പവറോടെ പൊരുതാൻ iQOO Z11 വിപണിയിൽ; 7050 mAh ബാറ്ററിയും 32MP ഫ്രണ്ട് ക്യാമറയും

ക്യാമറക്കരുത്തിലും പെർഫോമൻസിലും വിപണി പിടിച്ചടക്കാൻ iQOO Z11 5G ഇന്ത്യൻ വിപണിയിലെത്തി. 7050 mAh ബ്ലൂവോൾട്ട് ബാറ്ററിയും 44W ഫാസ്റ്റ് ചാർജിംഗ് സപ്പോർട്ടുമുള്ള ഐഖൂ സ്മാർട്ട് ഫോണാണിത്. മീഡിയാടെക് ഡൈമൻസിറ്റി പ്രൊസസറും 4K വീഡിയോ റെക്കോർഡിംഗ് പിന്തുണയുമുള്ള ഐക്യൂ ഫോണാണിത്. 144Hz റിഫ്രഷ് റേറ്റാണ് സ്മാർട്ട് ഫോണിന്റെ മറ്റൊരു സവിശേഷത. സാധാരണ ഐഖൂ ഫോണുകൾ ജെൻസിയുടെ ഇടയിൽ ജനപ്രിയമാകാറുണ്ട്. 35000 രൂപ റേഞ്ചിൽ വിലയാകുന്ന ഐഖൂ 11 5ജി ഗെയിമിങ്ങിന് അനുയോജ്യമാണോ? ഫോണിന്റെ ഫീച്ചറുകളും ഇന്ത്യയിലെ വില അറിയാം.

Also Read: Ration Card ൽ പുതിയ അംഗത്തെ ചേർക്കണോ? മൊബൈൽ ഫോണിലൂടെ വെറും 6 സ്റ്റെപ്പ് മതി

iQOO Z11 5G Specifications

മീഡിയടെക്കിന്റെ പുതിയ ഡൈമെൻസിറ്റി 7500 ടർബോ പെർഫോമൻസ്, കർവ്ഡ് അമോലെഡ് ഡിസ്‌പ്ലേ, കരുത്തുറ്റ ബാറ്ററി എന്നിവയാണ് ഫോണിന്റെ സവിശേഷതകൾ. ഇതിന്റെ ഓരോ ഫീച്ചറുകളും അറിയാം.

• ഡിസ്പ്ലേ: ഐഖൂ Z11 5ജിയിൽ 1.5K റെസല്യൂഷനും 144Hz റിഫ്രഷ് റേറ്റുമുള്ള 6.83 ഇഞ്ച് 3D കർവ്ഡ് AMOLED ഡിസ്‌പ്ലേയാണുള്ളത്. 2000 നിറ്റ്സ് വരെയുള്ള പീക്ക് ബ്രൈറ്റ്‌നസ് മോഡുള്ള ഫോൺ സ്ക്രീനിൽ ഇൻ-ഡിസ്‌പ്ലേ ഫിംഗർപ്രിന്റ് സെൻസറാണ് ഉൾപ്പെടുത്തിയിട്ടുള്ളത്.
• ക്യാമറ: ഫോട്ടോഗ്രാഫിക്കായി OIS സപ്പോർട്ട് ചെയ്യുന്ന 50 മെഗാപിക്സൽ Sony IMX882 പ്രൈമറി ക്യാമറയാണുള്ളത്. ഇതിൽ 8 മെഗാപിക്സൽ അൾട്രാ-വൈഡ് സെൻസറാണുള്ളത്. ഫോണിൽ സെൽഫികൾക്കും വീഡിയോ കോളുകൾക്കുമായി 32 മെഗാപിക്സൽ ക്യാമറയാണ് മുൻവശത്ത് നൽകിയിട്ടുള്ളത്. ഫോണിന്റെ മുമ്പിലത്തെയും പിന്നിലെയും ക്യാമറകൾ 4K വീഡിയോ റെക്കോർഡിംഗ് സപ്പോർട്ട് ചെയ്യുന്നു. ഇതിൽ EIS പിന്തുണയ്ക്കുന്ന അൾട്രാ-വൈഡ് ക്യാമറയുണ്ട്. ഇത് 1080p റെക്കോർഡിംഗ് പിന്തുണയ്ക്കുന്നു.
• ബാറ്ററി: 44W ഫാസ്റ്റ് ചാർജിംഗ് പിന്തുണയ്ക്കുന്ന 7,050mAh ബാറ്ററിയാണ് ഫോണിലുള്ളത്.
• ഡ്യൂറബിലിറ്റി: പൊടി, വെള്ളം പ്രതിരോധിക്കുന്ന IP68, IP69 റേറ്റിംഗ് ഫോണിനുണ്ട്. ഇതിന് MIL-STD-810H സർട്ടിഫിക്കേഷനുണ്ട്.
• പ്രൊസസർ: മീഡിയാടെക് ഡൈമൻസിറ്റി 7500 ടർബോ ചിപ്‌സെറ്റാണ് ഐക്യൂ Z11 ഫോണിനുള്ളത്. ഇത് 12GB വരെ LPDDR4X റാമും 256GB UFS 3.1 സ്റ്റോറേജും സപ്പോർട്ട് ചെയ്യുന്നു.
• സോഫ്റ്റ് വെയർ: ആൻഡ്രോയിഡ് 16 അടിസ്ഥാനമാക്കിയുള്ള OriginOS ആണ് ഫോണിലെ ഒഎസ്. മൂന്ന് Android OS അപ്‌ഗ്രേഡുകളും അഞ്ച് വർഷത്തെ സെക്യൂരിറ്റി അപ്‌ഡേറ്റുകളും കമ്പനി ഉറപ്പുനൽകുന്നു. AI ക്രിയേഷൻ, AI കാപ്ഷൻസ് തുടങ്ങിയ AI ഫീച്ചറുകളും ഇതിലുണ്ട്.

ഇന്ത്യയിലെ വില

അറോറ ഗ്രീൻ, സെലസ്റ്റിയൽ ബ്ലൂ എന്നീ നിറങ്ങളിലാണ് ഫോൺ അവതരിപ്പിച്ചത്. 6GB RAM, 128GB സ്റ്റോറേജ് വേരിയന്റിന് 34,999 രൂപയാണ് വില. 8ജിബി ഫോണിന് 39,999 രൂപയും, 8GB റാമും 256GB സ്റ്റോറേജ് ഫോമിന് 44999 രൂപയും വിലയാകുന്നു. ടോപ് വേരിയന്റ് 12GB/256GB സ്റ്റോറേജുള്ള ഐഖൂ Z11 ഫോണാണ്. ഇതിന് 49,999 രൂപയാണ് വില .

ഓഗസ്റ്റ് 25-ന് ഉച്ചയ്ക്ക് 12 മണി മുതൽ ആമസോൺ, ഐഖൂ വെബ്‌സൈറ്റ്, റീട്ടെയിൽ ഔട്ട്‌ലെറ്റുകളിലൂടെ വിൽപ്പനയ്‌ക്കെത്തും. സ്മാർട്ട് ഫോണിന് 3,000 രൂപ വരെയുള്ള ബാങ്ക് ഡിസ്‌കൗണ്ടുകളും 1,000 രൂപയുടെ കൂപ്പൺ ഇളവും ആദ്യ വിൽപ്പനയിൽ ലഭിക്കും.