ನಾಳೆ ಹೊಸ ಲುಕ್ನಲ್ಲಿ ಎಂಟ್ರಿ ಕೊಡಲಿದೆ iQOO Neo 10 ಸ್ಮಾರ್ಟ್ಫೋನ್! ಇಲ್ಲಿದೆ ಮಾಹಿತಿ
Follow Usನಾಳೆ ಹೊಸ ಕಲರ್ನಲ್ಲಿ ಎಂಟ್ರಿ ಕೊಡಲಿದೆ ಐಕ್ಯೂ ನಿಯೋ 10
ಐಕ್ಯೂನ ಈ ಫೋನ್ ಸ್ನಾಪ್ಡ್ರಾಗನ್ 8 ಜೆನ್ 3 ಪ್ರೊಸೆಸರ್ ಪಡೆದಿದೆ
ಈ ಮೊಬೈಲ್ Alpine White ಹಾಗೂ Asphalt Black ಬಣ್ಣಗಳ ಆಯ್ಕೆಯಲ್ಲಿ ಬರಲಿದೆ
ಐಕ್ಯೂ ಮೊಬೈಲ್ ಕಂಪನಿಯ iQOO Neo 10 ಮೊಬೈಲ್ ಈಗಾಗಲೇ ಮಾರುಕಟ್ಟೆಯಲ್ಲಿ ಭರ್ಜರಿಯಾಗಿ ಸದ್ದು ಮಾಡಿದೆ. ಇದೀಗ iQOO ಕಂಪನಿಯು ಈ ಮೊಬೈಲ್ ಅನ್ನು ಹೊಸ ಎರಡು ಕಲರ್ ವೇರಿಯಂಟ್ ಆಯ್ಕೆಗಳಲ್ಲಿ ಬಿಡುಗಡೆ ಮಾಡಲು ಸಜ್ಜಾಗಿದೆ. ಅವುಗಳು ಕ್ರಮವಾಗಿ Alpine White ಹಾಗೂ Asphalt Black ಕಲರ್ ಆಯ್ಕೆಗಳಾಗಿವೆ. ಅಂದಹಾಗೆ ಈ ಫೋನ್ ಇನ್ಫರ್ನೊ ರೆಡ್ ಮತ್ತು ಟೈಟಾನಿಯಂ ಕ್ರೋಮ್ ಬಣ್ಣಗಳ ಆಯ್ಕೆಯಲ್ಲಿ ಲಭ್ಯವಿದೆ. ಇನ್ನು ಈ ಫೋನ್ Snapdragon 8 Gen 3 ಚಿಪ್ಸೆಟ್ ಪ್ರೊಸೆಸರ್ ಪವರ್ನಲ್ಲಿ ಕೆಲಸ ಮಾಡಲಿದೆ. ಇದಲ್ಲದೇ ಈ ಮೊಬೈಲ್ 7,000mAh ಬ್ಯಾಟರಿ ಬ್ಯಾಕ್ಅಪ್ ಸಪೋರ್ಟ್ ಅನ್ನು ಪಡೆದುಕೊಂಡಿದೆ. ಹಾಗಾದರೆ ಐಕ್ಯೂ ನಿಯೋ 10 ಮೊಬೈಲ್ ಹೊಸ ಕಲರ್ ಲಾಂಚ್ ಮಾಹಿತಿ ಹಾಗೂ ಫೀಚರ್ಸ್ ಬಗ್ಗೆ ಮುಂದೆ ತಿಳಿಯೋಣ.
SurveyAlso Read : ಕಡಿಮೆ ಬೆಲೆಯ TECNO POP X ಸ್ಮಾರ್ಟ್ಫೋನ್ ಈಗ ಇನ್ನಷ್ಟು ಅಗ್ಗದ ಬೆಲೆಗೆ ಲಭ್ಯ!
iQOO Neo 10 ಹೊಸ ಕಲರ್ನಲ್ಲಿ ಎಂಟ್ರಿ
iQOO ಸಂಸ್ಥೆಯ ಐಕ್ಯೂ ನಿಯೋ 10 ಸ್ಮಾರ್ಟ್ಫೋನ್ ಈಗಾಗಲೇ ಗ್ರಾಹಕರ ಗಮನ ಸೆಳೆದಿದೆ. ಈ ಫೋನ್ ನಾಳೆ (ಏಪ್ರಿಲ್ 30 ರಂದು) ಮಧ್ಯಾಹ್ನ 12 ಗಂಟೆಗೆ ಹೊಸ Alpine White ಹಾಗೂ Asphalt Black ಕಲರ್ ಆಯ್ಕೆಗಳಲ್ಲಿ ಮಾರುಕಟ್ಟೆಗೆ ಲಾಂಚ್ ಆಗಲಿದೆ. ಇನ್ನು ಈ ಫೋನಿನ 8GB RAM + 128GB ಸ್ಟೋರೇಜ್ ವೇರಿಯಂಟ್ ಬೆಲೆ 34,999 ರೂ.ಗಳು ಆಗಿದೆ. ಹಾಗೆಯೇ 16GB + 512GB ವೇರಿಯಂಟ್ ದರವು 43,999 ರೂ.ಗಳು ಆಗಿದೆ. ಸದ್ಯ ಇನ್ಫರ್ನೊ ರೆಡ್ ಮತ್ತು ಟೈಟಾನಿಯಂ ಕ್ರೋಮ್ ಬಣ್ಣಗಳ ಆಯ್ಕೆಯಲ್ಲಿ ಲಭ್ಯವಿದೆ. ಲಾಂಚ್ ಬಳಿಕ ಅಮೆಜಾನ್ನಲ್ಲಿ ಹೊಸ ಕಲರ್ ವೇರಿಯಂಟ್ಗಳು ಲಭ್ಯವಾಗಲಿವೆ.
ಐಕ್ಯೂ ನಿಯೋ 10 ಫೋನಿನ ಫೀಚರ್ಸ್
ಐಕ್ಯೂ ನಿಯೋ 10 ಸ್ಮಾರ್ಟ್ಫೋನ್ 6.78 ಇಂಚಿನ 1.5K AMOLED ಡಿಸ್ಪ್ಲೇ ಅನ್ನು ಒಳಗೊಂಡಿದ್ದು, 144Hz ರಿಫ್ರೆಶ್ ರೇಟ್ ಸಪೋರ್ಟ್ ಹೊಂದಿದೆ. ಅಲ್ಲದೇ ಈ ಡಿಸ್ಪ್ಲೇಯು 1,260×2,800 ಪಿಕ್ಸಲ್ ರೆಸಲ್ಯೂಶನ್ ಅನ್ನು ಒಳಗೊಂಡಿದೆ. ಹಾಗೆಯೇ ಈ ಫೋನ್ Snapdragon 8 Gen 3 ಚಿಪ್ಸೆಟ್ ಪ್ರೊಸೆಸರ್ ಸಾಮರ್ಥ್ಯದಲ್ಲಿ ಕಾರ್ಯ ನಿರ್ವಹಿಸಲಿದೆ. ಇದಕ್ಕೆ ಪೂರಕವಾಗಿ 8GB RAM + 128GB ಹಾಗೂ 16GB + 512GB ವೇರಿಯಂಟ್ ಆಯ್ಕೆ ಪಡೆದಿದೆ.
ಹಾಗೆಯೇ ಈ ಮೊಬೈಲ್ ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾ ರಚನೆ ಪಡೆದಿದ್ದು, ಪ್ರಾಥಮಿಕ ಕ್ಯಾಮೆರಾವು 50MP ಸೆನ್ಸಾರ್ ಸಾಮರ್ಥ್ಯದಲ್ಲಿ ಇದೆ. ಸೆಕೆಂಡರಿ ಕ್ಯಾಮೆರಾವು 8MP ಸೆನ್ಸಾರ್ ಸಾಮರ್ಥ್ಯದಲ್ಲಿ ಇದೆ. ಸೆಲ್ಫಿ ಹಾಗೂ ವಿಡಿಯೋ ಕರೆಗಳಿಗಾಗಿ ಮುಂಭಾಗದಲ್ಲಿ 32 MP ಸೆನ್ಸಾರ್ನ ಕ್ಯಾಮೆರಾ ಪಡೆದಿದೆ. ಈ ಮೊಬೈಲ್ 7,000mAh ಸಾಮರ್ಥ್ಯದ ಬ್ಯಾಟರಿ ಪವರ್ ಹೊಂದಿದೆ. ಇದಕ್ಕೆ ಪೂರಕವಾಗಿ ಈ ಮೊಬೈಲ್ 120W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲ ಸಹ ಒಳಗೊಂಡಿದೆ.
