லம்போர்கினி நிறுவனத்தின் அசத்தலான புதிய ஹைப்ரிட் சூப்பர்கார் வருகிறது.
Follow Usலம்போர்கினி நிறுவனம் முற்றிலும் புதிய ஹைப்ரிட் சூப்பர்கார் மாடலை அறிமுகம் செய்து இருக்கிறது
புதிய Revuelto ஹைப்ரிட் மாடலில் 6.5L L545 V12 எஞ்சினின் மேம்பட்ட வெர்ஷன் உள்ளது
லம்போர்கினி நிறுவனம் முற்றிலும் புதிய ஹைப்ரிட் சூப்பர்கார் மாடலை அறிமுகம் செய்து இருக்கிறது. அவெண்டெடார் மாடலுக்கு மாற்றாக அறிமுகம் செய்யப்பட்டு இருக்கும் புதிய சூப்பர்கார் Revuelto என அழைக்கப்படுகிறது. இதுவரை அறிமுகம் செய்யப்பட்டதில் அதிநவீன தொழில்நுட்பங்களை கொண்ட லம்போர்கினி சூப்பர் கார் மாடலாக புதிய Revuelto ஹைப்ரிட் உள்ளது.
Surveyபுதிய Revuelto ஹைப்ரிட் மாடலில் 6.5L L545 V12 எஞ்சினின் மேம்பட்ட வெர்ஷன் உள்ளது. இந்த எஞ்சின் 825 பிஎஸ் பவர், 725 நியூட்டன் மீட்டர் டார்க் இழுவிசையை வெளிப்படுத்துகிறது. இதுவரை லம்போர்கினி வழங்கியதில் சக்திவாய்ந்த V12 எஞ்சின் இது ஆகும். இதில் உள்ள V12 எஞ்சின் பின்புற வீல்களை மட்டுமே இயக்கும். முன்புற வீல்களுக்கான திறனை இரண்டு எலெக்ட்ரிக் மோட்டார்கள் வழங்குகின்றன.
டிசைனை பொருத்தவரை புதிய சூப்பர்காரின் முன்புறம் Y வடிவ எல்இடி டேடைம் ரன்னிங் லைட்கள், டெயில் லேம்ப் கிராஃபிக்ஸ், பாடி லைன்கள், Y வடிவ வீல்கள், சிசர் டோர்கள், ஆக்டிவ் ரியர் விங், அதிகளவு டவுன்ஃபோர்ஸ் ஏற்படுத்தும் ரியர் டிஃப்யசர் வழங்கப்பட்டு இருக்கிறது.
இந்த காரின் எஞ்சின் மற்றும் எலெக்ட்ரிக் மோட்டார்களின் ஒருங்கிணைந்த செய்லதிறன் 1015 பிஎஸ் ஆகும். இதை கொண்டு காரில் மணிக்கு 100 கிலோமீட்டர் வேகத்தை 2.5 நொடிகளில் எட்டிவிட முடியும். மேலும் ஏழு நொடிகளில் மணிக்கு 200 கிலோமீட்டர் வேகத்தில் செல்ல முடியும். இந்த காரின் அதிகபட்ச வேகம் மணிக்கு 350 கிலோமீட்டர்கள் என கட்டுப்படுத்தப்பட்டு இருக்கிறது.
உள்புறம் 12.3 இன்ச் டிஜிட்டல் இன்ஸ்ட்ரூமெண்ட் கன்சோல், 8.4 இன்ச் போர்டிரெயிட் ஸ்டைல் டச் ஸ்கிரீன் இன்ஃபோடெயின்மெண்ட் ஸ்கிரீன், ஃபிளாட் பாட்டம் ஸ்டீரிங் வீல், U வடிவ ரிவர்ஸ் லீவர், 13 டிரைவிங் மோட், இரண்டு சுழலும் கண்ட்ரோல்கள் வழங்கப்பட்டுள்ளன
