Vivo कंपनी पुढील आठवड्यात आपला नवीन स्मार्टफोन लाँच करण्यासाठी सज्ज
हा फोन येत्या 22 एप्रिल रोजी भारतीय बाजारात लाँच केला जाईल.
Vivo T4 मध्ये काही खास AI फीचर्स पाहायला मिळतील.
प्रसिद्ध स्मार्टफोन निर्माता Vivo कंपनी पुढील आठवड्यात आपला नवीन स्मार्टफोन लाँच करण्यासाठी सज्ज झाली आहे. होय, कंपनी भारतात आपला नवीन स्मार्टफोन Vivo T4 5G लाँच करणार आहे. मध्यम श्रेणीतील कंपनीचा हा आणखी एक पॉवरफुल स्मार्टफोन असेल, जो तरुणांना लक्षात ठेवून AI फीचर्ससह डिझाइन केला गेला आहे. आम्ही तुम्हाला सांगतो की Vivo T4 ची विक्री केवळ Flipkart, Vivo ची साइट आणि ऑफलाइन स्टोअर्सद्वारे केली जाईल. हा फोन उत्तम प्रोसेसर, आकर्षक डिस्प्ले आणि पॉवरफुल बॅटरीसह येईल.
SurveyAlso Read: Xiaomi ने भारतात लाँच केले 65 इंचपर्यंत नवे Smart TV! किंमत 30 हजारांपेक्षा कमी, काय मिळेल विशेष?
Vivo T4 5G भारतीय लाँच डेट
प्रसिद्ध इ-कॉमर्स साईट Flipkart द्वारे Vivo ने आगामी Vivo T4 5G ची लाँच डेट जाहीर केली आहे. हा फोन येत्या 22 एप्रिल रोजी भारतीय बाजारात लाँच केला जाईल. या फोनची डिझाईन देखील उघड झाली आहे. फोनच्या उजव्या फ्रेमवर व्हॉल्यूम रॉकर आणि पॉवर बटण देखील आहे. या उपकरणाच्या एकूण लूकमध्ये राउंड कॉर्नर डिझाइन आहे, जो हातात चांगली पकड आणि प्रीमियम फील देईल.
Vivo T4 5G चे अपेक्षित तपशील
Vivo T4 5G फोनच्या अपेक्षित फीचर्स आणि स्पेसिफिकेशन्सबद्दल बोलायचे झाल्यास, लीकनुसार Vivo T4 5G फोन क्वाड कर्व्हड डिस्प्लेसह लाँच केला जाईल. म्हणजेच तेजस्वी सूर्यप्रकाशात स्क्रीन स्पष्टपणे दिसेल. हा फोन 6.67-इंच लांबीच्या फुल HD+ डिस्प्लेसह लाँच केला जाईल. स्पीड आणि मल्टीटास्किंगसाठी, या फोनमध्ये क्वालकॉमचा Snapdragon 7s Gen 3 ऑक्टाकोर प्रोसेसर दिला जाईल.
वर सांगितल्याप्रमाणे, Vivo T4 मध्ये काही खास AI फीचर्स पाहायला मिळतील. ज्यामुळे वापरकर्त्याचा अनुभव पूर्वीपेक्षा अधिक स्मार्ट आणि वैयक्तिकृत होईल. फोटो अधिक चांगले दिसण्यासाठी या फोनमध्ये कॅमेऱ्यासाठी सीन डिटेक्शन, नाईट मोड, पोर्ट्रेट ऑप्टिमायझेशन आणि ब्युटी मोड सारख्या एआय एन्हांसमेंट्स असण्याची अपेक्षा आहे.
फोटोग्राफीसाठी, या आगामी फोनमध्ये ड्युअल रियर कॅमेरा दिला जाऊ शकतो. लीकनुसार, त्याच्या बॅक पॅनलमध्ये 50MP चा सोनी IMX882 OIS सेन्सर असेल, जो 2MP च्या सेकंडरी लेन्ससह काम करेल. सेल्फी आणि व्हिडिओ कॉलिंगसाठी यात 32MP चा फ्रंट कॅमेरा मिळू शकतो. पॉवर बॅकअपसाठी, हा फोन 7300mAh क्षमतेच्या जबरदस्त बॅटरीसह लाँच केला जाईल. महत्त्वाचे लक्षात घ्या की, वरील सर्व लीक तपशील आहेत, कन्फर्म फीचर्स फोन लाँच झाल्यावरच पुढे येतील.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
