Emergency Mode: ಸ್ಯಾಮ್‌ಸಂಗ್‌ ಬಳಕೆದಾರರು ತುರ್ತು ಪರಿಸ್ಥಿತಿಯಲ್ಲಿ ಈ ಫೋನ್ ಬಟನ್ ಒತ್ತಿ ಗಂಭೀರ ಸನ್ನಿವೇಶಗಳಿಂದ ಮುಕ್ತರಾಗಿ!

ಸಾಮಾನ್ಯವಾಗಿ ನಿಮ್ಮ ಸ್ಮಾರ್ಟ್ಫೋನ್‌ನಲ್ಲಿ ಬ್ಯಾಟರಿ ಸೇವಿಂಗ್ ಮೋಡ್, ಕ್ಯಾಮೆರಾ ಮೋಡ್ ಅಥವಾ ಸ್ಲೀಪ್ ಮೋಡ್‌ನಂತಹ ಹಲವು ಆಯ್ಕೆಗಳನ್ನು ನೀವು ಕಂಡಿರಬಹುದು. ಆದರೆ ನೀವು ಈ ತುರ್ತು ಪರಿಸ್ಥಿತಿಯಲ್ಲಿ ಅತಿ ಹೆಚ್ಚಾಗಿ ನಮಗೆ ಬೇಕಿರುವ ಈ ತುರ್ತು ಮೋಡ್ (Emergency Mode) ಬಗ್ಗೆ ಜನರಿಗೆ ಅಷ್ಟಾಗಿ ತಿಳಿದಿರುವುದಿಲ್ಲ ಯಾವುದೇ ತುರ್ತು ಪರಿಸ್ಥಿತಿಯಲ್ಲಿ ನಿಮ್ಮ ಫೋನ್‌ನಲ್ಲಿ ಉತ್ತಮ ಬ್ಯಾಟರಿ ಹೊಂದಿರುವುದು ಬಹು ಮುಖ್ಯವಾಗಿದೆ. ಯಾವಾಗ ಯಾರೊಂದಿಗೆ ಯಾವ ಸನ್ನಿವೇಶ ಎದರಾಗುತ್ತದೆ ಎಂದು ಯಾರಿಗೆ ತಾನೇ ಗೊತ್ತಿರುತ್ತದೆ.

ಸ್ಮಾರ್ಟ್‌ಫೋನ್‌ಗಳಲ್ಲಿ ತುರ್ತು ಮೋಡ್ (Emergency Mode) ಫೀಚರ್

ಪ್ರಸ್ತುತ ಸ್ಯಾಮ್‌ಸಂಗ್‌ ಸ್ಮಾರ್ಟ್‌ಫೋನ್‌ಗಳಲ್ಲಿ ಈ ತುರ್ತು ಮೋಡ್ (Emergency Mode) ಫೀಚರ್ ಎಲ್ಲಿರುತ್ತದೆ ಮತ್ತು ಹೇಗೆ ಬಳಸುವುದು ಎಂದು ಈ ಕೆಳಗೆ ತಿಳಿಯಿರಿ. ಇಲ್ಲಿ ನಾವು ಈ ತುರ್ತು ಮೋಡ್ (Emergency Mode) ಫೀಚರ್ ಮೋಡ್ ಬಗ್ಗೆ ಮತ್ತು ಈ ಮೋಡ್‌ನ ಬಟನ್ ಅನ್ನು ಆನ್ ಮಾಡುವ ಮೂಲಕ ತುರ್ತು ಪರಿಸ್ಥಿತಿಯಲ್ಲಿ ನಿಮ್ಮನ್ನು ಹೇಗೆ ಉಳಿಸಬಹುದು ಎಂದು ಹೇಳಲಿದ್ದೇವೆ. ದೀರ್ಘಕಾಲದ ಬ್ಲ್ಯಾಕೌಟ್, ನೈಸರ್ಗಿಕ ವಿಪತ್ತು ಅಥವಾ ಅಜ್ಞಾತ ಸ್ಥಳದಲ್ಲಿ ಸಿಕ್ಕಿಹಾಕಿಕೊಂಡರೆ ನೀವು ಏನು ಮಾಡುತ್ತೀರಿ? ಅಂತಹ ಸಂದರ್ಭಗಳಲ್ಲಿ ನಿಮಗೆ ಸಹಾಯ ಮಾಡಲು Samsung Galaxy ಫೋನ್‌ಗಳು ತುರ್ತು ಮೋಡ್ ಎಂಬ ವೈಶಿಷ್ಟ್ಯದೊಂದಿಗೆ ಬರುತ್ತವೆ.

ಈ ವಿಷಯವನ್ನೂ ಓದಿ: Voter ID Card ಕಳೆದೋಯ್ತಾ? Download ಮಾಡುವುದು ಹೇಗೆ? ನಿಮಿಷದಲ್ಲೇ ಫೋಟೋವನ್ನು ಚೇಂಜ್ ಮಾಡಿ!

ತುರ್ತು ಮೋಡ್ (Emergency Mode) ಎಂದರೇನು?

ಈ ತುರ್ತು ಮೋಡ್ ಸ್ಯಾಮ್‌ಸಂಗ್ ಇಂಟರ್ನಲ್ ಸೆಟ್ಟಿಂಗ್ ಆಗಿದೆ. ಇದರ ಮೂಲಕ ನೀವು ತುರ್ತು ಪರಿಸ್ಥಿತಿಯಲ್ಲಿ ದೀರ್ಘಕಾಲ ಫೋನ್ ಅನ್ನು ರನ್ ಮಾಡಬಹುದು. ಈ ಸೆಟ್ಟಿಂಗ್ ನಿಮ್ಮ ಫೋನ್ ಅನ್ನು ಆಪ್ಟಿಮೈಸ್ ಮಾಡಿ ಬ್ಯಾಟರಿಯನ್ನು ಉಳಿಸುತ್ತದೆ. ಇದು ಸ್ಯಾಮ್‌ಸಂಗ್‌ನ ಗರಿಷ್ಠ ಪವರ್ ಸೇವಿಂಗ್ ಮೋಡ್‌ನಂತಿರುತ್ತದೆ. ಇದು ಒಂದೇ ಟಚ್‌ನಿಂದ ತುರ್ತು ಸಂಕೇತವನ್ನು ಕಳುಹಿಸುವ ಸಾಮರ್ಥ್ಯವನ್ನು ಒದಗಿಸುತ್ತದೆ. ಇಲ್ಲಿ ತುರ್ತು ಎಚ್ಚರಿಕೆಗಳನ್ನು ಕಳುಹಿಸುವುದು, ಬ್ಯಾಟರಿಯನ್ನು ನೇರವಾಗಿ ಪ್ರವೇಶಿಸುವುದು, ತುರ್ತು ಕರೆಗಳನ್ನು ಮಾಡುವುದರೊಂದಿಗೆ ಮೆಸೇಜ್‌ಗಳನ್ನು ಕಳುಹಿಸಬಹುದು.

ತುರ್ತು ಮೋಡ್ ಬಳಸುವುದು ಹೇಗೆ?

ಈ ಫೀಚರ್ ಅನ್ನು ಕೆಲವೇ ಸೆಕೆಂಡುಗಳಲ್ಲಿ ಆನ್ ಮಾಡಲು ಸಾಧ್ಯವಿರುತ್ತದೆ ಪ್ರಸ್ತುತ ಇಲ್ಲಿ ನಾವು ಸ್ಯಾಮ್ಸಂಗ್ ಸಾಧನದಲ್ಲಿ ಪವರ್ ಬಟನ್ ಅನ್ನು ದೀರ್ಘಕಾಲ ಒತ್ತಬೇಕಾಗುತ್ತದೆ.

ಇದರ ನಂತರ ನೀವು ತುರ್ತು ಮೋಡ್ ಐಕಾನ್ ಅನ್ನು ಟ್ಯಾಪ್ ಮಾಡಿ ನೀವು ಫೋನ್ ಅನ್ನು ಅನ್ಲಾಕ್ ಮಾಡಬೇಕಾಗುತ್ತದೆ.

ಇದರ ನಂತರ ತುರ್ತು ಕ್ರಮದಲ್ಲಿ ನಿಮ್ಮ ಫೋನ್ ಏನು ಮಾಡುತ್ತದೆ ಎಂಬುದನ್ನು ಪ್ರಾಂಪ್ಟ್ ನಿಮಗೆ ತಿಳಿಸುತ್ತದೆ. ನೀವು ಅದನ್ನು ಆನ್ ಮಾಡಬೇಕು. ನಂತರ ನೀವು ಕೆಲವು ಸೆಕೆಂಡುಗಳ ಕಾಲ ಕಾಯಬೇಕಾಗುತ್ತದೆ.

ನೀವು ಅದನ್ನು ಮೊದಲ ಬಾರಿಗೆ ಹೊಂದಿಸಿದರೆ ನಿಯಮಗಳು ಮತ್ತು ಷರತ್ತುಗಳನ್ನು ಒಪ್ಪಿಕೊಳ್ಳಲು ನಿಮ್ಮನ್ನು ಕೇಳುವ ಸಾಧ್ಯತೆಯಿದೆ.

ಈ ಮೋಡ್ ಅನ್ನು ನಮೂದಿಸಿದ ನಂತರ ಸಂಪೂರ್ಣ ಸ್ಕ್ರೀನ್ ಡಾರ್ಕ್ ಮೋಡ್‌ಗೆ ಹೋಗುತ್ತದೆ ಮತ್ತು ನೀವು ಫೋನ್, ಇಂಟರ್ನೆಟ್, ತುರ್ತು ಎಚ್ಚರಿಕೆ ಮತ್ತು ಸ್ಥಳ ಹಂಚಿಕೆಯಂತಹ ವೈಶಿಷ್ಟ್ಯಗಳನ್ನು ಮಾತ್ರ ಆನ್ ಮಾಡಲು ಸಾಧ್ಯವಾಗುತ್ತದೆ.

ನೀವು ಸೆಟ್ಟಿಂಗ್‌ಗಳು Setting > Safety and Emergrncy > Emergency Mode ಮೂಲಕ ಈ ಮೋಡ್ ಬಟನ್ ಅನ್ನು ಸಹ ಸಕ್ರಿಯಗೊಳಿಸಬಹುದು. ಅಗತ್ಯ ಮುಗಿದ ಇಲ್ಲಿಂದಲೇ ಪುನಃ ನೀವು ಇದನ್ನು ಸುಲಭವಾಗಿ ಸ್ವಿಚ್ ಆಫ್ ಮಾಡಬಹುದು.

Follow Us

Ravi Rao

Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile