Vodafone Idea (Vi 5G) Launched
Vodafone Idea (Vi 5G): ಭಾರತದ ನಾಲ್ಕನೇ ಅತಿದೊಡ್ಡ ಟೆಲಿಕಾಂ ವೊಡಾಫೋನ್-ಐಡಿಯಾ (Vi) ಬಳಕೆದಾರರಿಗೆ ಒಳ್ಳೆಯ ಸುದ್ದಿ ಇದೆ. ತನ್ನ ಬಳಕೆದಾರರಿಗೆ ಉಡುಗೊರೆಯಾಗಿ ನೀಡುವ ಮೂಲಕ ಕಂಪನಿಯು ಈಗ ಈ ನಗರಗಳಲ್ಲಿ 5G ಸೇವೆಯನ್ನು ಪ್ರಾರಂಭಿಸಿದೆ. ವೊಡಾಫೋನ್ ಐಡಿಯಾ (ವಿ) ಸೋಮವಾರ ಚಂಡೀಗಢ ಮತ್ತು ಪಾಟ್ನಾ ಎಂಬ ಎರಡು ಹೊಸ ನಗರಗಳಲ್ಲಿ ಹೈ-ಸ್ಪೀಡ್ ಇಂಟರ್ನೆಟ್ ಸೇವೆಗಳನ್ನು ಪ್ರಾರಂಭಿಸುವ ಮೂಲಕ ಭಾರತದಲ್ಲಿ ತನ್ನ 5G ನೆಟ್ವರ್ಕ್ ವ್ಯಾಪ್ತಿಯನ್ನು ವಿಸ್ತರಿಸಿದೆ.
ಹೊಸ ಉಪಕ್ರಮದ ಭಾಗವಾಗಿ ಈ ನಗರಗಳಲ್ಲಿ 5G ನೆಟ್ವರ್ಕ್ಗಳನ್ನು ನಿಯೋಜಿಸಲು Vi ಸ್ಯಾಮ್ಸಂಗ್ನೊಂದಿಗೆ ಪಾಲುದಾರಿಕೆ ಹೊಂದಿದೆ. ನೆಟ್ವರ್ಕ್ ಕಾರ್ಯಕ್ಷಮತೆಯನ್ನು ಮತ್ತಷ್ಟು ಸುಧಾರಿಸಲು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ತಂತ್ರಜ್ಞಾನವನ್ನು ಬಳಸುತ್ತಿರುವುದಾಗಿ ಕಂಪನಿ ಹೇಳಿಕೊಂಡಿದ್ದು ಮುಂದಿನ ತಿಂಗಳು ಹೆಚ್ಚಿನ ದೊಡ್ಡ ನಗರಗಳಲ್ಲಿ 5G ಸೇವೆಯನ್ನು ಪ್ರಾರಂಭಿಸಲು ಸಿದ್ಧತೆ ನಡೆಸುತ್ತಿದೆ.
ಚಂಡೀಗಢ ಮತ್ತು ಪಾಟ್ನಾ ಬಳಕೆದಾರರು ಇನ್ ಇಂದಿನಿಂದ ಅಂದ್ರೆ 28ನೇ ಏಪ್ರಿಲ್ 2025 ರಿಂದ 5G ಹೈ-ಸ್ಪೀಡ್ ಇಂಟರ್ನೆಟ್ ಸೇವೆಗಳನ್ನು ಆನಂದಿಸಬಹುದು ಎಂದು ವಿಐ ಹೇಳಿದೆ. ನೆಟ್ವರ್ಕ್ ಅನ್ನು ಅತ್ಯುತ್ತಮವಾಗಿಸಲು Al ಆಧಾರಿತ ಸ್ವಯಂ-ಸಂಘಟನಾ ನೆಟ್ವರ್ಕ್ (SON) ವ್ಯವಸ್ಥೆಯನ್ನು ಸಹ Vi ಜಾರಿಗೆ ತಂದಿದೆ. ಇದು ಬಳಕೆದಾರರಿಗೆ ಇನ್ನೂ ಉತ್ತಮ ಸಂಪರ್ಕ ಅನುಭವವನ್ನು ನೀಡುತ್ತದೆ.
ಇದರೊಂದಿಗೆ VI ರೂ. 299 ಕ್ಕಿಂತ ಹೆಚ್ಚಿನ ಬೆಲೆಯ ಯೋಜನೆಗಳೊಂದಿಗೆ ಅನಿಯಮಿತ 5G ಡೇಟಾವನ್ನು ಸಹ ನೀಡುತ್ತಿದೆ. ಈ ವೊಡಾಫೋನ್ ಪ್ರಿಪೇಯ್ಡ್ ಯೋಜನೆಗಳೊಂದಿಗೆ ನೀವು ಅನಿಯಮಿತ 5G ಡೇಟಾವನ್ನು ಪಡೆಯುತ್ತೀರಿ. 299 ರೂ.ಗಿಂತ ಹೆಚ್ಚಿನ ವೊಡಾಫೋನ್ ಅನ್ಲಿಮಿಟೆಡ್, ಹೀರೋ ಅನ್ಲಿಮಿಟೆಡ್, ಸೂಪರ್ ಹೀರೋ ಪ್ಲಾನ್ಗಳೊಂದಿಗೆ ಅನಿಯಮಿತ 5G ಇಂಟರ್ನೆಟ್ ಅನ್ನು ನೀಡಲಾಗುತ್ತಿದೆ. ಹೆಚ್ಚುವರಿಯಾಗಿ ದೇಶಾದ್ಯಂತ 11 ಪ್ರಮುಖ ಕ್ರಿಕೆಟ್ ಕ್ರೀಡಾಂಗಣಗಳಲ್ಲಿ Vi 5G ಸೇವೆಗಳನ್ನು ಹೊಂದಿದ್ದು ಅಭಿಮಾನಿಗಳು ಲೈವ್ ಪಂದ್ಯಗಳ ಸಮಯದಲ್ಲಿ ಹೆಚ್ಚಿನ ವೇಗದ ಇಂಟರ್ನೆಟ್ ಅನ್ನು ಆನಂದಿಸಲು ಅನುವು ಮಾಡಿಕೊಡುತ್ತದೆ.
ಇಲ್ಲಿಯವರೆಗೆ ಕಂಪನಿಯ 5G ಸೇವೆಯು ಮುಂಬೈ ವೃತ್ತಕ್ಕೆ ಮಾತ್ರ ಸೀಮಿತವಾಗಿತ್ತು ಅಲ್ಲಿ ಆಯ್ದ ಪ್ರಿಪೇಯ್ಡ್ ಮತ್ತು ಪೋಸ್ಟ್ ಪೇಯ್ಡ್ ಬಳಕೆದಾರರು ಇದರ ಲಾಭವನ್ನು ಪಡೆಯುತ್ತಿದ್ದರು. ಶೀಘ್ರದಲ್ಲೇ ಅಸ್ತಿತ್ವಕ್ಕೆ ಬರಲಿರುವ ಟೆಲಿಕಾಂ ಆಪರೇಟರ್ ಮುಂದಿನ ತಿಂಗಳು ಬೆಂಗಳೂರು ಮತ್ತು ದೆಹಲಿಗೆ ತನ್ನ 5G ಸೇವೆಗಳನ್ನು ವಿಸ್ತರಿಸಲು ಯೋಜಿಸಿದೆ.