Motorola Edge 70 Pro Plus ನಾಳೆ ಭಾರತದಲ್ಲಿ ಲಾಂಚ್: ನಿರೀಕ್ಷಿತ ಫೀಚರ್ಸ್ ಮತ್ತು ಬೆಲೆ
Follow Usನಾಳೆ ಭಾರತದಲ್ಲಿ ಮೊಟೊರೊಲಾ ಎಡ್ಜ್ 70 ಪ್ರೊ+ ಲಾಂಚ್
ಮೊಟೊದ ಈ ಮೊಬೈಲ್ ಸ್ನಾಪ್ಡ್ರಾಗನ್ 7 ಜೆನ್ 4 ಪ್ರೊಸೆಸರ್ ಹೊಂದಿರಲಿದೆ
ಮೊಟೊರೊಲಾ ಎಡ್ಜ್ 70 ಪ್ರೊ+ ಡಿಸ್ಪ್ಲೇಯು 144Hz ರಿಫ್ರೆಶ್ ರೇಟ್ ಪಡೆದಿರುವ ಸಾಧ್ಯತೆ
ಮೊಟೊರೊಲಾ ಕಂಪನಿಯು ಎಡ್ಜ್ ಸರಣಿಯಲ್ಲಿ ಇದೀಗ ಹೊಸದಾಗಿ Motorola Edge 70 Pro+ ಸ್ಮಾರ್ಟ್ಫೋನ್ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಪ್ರಿಮಿಯಂ ಲುಕ್ನ ಈ ಫೋನ್ ನಾಳೆ (ಜೂನ್ 4 ರಂದು) ಭಾರತದಲ್ಲಿ ಬಿಡುಗಡೆ ಆಗಲಿದೆ. ಈ ಕುರಿತಾಗಿ ಫ್ಲಿಪ್ಕಾರ್ಟ್ ಇ ಕಾಮರ್ಸ್ ತಾಣದಲ್ಲಿ ಪ್ರತ್ಯೇಕ ಮೈಕ್ರೋಸೈಟ್ ಅನ್ನು ಲೈವ್ ಮಾಡಲಾಗಿದೆ. ಇನ್ನು ಮುಂಬರುವ ಈ ಮೊಬೈಲ್ ವೇಗದ ಫೀಚರ್ಸ್ ಜೊತೆಗೆ ಸ್ಟೈಲಿಶ್ ಲುಕ್ನೊಂದಿಗೆ ಲಗ್ಗೆ ಇಡಲಿದೆ. ಹಾಗೆಯೇ ಈ ಫೋನ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 7 ಜೆನ್ 4 ಚಿಪ್ಸೆಟ್ ಪ್ರೊಸೆಸರ್ ಅನ್ನು ಪಡೆದಿರುವ ನಿರೀಕ್ಷೆಗಳು ಇವೆ. ಇದರೊಂದಿಗೆ ಈ ಮೊಬೈಲ್ 50MP ಸೋನಿ LYTIA ಕ್ಯಾಮೆರಾ ಸೆನ್ಸಾರ್ ಪಡೆದಿರಲಿದೆ. ಹಾಗಾದರೆ ಮೊಟೊರೊಲಾ ಎಡ್ಜ್ 70 ಪ್ರೊ+ ಮೊಬೈಲ್ನ ಹೊಸ ಅಪ್ಡೇಟ್ಸ್ ಹಾಗೂ ನಿರೀಕ್ಷಿತ ಫೀಚರ್ಸ್ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
SurveyAlso Read : ಶೀಘ್ರದಲ್ಲೇ ಭಾರತದಲ್ಲಿ Realme P4R 5G ಸ್ಮಾರ್ಟ್ಫೋನ್ ಬಿಡುಗಡೆ! ವೇಗದ ಪ್ರೊಸೆಸರ್ ಖಚಿತ
ನಾಳೆ Motorola Edge 70 Pro+ ಫೋನ್ ಬಿಡುಗಡೆ
ಮೊಟೊರೊಲಾ ಕಂಪನಿಯ ಮುಂಬರುವ ನೂತನ ಮೊಟೊರೊಲಾ ಎಡ್ಜ್ 70 ಪ್ರೊ+ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ನಿರೀಕ್ಷೆ ಹೆಚ್ಚಿಸಿದೆ. ಅಂದಹಾಗೆ ಈ ಫೋನ್ ನಾಳೆ (ಜೂನ್ 4 ರಂದು) ಮಧ್ಯಾಹ್ನ 12 ಗಂಟೆಗೆ ದೇಶೀಯ ಮಾರುಕಟ್ಟೆಯಲ್ಲಿ ಲಾಂಚ್ ಆಗುವ ನಿರೀಕ್ಷೆಗಳು ಇವೆ ಎನ್ನಲಾಗಿದೆ. ಇನ್ನು ಲಾಂಚ್ ಬಳಿಕ ಫ್ಲಿಪ್ಕಾರ್ಟ್, ಮೊಟೊರೊಲಾ ವೆಬ್ಸೈಟ್ ಮತ್ತು ಪ್ರಮುಖ ಇ ಕಾಮರ್ಸ್ ತಾಣದಲ್ಲಿ ಈ ಮೊಬೈಲ್ ಖರೀದಿಗೆ ಲಭ್ಯವಾಗಲಿದೆ. ಇನ್ನು ಈ ಮೊಬೈಲ್ ಸ್ಯಾಟಿನ್-ಲಕ್ಸ್ ಫಿನಿಶ್ ಟ್ವಿಲ್-ಇನ್ಸ್ಪೈಯರ್ಡ್ ಫಿನಿಶ್ ಹಾಗೂ Sculpted ವುಡ್ ಡಿಸೈನ್ ಲುಕ್ನ ಆಯ್ಕೆಗಳಲ್ಲಿ ಲಗ್ಗೆ ಇಡಲಿದೆ.
ಮೊಟೊರೊಲಾ ಎಡ್ಜ್ 70 ಪ್ರೊ+ ನಿರೀಕ್ಷಿತ ಫೀಚರ್ಸ್
ಲೀಕ್ ಮಾಹಿತಿ ಪ್ರಕಾರ ಹೊಸದಾಗಿ ಮಾರುಕಟ್ಟೆ ಪ್ರವೇಶಿಸಲಿರುವ ಮೊಟೊರೊಲಾ ಎಡ್ಜ್ 70 ಪ್ರೊ+ ಫೋನ್ 6.8 ಇಂಚಿನ 1.5K ಕ್ವಾಡ್ ಕರ್ವ್ಡ್ 144Hz AMOLED ಸ್ಕ್ರೀನ್ ಒಳಗೊಂಡಿರಲಿದೆ. ಅಲ್ಲದೇ ಇದು ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 7 ಜೆನ್ 4 ಚಿಪ್ಸೆಟ್ ಪ್ರೊಸೆಸರ್ ಪಡೆದಿರುವ ಸಾಧ್ಯತೆಗಳು ಇವೆ. ಇದರೊಂದಿಗೆ ಮೊಟೊರೊಲಾ ಎಡ್ಜ್ 70 ಪ್ರೊ+ ಟ್ರಿಪಲ್ ರಿಯರ್ ಕ್ಯಾಮೆರಾ ರಚನೆ ಅನ್ನು ಹೊಂದಿರಲಿದ್ದು, ಮೊದಲ ಕ್ಯಾಮೆರಾವು 50 ಮೆಗಾಪಿಕ್ಸೆಲ್ ಸೋನಿ LYT-710 ಸೆನ್ಸರ್ ಪಡೆದಿರಲಿದೆ ಜೊತೆಗೆ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ ಅನ್ನು ಹೊಂದಿರಲಿದೆ.
ಹಾಗೆಯೇ ಮೊಟೊರೊಲಾ ಎಡ್ಜ್ 70 ಪ್ರೊ+ ಫೋನ್ ಚೌಕಾಕಾರದ ಕ್ಯಾಮೆರಾ ಮಾಡ್ಯೂಲ್ ಅನ್ನು ಪಡೆದಿದ್ದು, ಫ್ಲಾಟ್ ಹಿಂಭಾಗದ ಪ್ಯಾನೆಲ್ನ ಮೇಲಿನ ಎಡ ಮೂಲೆಯಲ್ಲಿ ಇರಿಸಲಾಗಿದೆ. ಈ ಫೋನ್ ಕರ್ವ್ಡ್ ಸ್ಕ್ರೀನ್ ಅನ್ನು ಹೊಂದಿರಲಿದ್ದು, ಕೇಂದ್ರಿತ ಹೋಲ್ ಪಂಚ್ ಡಿಸ್ಪ್ಲೇ ಕಟೌಟ್ನೊಂದಿಗೆ ಕಾಣಿಸಿದೆ. ಇದು ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ ಅತ್ಯುತ್ತಮ ಕ್ಯಾಮೆರಾವನ್ನು ಪಡೆದಿರಲಿದೆ.
