ಸೆಪ್ಟೆಂಬರ್ 4 ರಂದು ಮಾರುಕಟ್ಟೆಗೆ ಲಗ್ಗೆ ಇಡಲಿದೆ POCO X8 5G ಸ್ಮಾರ್ಟ್ಫೋನ್! 9,000mAh ಬ್ಯಾಟರಿ ಖಚಿತ
Follow Usಸೆಪ್ಟಂಬರ್ 4 ರಂದು ಪೊಕೊ X8 ಪವರ್ ಫೋನ್ ಬಿಡುಗಡೆ
ಪೊಕೊ X8 5G ಮೊಬೈಲ್ ಡ್ಯುಯಲ್ ಕ್ಯಾಮೆರಾ ಪಡೆದಿರಲಿದೆ
ಪೊಕೊ X8 5G ಫೋನ್ 9,000mAh ಬ್ಯಾಟರಿ ಬ್ಯಾಕ್ಅಪ್ ಹೊಂದಿರಲಿದೆ
ಪೊಕೊ ಕಂಪನಿಯು ಭಾರತದಲ್ಲಿ ಹೊಸದಾಗಿ POCO X8 5G ಮೊಬೈಲ್ ಅನ್ನು ಪರಿಚಯಿಸಲು ಸಜ್ಜಾಗಿದೆ. ಕಂಪನಿ ಈಗಾಗಲೇ ಫೋನ್ನ ಪ್ರಮುಖ ಫೀಚರ್ಸ್ ಅನ್ನು ಖಚಿತಪಡಿಸಿದ್ದು, ಇದು ಬರೋಬ್ಬರಿ 9,000 mAh ಸಾಮರ್ಥ್ಯದ ಬ್ಯಾಟರಿ ಹೊಂದಿರಲಿದೆ. ಒಂದೇ ಚಾರ್ಜ್ನಲ್ಲಿ ಸುಮಾರು 3.2 ದಿನಗಳ ವರೆಗೆ ಬ್ಯಾಕ್ಅಪ್ ನೀಡಬಹುದು ಎಂದು ಪೊಕೊ ಸಂಸ್ಥೆಯು ಹೇಳಿಕೊಂಡಿದೆ. ಹೀಗಾಗಿ ಹೊಸ X-ಸರಣಿಯ ಫೋನ್ನಲ್ಲಿ ಬ್ಯಾಟರಿ ಬಾಳಿಕೆಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆ. ಹಾಗಾದರೇ ಪೊಕೊ X8 5G ಸ್ಮಾರ್ಟ್ಫೋನ್ಗೆ ಸಂಬಂಧಿಸಿದಂತೆ ಕಂಪನಿ ಖಚಿತಪಡಿಸಿರುವ ಮಾಹಿತಿ ಹಾಗೂ ಸೋರಿಕೆಯಾಗಿರುವ ನಿರೀಕ್ಷಿತ ಫೀಚರ್ಸ್ಗಳ ವಿವರ ಇಲ್ಲಿದೆ.
SurveyAlso Read : iPhone 18 Pro ಬಿಡುಗಡೆಗೂ ಮುನ್ನವೇ ಭರ್ಜರಿ ಅಪ್ಡೇಟ್: ಈ ದಿನದಂದು ಪ್ರೀ-ಆರ್ಡರ್ ಸಾಧ್ಯತೆ!
POCO X8 5G ಬಿಡುಗಡೆಗೆ ಡೇಟ್ ಫಿಕ್ಸ್
ಮುಂಬರುವ ಹೊಸ ಪೊಕೊ X8 ಫೋನ್ ಬಿಡುಗಡೆ ಮುನ್ನವೇ ಲೀಕ್ ಮಾಹಿತಿಗಳ ಮೂಲಕ ಮಾರುಕಟ್ಟೆಯ ಗಮನ ಸೆಳೆದಿದೆ. ಅಂದಹಾಗೆ ಈ ಫೋನ್ ಭಾರತದಲ್ಲಿ ಸೆಪ್ಟೆಂಬರ್ 4 ರಂದು ಮಧ್ಯಾಹ್ನ 12 ಗಂಟೆಗೆ ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ಇನ್ನು ಈ ಮೊಬೈಲ್ ಆಕರ್ಷಕ ಕಲರ್ ಆಯ್ಕೆ ಪಡೆದಿರಲಿದದ್ದು, ಇದರ ಬೆಲೆ ಸುಮಾರು 35,000 ರೂ.ಗಳು ಇರಬಹುದು ಎಂದು ಅಂದಾಜಿಸಲಾಗಿದೆ.
ಪೊಕೊ X8 ಫೋನಿನ ನಿರೀಕ್ಷಿತ ಫೀಚರ್ಸ್
ಲೀಕ್ ಮಾಹಿತಿ ಪ್ರಕಾರ ಪೊಕೊ X8 ಸ್ಮಾರ್ಟ್ಫೋನ್ 6.83 ಇಂಚಿನ 1.5K AMOLED ಡಿಸ್ಪ್ಲೇ ಹೊಂದಿರಬಹುದು. ಈ ಸ್ಕ್ರೀನ್ 120Hz ರಿಫ್ರೆಶ್ ರೇಟ್ ಬೆಂಬಲಿಸುವ ನಿರೀಕ್ಷೆಯಿದೆ. ಹಾಗೆಯೇ ಇದರ ಸ್ಕ್ರೀನ್ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ 2 ರಕ್ಷಣೆಯೂ ಪಡೆದಿರಲಿದೆ. ಹಾಗೆಯೇ Snapdragon 6 Gen 5 ಚಿಪ್ಸೆಟ್ ಪ್ರೊಸೆಸರ್ ಪವರ್ ಒಳಗೊಂಡಿರಬಹುದು ಎನ್ನಲಾಗಿದೆ. ಇದರೊಂದಿಗೆ ಅಗತ್ಯ RAM ಹಾಗೂ ಸ್ಟೋರೇಜ್ ಆಯ್ಕೆ ನೀಡಲಿದೆ. ಅಲ್ಲದೇ UFS 4.1 ಸ್ಟೋರೇಜ್ ತಂತ್ರಜ್ಞಾನವನ್ನು ಬಳಸುವ ಸಾಧ್ಯತೆಯಿದೆ. ಬಹುದು ಎನ್ನಲಾಗಿದೆ.
ಇನ್ನು ಪೊಕೊ X8 ಸ್ಮಾರ್ಟ್ಫೋನ್ ಹಿಂಭಾಗದಲ್ಲಿ 50MP ಸೋನಿ IMX882 ಮುಖ್ಯ ಕ್ಯಾಮೆರಾ ಜೊತೆಗೆ 8MP ಅಲ್ಟ್ರಾವೈಡ್ ಕ್ಯಾಮೆರಾ ಪಡೆದಿರುವ ಸಾಧ್ಯತೆಯಿದೆ. ಸೆಲ್ಫಿ ಮತ್ತು ವೀಡಿಯೊ ಕರೆಗಳಿಗಾಗಿ ಮುಂಭಾಗದಲ್ಲಿ 32MP ಕ್ಯಾಮೆರಾ ನೀಡಬಹುದು ಎಂದು ವರದಿಗಳು ಸೂಚಿಸಿವೆ. ಅಲ್ಲದೇ 9,000 mAh ಸಾಮರ್ಥ್ಯದ ಬ್ಯಾಟರಿ ಜೊತೆಗೆ ಇದು 67W ವೇಗದ ವೈರ್ಡ್ ಚಾರ್ಜಿಂಗ್ ಹಾಗೂ 22.5W ವೈರ್ಡ್ ರಿವರ್ಸ್ ಚಾರ್ಜಿಂಗ್ ಅನ್ನು ಬೆಂಬಲಿಸುವ ಸಾಧ್ಯತೆಯಿದೆ. ಹಾಗೆಯೇ ಧೂಳು ಮತ್ತು ನೀರಿನಿಂದ ರಕ್ಷಣೆಗಾಗಿ IP68 ಮತ್ತು IP69 ರೇಟಿಂಗ್ಗಳು ಇರಬಹುದು ಎನ್ನಲಾಗಿದೆ.
