கூகுள் நிறுவனத்தின் ஆன்ட்ராய்டு 9.0 பி பெயர் அதிகாரப்பூர்வமாக அறிவிக்கப்பட்டுள்ளது. புதிய ஆன்ட்ராய்டு இயங்குதளம் பை (pie ) என அழைக்கப்படுவதாகவும் இதற்கான முதல் ஸ்டேபில் அப்டேட் பிக்சல் ஸ்மார்ட்போன்களுக்கு வழங்கப்பட்டுள்ளது. பயனர்கள் இதனை ஆன்ட்ராய்டு டெவலப்பர்கள் வெப்சைட்டிலிருந்து டவுன்லோடு செய்யலாம்.
இத்துடன் புதிய வெர்சன் அப்டேட் OTA மூலமாகவும் வழங்கப்படுகிறது, பீட்டா திட்டத்திற்கு சைன்-அப் செய்தவர்கள் இதை கொண்டு அப்டேட் செய்து கொள்ளலாம். இத்துடன் ஆன்ட்ராய்டு ஓபன் சோர்ஸ் ப்ரோஜக்ட் முறையிலும் அப்டேட் வழங்கப்படுகிறது. பிக்சல் போன்றே எசென்ஷியல் போனுக்கும் புதிய இயங்குதள அப்டேட் வழங்கப்படுகிறது.
ஆன்ட்ராய்டு 9.0 அப்டேட் உடன் ஆகஸ்டு, 2018 ஆன்ட்ராய்டு செக்யூரிட்டி பேட்ச் உடன் வழங்கப்படுகிறது. பிக்சல் சி, நெக்சஸ் 5X மற்றும் 6P மாடல்களுக்கும் ஆன்ட்ராய்டு செக்யூரிட்டி அப்டேட் வழங்கப்பட்டுள்ளது, எனினும் இது ஆன்ட்ராய்டு 8.1 ஓரியோ சார்ந்தே இருக்கும்.
ஆன்ட்ராய்டு பி செக்யூரிட்டி பேட்ச் மூலம் அடாப்டிவ் பேட்டரி அம்சம் வழங்கப்பட்டுள்ளது. இந்த அம்சம் மெஷின் லெர்னிங் தொழில்நுட்பம் பயன்படுத்தி ஆப்களுக்கு முன்னுரிமை வழங்கும். ஆன்ட்ராய்டு பி பீட்டாவில் சோனி எகஸ்பீரியா XZ2, சியோமி Mi மிக்ஸ் 2எஸ், நோக்கியா 7 பிளஸ், ஒப்போ ஆர்15 ப்ரோ, விவோ X21 / X21UD மற்றும் ஒன்பிளஸ் 6 சாதனங்கள் பதிவு செய்திருப்பதாக கூகுள் தெரிவித்துள்ளது.
அதன்படி புதிய இயங்குதளத்துக்கான அப்டேட் விரைவில் வழங்கப்படும் என தெரிவிக்கப்பட்டுள்ளது. மேலும், ஆன்ட்ராய்டு 9 அப்டேட் பல்வேறு இதர சாதனங்களுக்கு வழங்க பல்வேறு நிறுவனங்களுடன் பணியாற்றி வருவதாக தெரிவிக்கப்பட்டுள்ளது.