Google Pixel 11 Pro Fold vs Samsung Galaxy Z Fold 8 Ultra: ಖರೀದಿಗೆ ಯಾವುದು ಬೆಸ್ಟ್?
Follow Us
Google Pixel 11 Pro Fold vs Samsung Galaxy Z Fold 8 Ultra: ಜನಪ್ರಿಯ ಗೂಗಲ್ ಕಂಪನಿಯು ಮಾರುಕಟ್ಟೆಗೆ ಹೊಸದಾಗಿ Google Pixel 11 Fold ಮೊಬೈಲ್ ಬಿಡುಗಡೆ ಮಾಡಿದ್ದು, ಈ ಫೋನ್ ಗ್ರಾಹಕರ ಗಮನ ಸೆಳೆಯುತ್ತಿದೆ. ಹಾಗೆಯೇ ಸ್ಯಾಮ್ಸಂಗ್ ಕಂಪನಿಯ ಇತ್ತೀಚಿನ Samsung Galaxy Z Fold 8 Ultra ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿದೆ. ಈ ಎರಡು ಸ್ಮಾರ್ಟ್ಫೋನ್ಗಳು ಆಕರ್ಷಕ ಫೀಚರ್ಸ್ ಒಳಗೊಂಡಿದ್ದು, ಉತ್ತಮ ಕಾರ್ಯವೈಖರಿ ಮತ್ತು ಅತ್ಯುತ್ತಮ ಡಿಸೈನ್ ಮೂಲಕ ಹೆಚ್ಚಿನ ಗಮನ ಸೆಳೆಯುತ್ತಿವೆ. ಅದಾಗ್ಯೂ, ಈ ಎರಡು ಹೊಸ ಸ್ಮಾರ್ಟ್ಫೋನ್ಗಳ ನಡುವೆ ಕೆಲವು ಭಿನ್ನತೆಗಳು ಇವೆ. ಹಾಗಾದರೆ ಗೂಗಲ್ ಪಿಕ್ಸಲ್ 11 ಫೋಲ್ಡ್ VS ಸ್ಯಾಮ್ಸಂಗ್ ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಇವೆರಡು ಮೊಬೈಲ್ಗಳಲ್ಲಿ ಖರೀದಿಗೆ ಯಾವ ಫೋನ್ ಉತ್ತಮ? ಇವುಗಳ ಫೀಚರ್ಸ್ ಹೇಗಿವೆ ಮುಂದೆ ತಿಳಿಯೋಣ.
SurveyAlso Read : ಹೊಸ Realme P4s ಮೊಬೈಲ್ ಬಿಡುಗಡೆಗೆ ದಿನಾಂಕ ಫಿಕ್ಸ್! 8,000mAh ಬ್ಯಾಟರಿ ಸೌಲಭ್ಯ
Pixel 11 Pro Fold vs Galaxy Z Fold8 Ultra: ಡಿಸ್ಪ್ಲೇ ಭಿನ್ನತೆ
ಗೂಗಲ್ ಪಿಕ್ಸಲ್ 11 ಫೋಲ್ಡ್ ಫೋನ್ 8 ಇಂಚಿನ LTPO OLED ಒಳಗಿನ ಡಿಸ್ಪ್ಲೇ ಹೊಂದಿದ್ದು, ಇದು 2152 × 2076 ಪಿಕ್ಸೆಲ್ಗಳ ರೆಸಲ್ಯೂಶನ್ ಮತ್ತು 1Hz-120Hz ಅಡಾಪ್ಟಿವ್ ರಿಫ್ರೆಶ್ ರೇಟ್ ಬೆಂಬಲಿಸುತ್ತದೆ. ಫೋನ್ನ ಹೊರಭಾಗದಲ್ಲಿ 6.5 ಇಂಚಿನ LTPO OLED ಡಿಸ್ಪ್ಲೇ ಇದ್ದು, 2342 × 1080 ಪಿಕ್ಸೆಲ್ಗಳ ರೆಸಲ್ಯೂಶನ್ ಮತ್ತು 1Hz-120Hz ಅಡಾಪ್ಟಿವ್ ರಿಫ್ರೆಶ್ ರೇಟ್ ನೀಡುತ್ತದೆ. ಎರಡೂ ಸ್ಕ್ರೀನ್ಗಳು ಗರಿಷ್ಠ 3,600 ನಿಟ್ಸ್ ಬ್ರೈಟ್ನೆಸ್ ತಲುಪುವ ಸಾಮರ್ಥ್ಯ ಹೊಂದಿವೆ.
ಇನ್ನು ಸ್ಯಾಮ್ಸಂಗ್ ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಸಹ 8 ಇಂಚಿನ QXGA+ Dynamic AMOLED 2X ಒಳಗಿನ ಡಿಸ್ಪ್ಲೇ ಹೊಂದಿದೆ. ಇದು 2256 × 2504 ಪಿಕ್ಸೆಲ್ಗಳ ಹೆಚ್ಚಿನ ರೆಸಲ್ಯೂಶನ್ ಹಾಗೂ 120Hz ಅಡಾಪ್ಟಿವ್ ರಿಫ್ರೆಶ್ ರೇಟ್ ಬೆಂಬಲಿಸುತ್ತದೆ. ಹೊರಭಾಗದ 6.5 ಇಂಚಿನ ಕವರ್ ಡಿಸ್ಪ್ಲೇ 1080 × 2520 ಪಿಕ್ಸೆಲ್ಗಳ ರೆಸಲ್ಯೂಶನ್ ಹೊಂದಿದ್ದು, 120Hz ವರೆಗೆ ರಿಫ್ರೆಶ್ ರೇಟ್ ನೀಡುತ್ತದೆ. ಇದರ ಗರಿಷ್ಠ ಬ್ರೈಟ್ನೆಸ್ 3,000 ನಿಟ್ಸ್ ಆಗಿದೆ.
ಪ್ರೊಸೆಸರ್ ಪವರ್ನಲ್ಲಿ ಯಾವುದು ಬೆಸ್ಟ್
ಪಿಕ್ಸೆಲ್ 11 ಪ್ರೊ ಫೋಲ್ಡ್ ಮತ್ತು ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಕಾರ್ಯಕ್ಷಮತೆಯ ವಿಚಾರದಲ್ಲಿ ವಿಭಿನ್ನ ಮಾರ್ಗವನ್ನು ಅನುಸರಿಸುತ್ತಿವೆ. ಗೂಗಲ್ ತನ್ನದೇ ಆದ ಟೆನ್ಸರ್ G6 ಪ್ರೊಸೆಸರ್ ಅನ್ನು ಬಳಸಿದ್ದು, ಇದು TSMCಯ 3nm ಪ್ರಕ್ರಿಯೆಯಲ್ಲಿ ತಯಾರಾಗಿದೆ. ಇದಕ್ಕೆ 16GB RAM ಜೋಡಿಸಲಾಗಿದೆ. ಮತ್ತೊಂದೆಡೆ ಸ್ಯಾಮ್ಸಂಗ್ ಗ್ಯಾಲಕ್ಸಿಗಾಗಿ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 8 ಎಲೈಟ್ Gen 5 ಚಿಪ್ಸೆಟ್ ಬಳಸುವ ನಿರೀಕ್ಷೆಯಿದ್ದು, 12GB ಅಥವಾ 16GB RAM ಆಯ್ಕೆಗಳನ್ನು ನೀಡಬಹುದು. ಪಿಕ್ಸೆಲ್ 11 ಪ್ರೊ ಫೋಲ್ಡ್ ಆಂಡ್ರಾಯ್ಡ್ 17ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಏಳು ವರ್ಷಗಳ ಕಾಲ OS, ಭದ್ರತೆ ಮತ್ತು Pixel Drop ಅಪ್ಡೇಟ್ಗಳನ್ನು ಪಡೆಯಲಿದೆ. ಇದರ AI ಅನುಭವದಲ್ಲಿ ಜೆಮಿನಿ ಪ್ರಮುಖ ಪಾತ್ರ ವಹಿಸಲಿದೆ.
ಕ್ಯಾಮೆರಾ ಸೆನ್ಸಾರ್ನಲ್ಲಿ ಯಾರು ಪ್ರಬಲರು
ಕ್ಯಾಮೆರಾ ವಿಚಾರದಲ್ಲಿ ಸ್ಯಾಮ್ಸಂಗ್ ಗೂಗಲ್ಗಿಂತ ಹೆಚ್ಚು ಪ್ರಬಲ ಇರುವಂತೆ ಕಾಣುತ್ತದೆ. ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ನಲ್ಲಿ OIS ಮತ್ತು f/1.7 ಅಪರ್ಚರ್ ಹೊಂದಿರುವ 200MP ಮುಖ್ಯ ಕ್ಯಾಮೆರಾ ಇರಲಿದೆ. ಇದರ ಜೊತೆಗೆ 50MP ಅಲ್ಟ್ರಾವೈಡ್ ಕ್ಯಾಮೆರಾ ಹಾಗೂ 10MP ಟೆಲಿಫೋಟೋ ಸೆನ್ಸರ್ ಕೂಡ ಇರಲಿದ್ದು, ಟೆಲಿಫೋಟೋ ಕ್ಯಾಮೆರಾ 3x ಆಪ್ಟಿಕಲ್ ಜೂಮ್ ಮತ್ತು OIS ಬೆಂಬಲ ನೀಡಲಿದೆ. ವೀಡಿಯೊ ರೆಕಾರ್ಡಿಂಗ್ನಲ್ಲಿ 30fpsನಲ್ಲಿ 8K ವೀಡಿಯೊ ಶೂಟ್ ಮಾಡುವ ಸಾಮರ್ಥ್ಯವೂ ಇದಕ್ಕೆ ಇರಲಿದೆ.
ಇದಕ್ಕೆ ಹೋಲಿಸಿದರೆ ಪಿಕ್ಸೆಲ್ 11 ಪ್ರೊ ಫೋಲ್ಡ್ನ ಕ್ಯಾಮೆರಾ ರಚನೆಯು OIS ಮತ್ತು f/1.7 ಅಪರ್ಚರ್ ಹೊಂದಿರುವ 48MP ಮುಖ್ಯ ಕ್ಯಾಮೆರಾ ಇರಲಿದೆ. ಜೊತೆಗೆ ಮ್ಯಾಕ್ರೋ ಫೋಕಸ್ ಹೊಂದಿರುವ 10.5MP ಅಲ್ಟ್ರಾವೈಡ್ ಕ್ಯಾಮೆರಾ ನೀಡಲಾಗಿದೆ. ಹಾಗೆಯೇ ಟೆಲಿಫೋಟೋ 10.8MP ಸೆನ್ಸರ್ ಹೊಂದಿದ್ದು, OIS, 5x ಆಪ್ಟಿಕಲ್ ಜೂಮ್ ಮತ್ತು 30x Super Res Zoomಗೆ ಬೆಂಬಲ ನೀಡಲಿದೆ.
ಬ್ಯಾಟರಿ ಬ್ಯಾಕ್ಅಪ್ ಸಾಮರ್ಥ್ಯ ಎಷ್ಟು
ಬ್ಯಾಟರಿ ಸಾಮರ್ಥ್ಯದ ವಿಚಾರದಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಸ್ವಲ್ಪ ಮುನ್ನಡೆ ಸಾಧಿಸಿದೆ. ಇದರಲ್ಲಿ 5,000mAh ಸಾಮರ್ಥ್ಯದ ಸಿಲಿಕಾನ್-ಕಾರ್ಬನ್ ಡ್ಯುಯಲ್-ಸೆಲ್ ಬ್ಯಾಟರಿ ನೀಡಲಾಗಿದೆ. ಇದಕ್ಕೆ ಹೋಲಿಸಿದರೆ ಗೂಗಲ್ ಪಿಕ್ಸಲ್ 11 ಫೋಲ್ಡ್ 4,806mAh ಬ್ಯಾಟರಿಯನ್ನು ಹೊಂದಿದೆ. ಚಾರ್ಜಿಂಗ್ ವೇಗದಲ್ಲೂ Samsung ಮುನ್ನಡೆಯಲ್ಲಿದೆ. ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ 45W ವೈರ್ಡ್ ಚಾರ್ಜಿಂಗ್ ಬೆಂಬಲಿಸಿದರೆ ಪಿಕ್ಸಲ್ 11 ಫೋಲ್ಡ್ 30W ವೈರ್ಡ್ ಚಾರ್ಜಿಂಗ್ಗೆ ಸೀಮಿತವಾಗಿದೆ. ಹೀಗಾಗಿ ಕೇಬಲ್ ಮೂಲಕ ಫೋನ್ ಚಾರ್ಜ್ ಮಾಡುವವರಿಗೆ ಸ್ಯಾಮ್ಸಂಗ್ ಹೆಚ್ಚು ವೇಗದ ಆಯ್ಕೆಯಾಗಿದೆ.
ಕೊನೆಯ ಮಾತು
ಎರಡು ಫೋನ್ಗಳು ಉತ್ತಮ ಪವರ್ ಒಳಗೊಂಡಿವೆ. ಅದಾಗ್ಯೂ, ತೆಳುವಾದ ವಿನ್ಯಾಸ, ಕಡಿಮೆ ತೂಕ, ಉತ್ತಮ ಕ್ಯಾಮೆರಾ ಹಾರ್ಡ್ವೇರ್, ವೇಗದ ಚಾರ್ಜಿಂಗ್ ಮತ್ತು ದೊಡ್ಡ ಸ್ಕ್ರೀನ ನಿಮ್ಮ ಆದ್ಯತೆಯಾಗಿದ್ದರೆ ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಹೆಚ್ಚು ಮನವರಿಕೆ ಮಾಡುವ ಆಯ್ಕೆಯಾಗಿದೆ. ಮತ್ತೊಂದೆಡೆ, Google ನ AI ಪರಿಸರ ವ್ಯವಸ್ಥೆ, ಪ್ರಕಾಶಮಾನವಾದ ಡಿಸ್ಪ್ಲೇ, IP68 ರಕ್ಷಣೆ ಮತ್ತು 16GB RAM + 512GB ಸ್ಟೋರೇಜ್ನಂತಹ ಹೈ-ಎಂಡ್ ಕಾನ್ಫಿಗರೇಶನ್ ಬಯಸುವವರಿಗೆ ಪಿಕ್ಸಲ್ 11 ಫೋಲ್ಡ್ಬಲವಾದ ಪರ್ಯಾಯವಾಗಿ ನಿಲ್ಲುತ್ತದೆ.
