150cc വരുന്ന Yamahaയുടെ 4 അപ്ഡേറ്റഡ് ബൈക്കുകൾ ഇന്ത്യയിൽ ഇറങ്ങി

കേരളത്തിൽ യമഹക്ക് വലിയൊരു ആരാധകവൃത്തമുണ്ടെന്ന് പറയാം. ജപ്പാൻ ആസ്ഥാനമായി പ്രവർത്തിക്കുന്ന Yamaha ഇപ്പോഴിതാ തങ്ങളുടെ നാല് ബൈക്കുകളുടെ പുതുക്കിയ പതിപ്പുകളാണ് വിപണിയിൽ എത്തിച്ചിട്ടുള്ളത്.
150ccയുള്ളവയാണ് ഈ ബൈക്കുകൾ. പുറത്തിറക്കിയ ബൈക്കുകളിൽ 2023 മോഡലായ MT-15, R15, FZ-X, FZ-S FI എന്നിവ ഉൾപ്പെടുന്നു. ഇതിന് പുറമെ, നിരവധി പുതിയ ഫീച്ചറുകൾ പുതിയ ബൈക്കുകളിൽ ഉൾപ്പെടുത്തിയിട്ടുണ്ട്. ഇവയിലെ ഓരോ ബൈക്കുകളെയും വിശദമായി മനസിലാക്കാം…

Survey

യമഹയുടെ MT-15

150cc വിവിഎ ലിക്വിഡ് കൂൾഡ് എൻജിനാണ് എംടി-15ന് കരുത്തേകുന്നത്. പിൻവശത്തെ മോണോഷോക്ക്, ഡിസ്ക് ബ്രേക്ക് എന്നിവയും ബൈക്കിന്റെ എടുത്തുപറയേണ്ട സവിശേഷതകളാണ്. മെറ്റാലിക് ബ്ലാക്ക്, ഐസ്-ഫ്ലൂ വെർമിലിയൻ, സിയാൻ സ്റ്റോം, റേസിംഗ് ബ്ലൂ കളർ ഓപ്ഷനുകളിലാണ് Yamahaയുടെ MT-15 വിപണിയിൽ എത്തുന്നത്.

Add As A Trusted Source For Google.

Add as a preferred source on Google

എൽഇഡി ഹെഡ്‌ലാമ്പുകൾ, ടിസിഎസ്, ഡ്യുവൽ-ചാനൽ എബിഎസ്, രണ്ട് വ്യത്യസ്ത പതിപ്പുകളോട് കൂടിയ ബ്ലൂടൂത്ത് കണക്റ്റിവിറ്റി എന്നിവയും ഇതിന് ലഭിക്കും. ഇതിന് സിയാൻ സ്റ്റോം, ഐസ് ഫ്ലൂ വെർമിലിയൻ, റേസിംഗ് ബ്ലൂ, മെറ്റാലിക് ബ്ലാക്ക് ഡീലക്സ് എന്നീ നാല് നിറങ്ങൾ ലഭിക്കും. ഇതിന്റെ എക്സ്-ഷോറൂം പ്രാരംഭ വില ഏകദേശം 16,8400 രൂപയാണ്.

R15 യമഹ

R15 എന്നത് ഒരു റേസിങ് ബൈക്കാണ്. വെള്ളയും നീലയും കോമ്പോയിലാണ് ഇത് ലോഞ്ച് ചെയ്തിരിക്കുന്നത്. നൈറ്റ് മോഡ് ഡിജിറ്റൽ ഇൻസ്ട്രുമെന്റ് ക്ലസ്റ്ററാണ് ഇതിനുള്ളത്. പുതിയ എമിഷൻ മാനദണ്ഡങ്ങൾക്ക് അനുസൃതമായാണ് കമ്പനി ഈ ബൈക്ക് ഡിസൈൻ ചെയ്തിരിക്കുന്നത്. ഇതിന്റെ എക്സ്-ഷോറൂം പ്രാരംഭ വില ഏകദേശം 18,0900 രൂപ വരുന്നു.

FZ-X യമഹ ബൈക്ക്

പുതിയ FZ-X യമഹ ബൈക്കുകളിൽ എൽഇഡി ടേൺ ഇൻഡിക്കേറ്ററുകൾ, എൽഇഡി ടെയിൽലൈറ്റുകൾ എന്നിവയുണ്ട്. അതേസമയം, ഇതിന് സംയോജിത എൽഇഡി ഡേടൈം റണ്ണിങ് ലൈറ്റുകളും ബൈ-ഫംഗ്ഷണൽ എൽഇഡി ഹെഡ്‌ലാമ്പുകളും ഇതിൽ ഉൾപ്പെട്ടിരിക്കുന്നു.

മൊബൈൽ ചാർജിങ്, ബ്ലൂടൂത്ത് കണക്റ്റിവിറ്റി തുടങ്ങിയ ഫീച്ചറുകളും FZ-X യമഹ ബൈക്കിലുണ്ടാകും. ഡാർക്ക് മാറ്റ് ബ്ലൂ, മാറ്റ് കോപ്പർ എന്നിങ്ങനെ മൂന്ന് കളർ ഓപ്ഷനുകളിലാണ് ഇത് വരുന്നത്. ഏകദേശം 13,5900 രൂപയാണ് ഇതിന്റെ എക്സ്-ഷോറൂം പ്രാരംഭ വില.

യമഹയുടെ FZ-S FI

FZ-S FIയുടെ അപ്ഡേറ്റഡ് ഡിസൈനാണിത്. എൽഇഡി ലാമ്പുകളും പുതിയ ഹെഡ്‌ലാമ്പുകളും ഇതിൽ ഉൾപ്പെടുത്തിയിരിക്കുന്നു. ഇതിന് പുറമെ ഇന്റഗ്രേറ്റഡ് എൽഇഡി ഡേടൈം റണ്ണിങ് ലൈറ്റുകളും ഈ മോഡലിൽ ഉൾപ്പെടുത്തിയിരിക്കുന്നു.

ബ്ലൂടൂത്ത് കണക്റ്റിവിറ്റി, ട്രാക്ഷൻ കൺട്രോൾ സിസ്റ്റം എന്നിവയും ഇതിലുണ്ടാകും. മെറ്റാലിക് ഗ്രേ, മജസ്റ്റി റെഡ്, മെറ്റാലിക് ബ്ലാക്ക് എന്നീ മൂന്ന് കളർ ഓപ്ഷനുകളിൽ FZ-S FI യമഹ ബൈക്ക് ലഭ്യമാകും. ഇതിന്റെ എക്സ്-ഷോറൂം പ്രാരംഭ വില ഏകദേശം 11,5200 രൂപയാണ്.

Follow Us

Anju M U

Anju M U, an aspirational technology writer at Digit Malayalam. Covering updates on gadgets, telecom, ott, AI-related content, tech trends and reviews. View Full Profile