ನಾಳೆ ಗ್ರ್ಯಾಂಡ್ ಎಂಟ್ರಿ ಕೊಡಲಿದೆ OPPO Find X9 Ultra ಸ್ಮಾರ್ಟ್ಫೋನ್! 200MP ಕ್ಯಾಮೆರಾ
Follow Usನಾಳೆ (ಮೇ 21 ರಂದು) ಭಾರತದಲ್ಲಿ ಒಪ್ಪೋ ಫೈಂಡ್ X9 ಅಲ್ಟ್ರಾ ಲಾಂಚ್
ಒಪ್ಪೋದ ಈ ದೈತ್ಯ ಸ್ಮಾರ್ಟ್ಫೋನ್ 200MP ಕ್ಯಾಮೆರಾ ರಚನೆ ಪಡೆದಿರಲಿದೆ
ಒಪ್ಪೋ ಫೈಂಡ್ X9s ಫೋನ್ 7,025mAh ಸಿಲಿಕಾನ್ ಬ್ಯಾಟರಿ ಹೊಂದಿರಲಿದೆ
ಒಪ್ಪೋ ಮೊಬೈಲ್ ಕಂಪನಿಯ ಬಹುನಿರೀಕ್ಷಿತ OPPO Find X9s ಮತ್ತು OPPO Find X9 Ultra ಸ್ಮಾರ್ಟ್ಫೋನ್ಗಳು ನಾಳೆ (ಮೇ 21 ರಂದು) ಭಾರತೀಯ ಮಾರುಕಟ್ಟೆಗೆ ಅಧಿಕೃತವಾಗಿ ಲಾಂಚ್ ಆಗಲಿವೆ. ಒಪ್ಪೋ ಸಂಸ್ಥೆಯ ಈ ಎರಡು ದೈತ್ಯ ಸ್ಮಾರ್ಟ್ಫೋನ್ಗಳು ಹೈ ಎಂಡ್ ಮಾದರಿಯ ಫೀಚರ್ಸ್ಗಳೊಂದಿಗೆ ಲಗ್ಗೆ ಇಡುವ ನಿರೀಕ್ಷೆಗಳು ಇವೆ. ಅಂದಹಾಗೆ ಸಂಸ್ಥೆಯ ಒಪ್ಪೋ ಫೈಂಡ್ X9 ಅಲ್ಟ್ರಾ ಫೋನ್ ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆಯಾಗಲಿರುವ ಕಂಪನಿಯ ಮೊದಲ ಅಲ್ಟ್ರಾ ಬ್ರಾಂಡೆಡ್ ಫ್ಲ್ಯಾಗ್ಶಿಪ್ ಆಗಲಿದೆ. ಆ ಪೈಕಿ ಒಪ್ಪೋ ಫೈಂಡ್ X9 ಅಲ್ಟ್ರಾ ಮೊಬೈಲ್ 200MP ಕ್ಯಾಮೆರಾ ರಚನೆ ಅನ್ನು ಹೊಂದಿರಲಿದೆ. ಇನ್ನು ಒಪ್ಪೋ ಫೈಂಡ್ X9s ಫೋನ್ 50MP ಕ್ಯಾಮೆರಾ ಸೆನ್ಸಾರ್ ಹೊಂದಿರಲಿದೆ. ಹಾಗಾದರೆ ಒಪ್ಪೋ ಸಂಸ್ಥೆಯ ಈ ಎರಡು ಮೊಬೈಲ್ಗಳ ನಿರೀಕ್ಷಿತ ಫೀಚರ್ಸ್ ಬಗ್ಗೆ ಮುಂದೆ ತಿಳಿಯೋಣ.
SurveyAlso Read : ಸದ್ದಿಲ್ಲದೆ ಭಾರತದಲ್ಲಿ Moto G37 ಸ್ಮಾರ್ಟ್ಫೋನ್ ಲಾಂಚ್! ಅಗ್ಗದ ಬೆಲೆಯಲ್ಲಿ ಲಭ್ಯ
ನಾಳೆ OPPO Find X9 Ultra ಬಿಡುಗಡೆ
ಒಪ್ಪೋ ಫೈಂಡ್ X9s ಮತ್ತು ಒಪ್ಪೋ ಫೈಂಡ್ X9 ಅಲ್ಟ್ರಾ ಮೊಬೈಲ್ಗಳು ನಾಳೆ (ಮೇ 21 ರಂದು) ಭಾರತೀಯ ಮಾರುಕಟ್ಟೆ ಪ್ರವೇಶಿಸಲಿವೆ. ಈ ಸ್ಮಾರ್ಟ್ಫೋನ್ಗಳ ಲಾಂಚ್ ಕುರಿತು ಈಗಾಗಲೇ ಅಮೆಜಾನ್ ಹಾಗೂ ಫ್ಲಿಪ್ಕಾರ್ಟ್ ತಾಣದಲ್ಲಿ ಮೈಕ್ರೋಪೇಜ್ ಸಹ ತೆರೆಯಲಾಗಿದೆ. ಇನ್ನು ಬಿಡುಗಡೆ ಬಳಿಕ ಅಮೆಜಾನ್, ಫ್ಲಿಪ್ಕಾರ್ಟ್ ಮತ್ತು ಒಪ್ಪೋದ ಆನ್ಲೈನ್ ಸ್ಟೋರ್ ಮೂಲಕ ಭಾರತದಲ್ಲಿ ಲಭ್ಯವಿರುತ್ತವೆ.
ಒಪ್ಪೋ ಫೈಂಡ್ X9 ಅಲ್ಟ್ರಾ ನಿರೀಕ್ಷಿತ ಫೀಚರ್ಸ್
ಮುಂಬರುವ ಹೊಸ ಒಪ್ಪೋ ಫೈಂಡ್ X9 ಅಲ್ಟ್ರಾ ಫೋನ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 8 ಎಲೈಟ್ ಜನ್ 5 ಚಿಪ್ಸೆಟ್ ಪ್ರೊಸೆಸರ್ನಲ್ಲಿ ಕಾರ್ಯನಿರ್ವಹಿಸಲಿದೆ. ಹಾಗೆಯೇ ಈ ಫೋನ್ ಮುಖ್ಯ ಕ್ಯಾಮೆರಾವು 200MP ಸೆನ್ಸಾರ್ ಆಗಿರಲಿದೆ ಜೊತೆಗೆ 50MP 10x ಆಪ್ಟಿಕಲ್ ಟೆಲಿಫೋಟೋ ಕ್ಯಾಮೆರಾ ಸಹ ಒಳಗೊಂಡಿರಲಿದೆ. ಇದು 3D Cryo-velocity ಕೂಲಿಂಗ್ ಸಿಸ್ಟಮ್ ಸೌಲಭ್ಯ ಸಹ ಪಡೆದಿರಲಿದೆ. ಇನ್ನಜು ಈ ಮೊಬೈಲ್ 7,050mAh ಸಿಲಿಕಾನ್ ಕಾರ್ಬನ್ ಬ್ಯಾಟರಿ ವ್ಯವಸ್ಥೆ ಹೊಂದಿರಲಿದೆ.
ಒಪ್ಪೋ ಫೈಂಡ್ X9s ನಿರೀಕ್ಷಿತ ಫೀಚರ್ಸ್
ಬರಲಿರುವ ಒಪ್ಪೋ ಫೈಂಡ್ X9s ಮೊಬೈಲ್ ಟ್ರಿಪಲ್ 50MP ಹ್ಯಾಸೆಲ್ಬ್ಲಾಡ್ ಕ್ಯಾಮೆರಾ ಸೆಟ್ಅಪ್ ಅನ್ನು ಒಳಗೊಂಡಿರಲಿದೆ. ಅಲ್ಲದೇ ಇದು ಡ್ಯುಯಲ್ ವಿಡಿಯೋ ಕ್ಯಾಪ್ಚರ್ ಸಪೋರ್ಟ್ ಹೊಂದಿರಲಿದೆ. ಈ ಫೋನಿನ ಎಲ್ಲಾ ಕ್ಯಾಮೆರಾಗಳಲ್ಲಿ 4K 60fps ಡಾಲ್ಬಿ ವಿಷನ್ ರೆಕಾರ್ಡಿಂಗ್ ಸೌಲಭ್ಯ ಇರಲಿದೆ. ಅಂದಹಾಗೆ ಇದು ಮೀಡಿಯಾಟೆಕ್ ಡೈಮೆನ್ಸಿಟಿ 9500s ಚಿಪ್ಸೆಟ್ ಪ್ರೊಸೆಸರ್ನಲ್ಲಿ ಕೆಲಸ ಮಾಡಲಿದೆ. ಇನ್ನು ಈ ಫೋನ್ 7,025mAh ಸಿಲಿಕಾನ್ ಕಾರ್ಬನ್ ಬ್ಯಾಟರಿ ಬ್ಯಾಕ್ಅಪ್ ಸಪೋರ್ಟ್ ಪಡೆದಿರಲಿದೆ.
