200MP Camera Phones
2026 വർഷം 200MP Camera യുമായി വമ്പൻ സ്മാർട്ട് ഫോണുകളാണ് വരുന്നത്. ഐഖൂ, സാംസങ്, റെഡ്മി തുടങ്ങി നിരവധി ബ്രാൻഡുകളിൽ നിന്ന് സ്മാർട്ട് ഫോണുകൾ വരുന്നു. ഇതിനകം ഈ വർഷം ചില ഫോണുകൾ 200 മെഗാപിക്സൽ ക്യാമറ ഫോണുകളും ഇവിടെ പരിചയപ്പെടുത്താം.
ആഗോള തലത്തിൽ ഈ വർഷം ലോഞ്ച് ചെയ്ത വിവോ വി60ഇയിൽ 200എംപി ക്യാമറയുണ്ടായിരുന്നു. ഇത് മിഡ് റേഞ്ച് ഫോണാണ്. ചൈനയിൽ ലോഞ്ച് ചെയ്ത വിവോ വൈ500 പ്രോയിലും ഇതേ സെൻസറാണുള്ളത്.
ഹോണർ മാജിക് 8 പ്രോ ഫ്ലാഗ്ഷിപ്പ് ഫോണിലും സാംസങ് HP9 ആണ് കൊടുക്കുന്നത്. നിലവിൽ ചൈനയിൽ മാത്രം ലഭ്യമായ ഹോണർ 500, 500 പ്രോയിൽ സാംസങ് HP3 200-മെഗാപിക്സൽ ക്യാമറയാണുള്ളത്.
ഓപ്പോ ഫൈൻഡ് X9 പ്രോയിൽ ട്രിപ്പിൾ ക്യാമറയാണ് കൊടുത്തിരിക്കുന്നത്. 200-മെഗാപിക്സൽ സാംസങ് HP5 പെരിസ്കോപ്പ് ടെലിഫോട്ടോ ക്യാമറയാണ് ഇതിലുള്ളത്. ഓപ്പോ റെനോ 15 സീരീസിലും 200എംപി സാംസങ് HP5 സെൻസറാണ് കൊടുത്തിരിക്കുന്നത്.
റിയൽമി ജിടി 8 പ്രോയിൽ പ്രൈമറി സെൻസറായി സാംസങ് എച്ച്പി5 സജ്ജീകരിച്ചിരിക്കുന്നു.
Also Read: Samsung Galaxy S26 Ultra: ഫോണുകളിലെ ഗജരാജൻ വരുന്നത് 6 പുത്തൻ കളറുകളിൽ, പ്രതീക്ഷിക്കാനേറെ?
സാംസങ് ISOCELL HP5, OmniVision OV52A, സോണി LYT-901 തുടങ്ങിയ സെൻസറുകളുള്ള 200എംപി ഫോണുകളാകും വരുന്നത്. 2025 ഒക്ടോബറിലാണ് സാംസങ് ISOCELL HP5 സെൻസർ പുറത്തിറക്കിയത്.
വിവോ V60e പോലുള്ള മിഡ്-ടയർ ഫോണുകളിൽ വരെ ഈ സെൻസറാണ് ഉപയോഗിച്ചത്. വരാനിരിക്കുന്ന ചില മിഡ്-പ്രീമിയം ഫോണുകളിലും ഫ്ലാഗ്ഷിപ്പുകളിലും ഇത് നൽകിയേക്കും.
വിവോ എക്സ് 300, എക്സ് 300 പ്രോ എന്നിവയിലുള്ള സാംസങ് സെൻസറും ഇപ്രാവശ്യം കൂടുതൽ ഫോണുകളിലുണ്ടാകും. Samsung HPB സെൻസറാണ് ഇവയിലുള്ളത്. ഇതുകൂടാതെ Sony LYT-901 സെൻസറും, ഒമ്നിവിഷൻ OV52A സെൻസറുമുള്ള 200MP ക്യാമറ ഫോണുകളുണ്ടാകും.