108MP ಕ್ಯಾಮೆರಾ ಮತ್ತು 6600mAh ಬ್ಯಾಟರಿಯೊಂದಿಗೆ Honor X9c ಬಿಡುಗಡೆ! ಬೆಲೆ ಮತ್ತು ಫೀಚರ್ಗಳೇನು?

Honor X9c 5G launched: ಬಹುನಿರೀಕ್ಷಿತ Honor X9c ಸ್ಮಾರ್ಟ್ಫೋನ್ ಭಾರತದಲ್ಲಿ ಇಂದು ಅಂದರೆ 7ನೇ ಜುಲೈ 2025 ರಂದು ಮಧ್ಯಾಹ್ನ 12 ಗಂಟೆಗೆ ಅಧಿಕೃತವಾಗಿ ಬಿಡುಗಡೆಯಾಗಿದೆ. ಈ ಹೊಸ ಸ್ಮಾರ್ಟ್‌ಫೋನ್ ಮಧ್ಯಮ ಶ್ರೇಣಿಯ ವಿಭಾಗಕ್ಕೆ ಹೊಸ ತಿರುವು ನೀಡಲಿದ್ದು ಪ್ರಭಾವಶಾಲಿ ವಿಶೇಷಣಗಳನ್ನು ಮತ್ತು ಬಾಳಿಕೆಯನ್ನು ಗಮನದಲ್ಲಿಟ್ಟುಕೊಂಡು ತಯಾರಿಸಲಾಗಿದೆ. Honor X9c ಸ್ಮಾರ್ಟ್ಫೋನ್ ಪವರ್ಫುಲ್ ಫೀಚರ್ಗಳೊಂದಿಗೆ ಬರುತ್ತದೆ. ಈ ಜಬರದಸ್ತ್ ಸ್ಮಾರ್ಟ್ಫೋನ್ ಉತ್ಸುಕರಾಗಿರುವ ಗ್ರಾಹಕರಿಗೆ ಅಂತಿಮವಾಗಿ ಈ ಅತ್ಯಾಕರ್ಷಕ ಹೊಸ ಕೊಡುಗೆಯನ್ನು ಪಡೆದುಕೊಳ್ಳುವ ಅವಕಾಶ ಸಿಕ್ಕಿದೆ.

Honor X9c ಆಫರ್ ಬೆಲೆ ಮತ್ತು ಮಾರಾಟದ ವಿವರಗಳು:

Honor X9c ಸ್ಮಾರ್ಟ್ಫೋನ್ ಆರಂಭಿಕ 8GB RAM + 256GB ಸ್ಟೋರೇಜ್ ರೂಪಾಂತರದ ಬೆಲೆ ₹21,999 ರೂಗಳಿಗೆ ಪರಿಚಯಾತ್ಮಕ ಕೊಡುಗೆಯಾಗಿ ಇದು 12ನೇ ಜುಲೈ 2025 ರಿಂದ ಪ್ರಾರಂಭವಾಗುವ ಅಮೆಜಾನ್‌ನ ಪ್ರೈಮ್ ಡೇ ಮಾರಾಟದ ಸಮಯದಲ್ಲಿ ₹19,999 ರೂಗಳಿಗೆ ಲಭ್ಯವಿರುತ್ತದೆ. Honor X9c ಸ್ಮಾರ್ಟ್ಫೋನ್ ಟೈಟಾನಿಯಂ ಬ್ಲಾಕ್ ಮತ್ತು ಜೇಡ್ ಸಯಾನ್ ಬಣ್ಣಗಳಲ್ಲಿ ಅಮೆಜಾನ್‌ನಲ್ಲಿ ವಿಶೇಷವಾಗಿರುತ್ತದೆ.

ಅಮೆಜಾನ್ ಪ್ರೈಮ್ ಡೇ ಮಾರಾಟದ ಸಮಯದಲ್ಲಿ ಪರಿಚಯಾತ್ಮಕ ಬೆಲೆ 19,999 ರೂಗಳಾಗಿವೆ. ಅಲ್ಲದೆ ಆಸಕ್ತ ಗ್ರಾಹಕರು SBI ಮತ್ತು ICICI ಬ್ಯಾಂಕ್ ಕಾರ್ಡ್ ಬಳಕೆದಾರರಿಗೆ 750 ರೂಗಳ ತ್ವರಿತ ರಿಯಾಯಿತಿ ಲಭ್ಯ. ಅಲ್ಲದೆ ಒಂದು ವರ್ಷದ ವಿಸ್ತೃತ ವಾರಂಟಿಯನ್ನು 7,500 ರೂಗಳವರೆಗೆ ಬರುತ್ತದೆ. ಮತ್ತು ಈ ಫೋನ್ ವಿನಿಮಯ ಕೊಡುಗೆ ಮತ್ತು ಯಾವುದೇ ವೆಚ್ಚವಿಲ್ಲದ ಇಎಂಐ ಆಯ್ಕೆಗಳು ಸಹ ಲಭ್ಯ.

Honor X9c ಡಿಸ್ಪ್ಲೇ ಮತ್ತು ಕ್ಯಾಮೆರಾ ವಿವರಗಳು:

ಇದು 6.78 ಇಂಚಿನ 1.5K ಕರ್ವ್ AMOLED ಡಿಸ್ಪ್ಲೇಯನ್ನು ಹೊಂದಿದ್ದು 120Hz ರಿಫ್ರೆಶ್ ದರವನ್ನು ಹೊಂದಿದೆ. ಈ ಫೋನ್ ಕ್ಯಾಮೆರಾದಲ್ಲಿ OIS ಮತ್ತು EIS ಹೊಂದಿರುವ 108MP ಮುಖ್ಯ ಕ್ಯಾಮೆರಾದಿಂದ ಫೋಟೋಗ್ರಾಫಿಯನ್ನು ನಿರ್ವಹಿಸಲಾಗುತ್ತದೆ. ಇದು ತೀಕ್ಷ್ಣವಾದ ಫೋಟೋಗಳನ್ನು ಖಚಿತಪಡಿಸುತ್ತದೆ. 5MP ಅಲ್ಟ್ರಾವೈಡ್ ಮತ್ತು 16MP ಮುಂಭಾಗದ ಕ್ಯಾಮೆರಾ ಸೆಟಪ್ ಅನ್ನು ಪೂರ್ಣಗೊಳಿಸುತ್ತದೆ.

Also Read: Cybercrime and Frauds: ಇದೆ ಕಾರಣಕ್ಕೆ ಬರೋಬ್ಬರಿ 27 ಲಕ್ಷಕ್ಕೂ ಅಧಿಕ ಮೊಬೈಲ್ ನಂಬರ್ಗಳನ್ನು ಬ್ಲಾಕ್ ಮಾಡಿರುವ DoT!

Honor X9c ಹಾರ್ಡ್‌ವೇರ್ ಮತ್ತು ಬ್ಯಾಟರಿ ವಿವರಗಳು:

Honor X9c ಸ್ಮಾರ್ಟ್ಫೋನ್ Qualcomm Snapdragon 6 Gen 1 ಪ್ರೋಸೆಸರ್ನಿಂದ ನಡೆಸಲ್ಪಡುವ X9c ದೃಢವಾದ 5G ಕಾರ್ಯಕ್ಷಮತೆಯನ್ನು ನೀಡುತ್ತದೆ. ಇದರ ಒಂದು ವಿಶಿಷ್ಟ ಲಕ್ಷಣವೆಂದರೆ ಅದರ ಬೃಹತ್ 6600mAh ಸಿಲಿಕಾನ್-ಕಾರ್ಬನ್ ಬ್ಯಾಟರಿ ಇದು ಅಸಾಧಾರಣ ಬಹು-ದಿನಗಳ ಬಳಕೆಯ ಭರವಸೆ ನೀಡುತ್ತದೆ. ಇದು ತ್ವರಿತ ರೀಚಾರ್ಜ್‌ಗಳಿಗಾಗಿ 66W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.

Honor X9c ಕನೆಕ್ಟಿವಿಟಿ ಮತ್ತು ಸೆನ್ಸರ್‌ಗಳ ವಿವರಗಳು:

ಈ Honor X9c ಸ್ಮಾರ್ಟ್ಫೋನ್ 5G, ವೈ-ಫೈ ಮತ್ತು ಬ್ಲೂಟೂತ್ 5.1 ಅನ್ನು ಬೆಂಬಲಿಸುತ್ತದೆ. Honor X9c ಸ್ಮಾರ್ಟ್ಫೋನ್ ಇದು ಧೂಳು ಮತ್ತು ನೀರಿನ ಪ್ರತಿರೋಧಕ್ಕಾಗಿ IP65 ರೇಟಿಂಗ್ ಅನ್ನು ಹೊಂದಿದೆ. ಜೊತೆಗೆ SGS ಡ್ರಾಪ್ ರೆಸಿಸ್ಟೆನ್ಸ್ ಪ್ರಮಾಣೀಕರಣವನ್ನು ಹೊಂದಿದೆ. ಇದು ನಂಬಲಾಗದಷ್ಟು ಬಾಳಿಕೆ ಬರುವಂತೆ ಮಾಡುತ್ತದೆ. ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್ ಸುರಕ್ಷಿತ ಅನ್‌ಲಾಕಿಂಗ್ ಅನ್ನು ಒದಗಿಸುತ್ತದೆ.