అమెజాన్ ప్రైమ్ వీడియో, నెట్ఫ్లిక్స్ మరియు ఇతర స్ట్రీమింగ్ సేవల మాదిరిగా, ఫ్లిప్కార్ట్ కూడా తన భారతీయ వినియోగదారులకు వ్యక్తిగతీకరించిన(Personalized) వీడియో కంటెంట్ను అందిస్తుంది. ఫ్లిప్కార్ట్ వీడియో స్ట్రీమింగ్ సర్వీస్ కు కంపెనీ ఇంకా ఎటువంటి పేరు ఇవ్వనప్పటికీ, ఈ సేవ "ఫ్లిక్" పేరిట రావచ్చని అంచనా వేస్తున్నారు.
ఆండ్రాయిడ్ వినియోగదారుల కోసం ఫ్లిప్కార్ట్ తన వీడియో స్ట్రీమింగ్ సర్వీసును ప్రారంభించింది. ఫ్లిప్కార్ట్ యొక్క ఈ సర్వీస్ Android వినియోగదారులకు ఉచితంగా అందిచనున్నట్లు ప్రకటించింది. ఈ సర్వీస్ ద్వారా, వినియోగదారులు సినిమాలు, టీవీ కార్యక్రమాలు మరియు తదితర ఇతర వీడియో కంటెంట్లను ఉచితంగా చూడవచ్చు. ఈ సర్వీస్ కోసం ఫ్లిప్కార్ట్ తో వియు, డైస్ మీడియా, టివిఎఫ్, అర్రే మరియు వూట్ వాటి వీడియో కంటెంట్ ప్లాట్ఫారాలు భాగస్వామ్యులుగా వుండనున్నాయి. ఈ సర్వీస్, భాషలు మరియు అభిరుచుల ఆధారంగా వివిధ విభాగాలుగా విభజించబడి ఉంటాయి.
ఈ రకమైన సర్వీస్ ద్వారా, 20-30 సంవత్సరాల వయస్సులో ఉన్నవినియోగదారులను ఆకర్షించడానికి మరియు తన ప్రాచుర్యాన్ని మరింతగా పెంపొందించుకోవడానికి కంపెనీ ప్రయత్నిస్తోందని, కంపెనీ తెలిపింది. ఇది ఎక్కువ కంటెంట్ చూడటానికి ఇష్టపడే వారికి కూడా. ఈ కొత్త సర్వీస్ ప్రస్తుతం ఫ్లిప్కార్ట్ ఆండ్రాయిడ్ యాప్ ద్వారా మాత్రమే అందుబాటులోకి వచ్చింది. అదనంగా, ఫ్లిప్కార్ట్ ప్లస్ యూజర్లు కాని వారికి కూడా ఈ సేవ ఉచితం. రానున్న రోజుల్లో, ఈ సర్వీస్ మిగిలిన వినియోగదారులకు కూడా విస్తరించబడుతుంది.
అంతకుముందు, ఫ్లిప్కార్ట్ గ్రూప్ చీఫ్ ఎగ్జిక్యూటివ్ కళ్యాణ్ కృష్ణమూర్తి కూడా ఈ సర్వీస్ గురించి తన ప్రకటనలో మాట్లాడుతూ "ఇ-కామర్స్ లో భాగమైనా కాని వినియోగదారులకు కూడా ఇది ప్రత్యేకంగా ఉంటుంది. ప్రీమియం కంటెంట్ కోసం వినియోగదారులు విడిగా ఏమీ చెల్లించాల్సిన అవసరం లేదు" అని పేర్కొన్నారు.