உலகம் முழுவதும் மிஸ்டர் பீஸ்ட் என்று அழைக்கப்படும் யூடியூபர் ஜிம்மி டொனால்ட்சன், ட்விட்டரின் புதிய CEO ஆக முடியுமா என்று கேட்டுள்ளார். ட்விட்டர் உரிமையாளர் எலோன் மஸ்க் சமீபத்தில் ட்விட்டரின் தலைமை நிர்வாக அதிகாரி பதவியை விட்டு விலகுவதற்கான கருத்துக்கணிப்பு நடத்திய நேரத்தில் மிஸ்டர் பீஸ்டின் இந்த கேள்வி எழுந்தது. நிறுவனத்தின் தலைமை நிர்வாக அதிகாரி பதவியை ராஜினாமா செய்ய வேண்டுமா என்று மஸ்க் ட்விட்டர் கருத்துக்கணிப்பில் மக்களிடம் கேட்டிருந்தார். இந்த வாக்கெடுப்பில், 57.5 சதவீத மக்கள் (சுமார் 10 மில்லியன் பயனர்கள்) மஸ்கின் ராஜினாமாவுக்கு ஆதரவாக வாக்களித்துள்ளனர்.
பின்னர், கருத்துக்கணிப்பு முடிவைப் பகிர்ந்து கொண்ட மஸ்க், ட்விட்டர் தலைமை நிர்வாக அதிகாரி பதவியில் இருந்து விரைவில் ராஜினாமா செய்வதாகக் கூறினார். இந்த வேலையை செய்ய ஒரு முட்டாள் கிடைத்தால் உடனே சிஇஓ பதவியை ராஜினாமா செய்வதாக ட்வீட் செய்திருந்தார். இப்போது மிஸ்டர் பீஸ்டின் இந்த அறிக்கைக்குப் பிறகும் மஸ்க் வேடிக்கையான முறையில் பதிலளித்துள்ளார். 24 வயதான யூடியூபர் ஜிம்மி டொனால்ட்சனின் ட்வீட்டிற்கு மஸ்க் பதிலளித்தார், "இது கேள்விக்கு அப்பாற்பட்டது.
டிசம்பர் 19 அன்று எலோன் மஸ்க் இந்த ட்விட்டர் கருத்துக்கணிப்பை நடத்தினார், மேலும் கருத்துக்கணிப்பு முடிவுகள் எதுவாக இருந்தாலும் அதை பின்பற்றுவேன் என்று கூறினார். வாக்கெடுப்பில் வாக்களித்த 17,502,391 பேரில், 57.5 சதவீதம் பேர் மஸ்க் ட்விட்டர் தலைமை நிர்வாக அதிகாரி பதவியில் இருந்து விலக வேண்டும் என்றும், 42.5 சதவீதம் பேர் அவர் தொடர்ந்து இருக்க வேண்டும் என்றும் கூறியுள்ளனர்.
தனது ராஜினாமா அறிவிப்போடு, எலோன் மஸ்க் தனது எதிர்கால திட்டங்களையும் வெளியிட்டார். சிஇஓ பதவிக்கு ஆள் கிடைத்தவுடன் ராஜினாமா செய்துவிட்டு, அந்த நிறுவனத்தில் உள்ள சாப்ட்வேர் மற்றும் சர்வர் டீமை மட்டுமே கவனிப்பேன் என்று கூறியுள்ளார்.
https://twitter.com/MrBeast/status/1605962961033445376?ref_src=twsrc%5Etfw