Pushpa 2 OTT Latest: ഓൺലൈനിൽ കാണാം! Reloaded വേർഷൻ സ്ട്രീമിങ് തുടങ്ങി, ഹിന്ദിയിൽ മാത്രം കിട്ടില്ല

Pushpa 2 OTT: അല്ലു അർജുന്റെ മാസ് ആക്ഷൻ ചിത്രം ഒടിടിയിലെത്തി. Pushpa 2: The Rule ജനുവരി 30 മുതൽ സ്ട്രീമിങ് ആരംഭിച്ചു. മലയാളം, തെലുഗു, കന്നഡ, തമിഴ് എന്നീ ഭാഷകളിൽ സിനിമ ഓൺലൈനായി കാണാം. എന്നാൽ ഹിന്ദിയിൽ മാത്രം പുഷ്പ 2 ദി റൂൾ ലഭിക്കില്ല.

Survey

Pushpa 2 OTT: ഒടിടിയിൽ

ഇന്ത്യന്‍ സിനിമാ ബോക്‌സ് ഓഫീസ് റെക്കോഡുകളിൽ ചരിത്രമെഴുതിയ സിനിമയാണിത്. കഴിഞ്ഞ ഡിസംബര്‍ അഞ്ചിനാണ് പുഷ്പ 2 തിയേറ്ററിൽ റിലീസ് ചെയ്തിരുന്നത്. സുകുമാറിന്റെ സംവിധാനത്തില്‍ എത്തിയ ചിത്രത്തിൽ ഫഹദ് ഫാസിലാണ് പ്രതിനായകൻ. സിനിമ ഇനി നിങ്ങളുടെ സ്വീകരണ മുറിയിലും മൊബൈൽ ഫോണിലും എത്തിയിരിക്കുന്നു.

Add As A Trusted Source For Google.

Add as a preferred source on Google

തിയേറ്ററുകളിൽ 56 ദിവസം പൂർത്തിയാക്കിയാണ് സിനിമ ഒടിടിയിലേക്ക് വന്നിട്ടുള്ളത്.

Pushpa 2 OTT release

ഏറ്റവും കൂടുതല്‍ കളക്ഷൻ നേടിയ രണ്ടാമത്തെ ഇന്ത്യൻ ചിത്രമെന്ന ഖ്യാതിയും പുഷ്പ 2 ആണ്. 1800 കോടിയ്ക്ക് മുകളിലാണ് അല്ലു അർജുൻ ചിത്രം കളക്ഷൻ നേടിയത്. ആമിർ ഖാന്റെ ദംഗൽ ആണ് പുഷ്പയ്ക്ക് മുന്നിലുള്ള ഇന്ത്യൻ ചിത്രം.

തിയേറ്റർ റിലീസിന് രണ്ട് മാസങ്ങൾക്ക് ശേഷമാണ് പുഷ്പ 2 ദി റൂൾ ഡിജിറ്റൽ പ്ലാറ്റ്ഫോമുകളിലേക്ക് എത്തിയിരിക്കുന്നത്. പുഷ്പ 2-ന്റെ റീലോഡഡ് വേർഷനാണ് ഒടിടിയിലുള്ളത്.

പറഞ്ഞ പോലെ നെറ്റ്ഫ്ലിക്സിലാണ് മാസ് ആക്ഷൻ സിനിമ റിലീസ് ചെയ്തത്. ഹിന്ദിയിലൊഴികെ നാല് ഭാഷകളിൽ ത്രില്ലർ ആസ്വദിക്കാം.

റീലോഡഡ് വേർഷൻ പുഷ്പ 2

തിയേറ്ററിൽ കണ്ട സിനിമയിൽ നിന്ന് അൽപം വ്യത്യസ്തമാണ് ഒടിടി പതിപ്പ്. ബിഗ് സ്ക്രീനിലെ പുഷ്പ 2-ൽ കട്ട് ചെയ്ത ഭാഗങ്ങൾ ഒടിടി റിലീസിൽ ഉൾപ്പെടുത്തിയിരിക്കുന്നു. അതായത് റീലോഡഡ് വേർഷനിൽ 23 മിനിറ്റ് എക്‌സ്ട്രാ ഫൂട്ടേജാണ് കൊടുത്തിരിക്കുന്നത്.

പുഷ്പ 2: ദി റൂൾ

2021-ലിറങ്ങിയ പുഷ്പ: ദി റൈസിന്റെ രണ്ടാം ഭാഗമാണ് ചിത്രം. 500 കോടി വരെ ബജറ്റിലാണ് സിനിമ നിർമിച്ചത്. എസ്പി ഭൻവർ സിംഗ് ഷെഖാവത്തായി എത്തുന്നത് മലയാളികളുടെ പ്രിയപ്പെട്ട ഫഹദ് ഫാസിലാണ്. രശ്മിക മന്ദാന ശ്രീവല്ലിയായും വേഷമിടുന്നു.

കേരളത്തിൽ പുഷ്പ 2 ദി റൂളിന് തിളങ്ങാനായില്ല. എന്നാൽ ഉത്തരേന്ത്യൻ സംസ്ഥാനങ്ങളിൽ സിനിമ വലിയ വിജയമായിരുന്നു.

Also Read: Pushpa 2 OTT പ്രഖ്യാപിച്ചു! ദിവസങ്ങൾക്കുള്ളിൽ Netflix റിലീസിന്…

Follow Us

Anju M U

Anju M U, an aspirational technology writer at Digit Malayalam. Covering updates on gadgets, telecom, ott, AI-related content, tech trends and reviews. View Full Profile