ದೇಶೀಯ ಮಾರುಕಟ್ಟೆಗೆ ಲಗ್ಗೆ ಇಡಲು ಸಜ್ಜಾಗುತ್ತಿದೆ Redmi Turbo 6 ಸ್ಮಾರ್ಟ್ಫೋನ್ ಸರಣಿ!
Follow Usದೇಶೀಯ ಮಾರುಕಟ್ಟೆಗೆ ಲಗ್ಗೆ ಇಡಲಿದೆ ರೆಡ್ಮಿ ಟರ್ಬೊ 6 ಮೊಬೈಲ್ ಸರಣಿ
ರೆಡ್ಮಿ ಟರ್ಬೊ 6 ಸರಣಿಯು ಎರಡು ಮಾಡೆಲ್ಗಳನ್ನು ಪಡೆದಿರುವ ನಿರೀಕ್ಷೆ ಇದೆ
ಮುಂಬರುವ ಈ ಸರಣಿಯು 10,000mAh ಬ್ಯಾಟರಿ ಬ್ಯಾಕ್ಅಪ್ ಒಳಗೊಂಡಿರುವ ಸಾಧ್ಯತೆ
ಲೀಡಿಂಗ್ ಬ್ರಾಂಡ್ ಆಗಿರುವ ರೆಡ್ಮಿ ಇತ್ತೀಚಿಗಷ್ಟೆ ರೆಡ್ಮಿ ಕಂಪನಿಯು ರೆಡ್ಮಿ ಟರ್ಬೊ 5 ಬಿಡುಗಡೆ ಮಾಡಿ ದೇಶೀಯ ಮಾರುಕಟ್ಟೆಯಲ್ಲಿ ಅಬ್ಬರಿಸಿದೆ. ಇದೀಗ ರೆಡ್ಮಿ ಕಂಪನಿಯು Redmi Turbo 6 Series ಸ್ಮಾರ್ಟ್ಫೋನ್ಗಳಲ್ಲಿ ಕೆಲಸ ಮಾಡುತ್ತಿದೆ. ಕಳೆದ ವರ್ಷ ಚೀನಾದಲ್ಲಿ ರೆಡ್ಮಿ ಟರ್ಬೊ 5 ಮತ್ತು ಟರ್ಬೊ 5 ಮ್ಯಾಕ್ಸ್ ಅನ್ನು ಬಿಡುಗಡೆ ಮಾಡಲಾಗಿದೆ. ಇದರ ಆಧಾರದ ಮೇಲೆ ಕಂಪನಿಯು ಈ ವರ್ಷ ಭಾರತದಲ್ಲಿ ಈ ಸರಣಿಯ ರೆಡ್ಮಿ ಟರ್ಬೊ 6 ಸ್ಟ್ಯಾಂಡರ್ಡ್ ಮತ್ತು ರೆಡ್ಮಿ ಟರ್ಬೊ 6 ಮ್ಯಾಕ್ಸ್ ಎರಡೂ ಮಾಡೆಲ್ಗಳನ್ನು ಬಿಡುಗಡೆ ಮಾಡಲಿದೆ ಎಂದು ಅಂದಾಜಿಸಲಾಗಿದೆ. ಅಂದಹಾಗೆ ರೆಡ್ಮಿ ಸಂಸ್ಥೆಯ ಈ ಹೊಸ ಸರಣಿಯ ಫೋನ್ಗಳ ಕುರಿತು ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
SurveyAlso Read : UMANG ಅಪ್ಲಿಕೇಶನ್ ಡೇಟಾ ಲೀಕ್ ವರದಿ: ಅನೇಕ ಬಳಕೆದಾರರ ಮಾಹಿತಿಗೆ ಅಪಾಯ!
ಸದ್ಯದಲ್ಲೇ ಬರಲಿದೆ Redmi Turbo 6 Series
ರೆಡ್ಮಿ ಮೊಬೈಲ್ ಕಂಪನಿಯು ಹೊಸ ರೆಡ್ಮಿ ಟರ್ಬೊ 6 ಸರಣಿಯನ್ನು ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆ ಮಾಡಲು ತಯಾರಿ ನಡೆಸಿದೆ. ಕಂಪನಿಯ ಈ ಫೋನ್ ಶೀಘ್ರದಲ್ಲೇ ಬಿಡುಗಡೆ ಆಗಲಿದೆ. ಈ ರೆಡ್ಮಿ ಫೋನ್ ದೊಡ್ಡ 7 ಇಂಚಿನ ಡಿಸ್ಪ್ಲೇ ಮತ್ತು ಬೃಹತ್ 10,000mAh ಬ್ಯಾಟರಿ ಬ್ಯಾಕ್ಅಪ್ ಅನ್ನು ಒಳಗೊಂಡಿರಬಹುದು. ರೆಡ್ಮಿ ಟರ್ಬೊ 6 ಸ್ಮಾರ್ಟ್ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8 ಸರಣಿ ಚಿಪ್ಸೆಟ್ ಪ್ರೊಸೆಸರ್ನಿಂದ ಕೆಲಸ ಮಾಡಲಿದೆ ಎಂದು ಟಿಪ್ಸ್ಟರ್ ಹೇಳಿಕೊಂಡಿದ್ದಾರೆ.
ರೆಡ್ಮಿ ಟರ್ಬೊ 6 ನಿರೀಕ್ಷಿತ ಫೀಚರ್ಸ್ ಮಾಹಿತಿ
ಲೀಕ್ ಮಾಹಿತಿ ಪ್ರಕಾರ ಮುಂಬರುವ ಹೊಸ ರೆಡ್ಮಿ ಟರ್ಬೊ 6 ಸ್ಮಾರ್ಟ್ಫೋನ್ MediaTek Dimensity 8600 ಚಿಪ್ಸೆಟ್ ಪ್ರೊಸೆಸರ್ ಬಲದಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ. ಇದೇ ಪ್ರೊಸೆಸರ್ ಅನ್ನು ಈ ಹಿಂದೆ ಹಾನರ್ ಪವರ್ 3 ಸ್ಮಾರ್ಟ್ಫೋನ್ನಲ್ಲಿ ಬಳಸಲಾಗಿತ್ತು. ಆ ಫೋನ್ 12,000mAh ಸಾಮರ್ಥ್ಯದ ಬೃಹತ್ ಬ್ಯಾಟರಿಯೊಂದಿಗೆ ಗಮನ ಸೆಳೆದಿತ್ತು. ರೆಡ್ಮಿ ಟರ್ಬೊ 6 ಮ್ಯಾಕ್ಸ್ ಮಾದರಿಯು MediaTek Dimensity 9 ಸರಣಿಯ ಪ್ರೊಸೆಸರ್ನೊಂದಿಗೆ ಬರಲಿದೆ ಎನ್ನಲಾಗುತ್ತಿದೆ. ವಿಶೇಷವಾಗಿ, ಈ ಮಾದರಿಯಲ್ಲಿ Dimensity 9600s ಚಿಪ್ಸೆಟ್ ಇರಬಹುದೆಂದು ವರದಿಗಳು ಸೂಚಿಸಿವೆ. ಆದರೆ ಈ ಮಾಹಿತಿಯನ್ನು ಶಿಯೋಮಿ ಅಥವಾ ರೆಡ್ಮಿ ಕಂಪನಿ ಇನ್ನೂ ಅಧಿಕೃತವಾಗಿ ದೃಢಪಡಿಸಿಲ್ಲ.
ಇದಲ್ಲದೆ ಈ ಹಿಂದಿನ ಲೀಕ್ ಮಾಹಿತಿ ಪ್ರಕಾರ ರೆಡ್ಮಿ ಟರ್ಬೊ 6 ಮ್ಯಾಕ್ಸ್ 2K ರೆಸಲ್ಯೂಶನ್ ಹೊಂದಿರುವ ಡಿಸ್ಪ್ಲೇಯೊಂದಿಗೆ ಮಾರುಕಟ್ಟೆಗೆ ಬರಬಹುದು ಎನ್ನಲಾಗಿದೆ. ಇದರ ಜೊತೆಗೆ ಅಲ್ಟ್ರಾಸಾನಿಕ್ ಇನ್-ಡಿಸ್ಪ್ಲೇ ಫಿಂಗರ್ಪ್ರಿಂಟ್ ಸ್ಕ್ಯಾನರ್, ಮೆಟಲ್ ಫ್ರೇಮ್ ರಚನೆ ಹಾಗೂ IP68/IP69 ಧೂಳು ಮತ್ತು ನೀರಿನ ನಿರೋಧಕ ರೇಟಿಂಗ್ ಸೌಲಭ್ಯವನ್ನು ಹೊಂದಿರಲಿದೆ ಎಂಬ ಸೂಚನೆಗಳು ಇವೆ. ಪ್ರಸ್ತುತ ಲಭ್ಯವಿರುವ ಮಾಹಿತಿಯಂತೆ ರೆಡ್ಮಿ ಟರ್ಬೊ 6 ಸರಣಿಯು 2027 ರ ಜನವರಿಯಲ್ಲಿ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆ ಇದೆ. ಆದರೆ ಇದರ ಅಧಿಕೃತ ಬಿಡುಗಡೆ ದಿನಾಂಕ ಮತ್ತು ಸಂಪೂರ್ಣ ವಿಶೇಷಣಗಳನ್ನು ಕಂಪನಿ ಮುಂದಿನ ದಿನಗಳಲ್ಲಿ ಪ್ರಕಟಿಸುವ ನಿರೀಕ್ಷೆಯಿದೆ.
