்-ஐ ப்ரீஇன்ஸ்டால்டு செய்யும் இந்த ஸ்மார்ட்போன் 48 மெகாபிக்சல் மெயின் கேமராவைக் கொண்டிருக்கும்.
மற்ற சில அறிக்கைகள் இது 4 ஜிபி ரேம் + 64 ஜிபி ஸ்டோரேஜ் மற்றும் 4 ஜிபி ரேம் + 128 ஜிபி ஸ்டோரேஜ் போன்ற வகைகளில் வரலாம் என்று தெரிவிக்கிறது.
நோக்கியா ஜி50 5ஜி ஸ்மார்ட்போன் ஆனது இந்த செப்டம்பரில் அதிகாரப்பூர்வமாக அறிமுகம் செய்யப்படலாம் என்று ஊகங்கள் பரவி வருகின்றன.
லீக் ஆன நோக்கியா G50 5G ஸ்மார்ட்போனின் விளம்பரப் படங்கள், அது Midnight Sun மற்றும் Blue போன்ற வண்ணங்களில் வரும் என்பதை காட்டுகின்றன.
முன்புறத்தில், இது ஒரு டியர் டிராப் டிஸ்பிளேவை கொண்டுள்ளது மற்றும் இதன் பின்புறம் பாலிகார்பனேட் பாடியால் உருவாக்கப்பட்டுள்ளது
இது ஒரு வட்ட வடிவ கேமரா மாட்யூலைக் கொண்டுள்ளது, அதில் மூன்று அல்லது நான்கு கேமராக்கள் மற்றும் ஒரு LED ஃப்ளாஷ் உள்ளது.
நோக்கியா ஜி 50 5ஜி ஸ்மார்ட்போனின் வலது புற பக்கவாட்டில் வால்யூம் ராக்கர்ஸ் உள்ளது. அதன் கீழே ஒரு பவர் பட்டன் உள்ளது, இது பிங்கர் பிரிண்ட் சென்சாருடன் ஒருங்கிணைக்கப்பட்டுள்ளது. ஸ்மார்ட்போனின் இடது விளிம்பில் வாய்ஸ் அசிஸ்டென்ட் பட்டன் உள்ளது.
நோக்கியா ஜி 50 ஸ்மார்ட்போனின் 4 ஜிபி ரேம் + 64 ஜிபி ஸ்டோரேஜ் ஆனது இந்திய மதிப்பின்படி தோராயமாக ரூ.18,048 க்கு அறிமுகம் செய்யப்படலாம் என்று எதிர்பார்க்கப்படுகிறது. ஆக இது ரூ.20கே பட்ஜெட்டை சுற்றி எங்காவது ஒரு புள்ளியில் அமரும் என்று நம்புவது நல்லது.