UPI vs UPI Lite ಪೇಮೆಂಟ್ ವ್ಯವಸ್ಥೆಗಳ ನಡುವಿನ ವ್ಯತ್ಯಾಸ ಮತ್ತು ಕಾರ್ಯಗಳೇನು ನಿಮಗೊತ್ತಾ?

UPI vs UPI Lite: ನಿಮ್ಮ ಖರೀದಿಗಳಿಗೆ ಡಿಜಿಟಲ್ ಹಣವನ್ನು ಪಾವತಿಸಲು ಅಥವಾ ಜನರು ತಮ್ಮ ದೈನಂದಿನ ಅಗತ್ಯಗಳಿಗಾಗಿ ಇನ್ನೂ ಹಣವನ್ನು ಬಳಸುವ ದೇಶಗಳಲ್ಲಿ ಭಾರತವೂ ಒಂದಾಗಿದೆ. ಆದಾಗ್ಯೂ UPI ಮತ್ತು ಈಗ UPI Lite ಪರಿಚಯದೊಂದಿಗೆ ಸ್ಥಿರವಾಗಿ ನಗದುರಹಿತ ಆರ್ಥಿಕತೆಯತ್ತ ಸಾಗುತ್ತಿದ್ದೇವೆ. UPI (ಯುನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್) ವಹಿವಾಟುಗಳ ಸಂಖ್ಯೆ ಮತ್ತು ಮೌಲ್ಯವು ಗಣನೀಯವಾಗಿ ಹೆಚ್ಚಾಯಿತು. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಈಗ ಹೊಸದಾಗಿ UPI Lite ಎಂಬ ಹೊಸ ಪಾವತಿ ಕಾರ್ಯವಿಧಾನವನ್ನು ಪರಿಚಯಿಸಿದೆ. UPI Lite ಮೂಲ UPI ಪಾವತಿ ವ್ಯವಸ್ಥೆಯ ಸರಳೀಕೃತ ಆವೃತ್ತಿಯಾಗಿದೆ. ಮುಖ್ಯವಾಗಿ ನಿಯಮಿತವಾಗಿ ಸಣ್ಣ ಸಣ್ಣ ಮೌಲ್ಯದ ವಹಿವಾಟು ನಡೆಸುವ ಗ್ರಾಹಕರ ಬೇಡಿಕೆಗಳನ್ನು ಪೂರೈಸಲು ಈ UPI Lite ಅನ್ನು ಪರಿಚಯಿಸಲಾಗಿದೆ.

UPI ಎಂದರೇನು? 

UPI ಎಂಬುದು ಸರಿಯಾದ ಸಮಯದಲ್ಲಿ ಹಣವನ್ನು ವರ್ಗಾಯಿಸಲು ಬಳಸಬಹುದಾದ ಒಂದು ಪಾವತಿ ವ್ಯವಸ್ಥೆಯಾಗಿದೆ. UPI ಮೂಲಕ ಹಣವನ್ನು ವರ್ಗಾಯಿಸಲು ಬಳಕೆದಾರರಿಗೆ ಸ್ಮಾರ್ಟ್‌ಫೋನ್, Paytm ನಂತಹ ವಿಶ್ವಾಸಾರ್ಹ UPI ಅಪ್ಲಿಕೇಶನ್ ಮತ್ತು ವರ್ಚುವಲ್ ಐಡಿ ಅಗತ್ಯವಿರುತ್ತದೆ. ಈ UPI ಐಡಿ ಬ್ಯಾಂಕ್ ಖಾತೆ ವಿವರಗಳು, ಮೊಬೈಲ್ ಸಂಖ್ಯೆ ಅಥವಾ QR ಕೋಡ್ ಸ್ಕ್ಯಾನಿಂಗ್‌ನಂತಹ ಬಹು ವಿಧಾನಗಳ ಮೂಲಕ ಹಣವನ್ನು ಸರಿಯಾದ ಸಮಯಕ್ಕೆ ವರ್ಗಾವಣೆ ಮಾಡಲು ಅನುಮತಿಸುತ್ತದೆ. 

UPI Lite ಎಂದರೇನು?

UPI Lite ಆನ್-ಡಿವೈಸ್ ಫೀಚರ್‌ ಆಗಿದ್ದು ಇದು ವೇಗವಾಗಿ ಮತ್ತು ತೊಂದರೆಯಿಲ್ಲದೆ ಸಣ್ಣ-ಮೌಲ್ಯದ ವಹಿವಾಟುಗಳನ್ನು ಸುಗಮಗೊಳಿಸುತ್ತದೆ. ಪ್ರಸ್ತುತ 9 ಬ್ಯಾಂಕ್‌ಗಳು ಈ ಫೀಚರ್‌ ಅನ್ನು ಒದಗಿಸುತ್ತಿವೆ. ನಿಮ್ಮ ದಿನನಿತ್ಯದ ಸಣ್ಣ ಸಣ್ಣ ವಹಿವಾಟುಗಳನ್ನು ಮಾಡಲೆಂದೇ ಈ ಸೇವೆಯನ್ನು ಸರ್ಕಾರ ಆರಂಭಿಸಿದೆ. ಈ UPI Lite ಬ್ಯಾಲೆನ್ಸ್ ಅನ್ನು ರೂ 1 ರಿಂದ ರೂ 200 ರವರೆಗಿನ ಸಣ್ಣ ವಹಿವಾಟುಗಳನ್ನು ಮಾಡಲು ಬಳಸಬಹುದು.

UPI ಮತ್ತು UPI Lite ಹೇಗೆ ಕಾರ್ಯನಿರ್ವಹಿಸುತ್ತದೆ?

UPI ಬಳಸಿಕೊಂಡು ವಹಿವಾಟುಗಳನ್ನು ನಿರ್ವಹಿಸಲು ಬಳಕೆದಾರರು Paytm ನಂತಹ ವಿಶ್ವಾಸಾರ್ಹ UPI ಅಪ್ಲಿಕೇಶನ್ ಅನ್ನು ಹೊಂದಿರಬೇಕು. ಅಪ್ಲಿಕೇಶನ್ ಅನ್ನು ತೆರೆದ ಬಳಿಕ ಬಳಕೆದಾರರು ಸ್ವೀಕರಿಸುವವರ ಮೊಬೈಲ್ ಸಂಖ್ಯೆ, UPI ID ಅನ್ನು ನಮೂದಿಸಲು ಅಥವಾ ಅವರ QR ಕೋಡ್ ಅನ್ನು ಸ್ಕ್ಯಾನ್ ಮಾಡಲು ಆಯ್ಕೆ ಮಾಡಬಹುದು. ನಂತರ ಬಳಕೆದಾರರು ಮೊತ್ತವನ್ನು ನಿರ್ದಿಷ್ಟಪಡಿಸಬೇಕು ಮತ್ತು ಲಭ್ಯವಿರುವವುಗಳಿಂದ ಪಾವತಿ ಆಯ್ಕೆಯನ್ನು ಆರಿಸಬೇಕು.ಇದರ ನಂತರ ವಹಿವಾಟನ್ನು ಪೂರ್ಣಗೊಳಿಸಲು ಮುಂದುವರಿಯಿರಿ.

ಇದರ ಕ್ರಮವಾಗಿ ನೀವು UPI Lite ಸೇವೆಯನ್ನು ನೋಡುವುದಾದರೆ ಇದರ ಲಿಂಕ್ ಮಾಡಲಾದ ಬ್ಯಾಂಕ್ ಖಾತೆಯ ಮೂಲಕ UPI Lite ಖಾತೆಗೆ ಹಣವನ್ನು ಸೇರಿಸುವ ಮೂಲಕ UPI Lite ಕಾರ್ಯನಿರ್ವಹಿಸುತ್ತದೆ. ಬಳಕೆದಾರರು ಖಾತೆಗೆ ದಿನಕ್ಕೆ ಎರಡು ಬಾರಿ ರೂ 2000 ವರೆಗೆ ಹಣವನ್ನು ಹಾಕಬಹುದು. ಇದರ ಪರಿಣಾಮವಾಗಿ ರೂ 4000 ವರೆಗೆ ದಿನದ ಬಳಕೆಯ ಮಿತಿ ಇರುತ್ತದೆ. UPI Lite ಮೂಲಕ ಪಾವತಿಗಳನ್ನು ಮಾಡಲು ಬಳಕೆದಾರರ ಲಿಂಕ್ ಮಾಡಿದ ಬ್ಯಾಂಕ್ ಖಾತೆಯಿಂದ UPI Lite ಖಾತೆಗೆ ಹಣವನ್ನು ಸೇರಿಸಬೇಕಾಗುತ್ತದೆ ಅಂದ್ರೆ ಒಂದು ಮಾದರಿಯಲ್ಲಿ ನಿಮ್ಮ ಜೇಬಿನಲ್ಲಿ ಹಣ ಇಡುವಂತೆ UPI Lite ಅಲ್ಲಿ ಇಡಬಹುದು.

UPI ಮತ್ತು UPI Lite ವಹಿವಾಟಿನ ಮಿತಿಗಳೇನು?

ಪ್ರಸ್ತುತ UPI ನಲ್ಲಿ ಹಣ ವರ್ಗಾವಣೆಯ ಗರಿಷ್ಠ ಮಿತಿ 2 ಲಕ್ಷ ರೂ ಆಗಿದೆ. 24 ಗಂಟೆಗಳ ಅವಧಿಯಲ್ಲಿ ಬ್ಯಾಂಕ್ ಖಾತೆಯಿಂದ ಒಟ್ಟು 20 ವಹಿವಾಟುಗಳನ್ನು ಇದರಿಂದ ಮಾಡಬಹುದು. ನಿಮ್ಮ UPI Lite ಖಾತೆಯಲ್ಲಿ ನೀವು 24 ಗಂಟೆಗಳ ಅವಧಿಯಲ್ಲಿ ಗರಿಷ್ಠ 4000 ರೂಪಾಯಿಗಳನ್ನು ವರ್ಗಾವಣೆ ಮಾಡಬಹುದು. UPI Lite ಮೂಲಕ ಮಾಡಿದ ವಹಿವಾಟುಗಳ ಸಂಖ್ಯೆಗೆ ಯಾವುದೇ ಮಿತಿಯಿಲ್ಲ. ಆದರೆ ವಹಿವಾಟಿನ ಗರಿಷ್ಠ ಮಿತಿ 200 ರೂ ಆಗಿರುತ್ತದೆ.

UPI ಮತ್ತು UPI Lite ಪಿನ್ ಬಳಕೆ:

ಬಳಕೆದಾರರು UPI ಬಳಕೆಯ ಪ್ರತಿ ವಹಿವಾಟಿಗೆ 4 ಅಥವಾ 6-ಅಂಕಿಯ ಪಿನ್ ಅನ್ನು ನಮೂದಿಸಬೇಕು. UPI Lite ಬಳಸಿ ಹಣವನ್ನು ಕಳುಹಿಸಲು ಯಾವುದೇ ಪಿನ್ ಅಗತ್ಯವಿಲ್ಲ.

UPI ಮತ್ತು UPI Lite ಲಭ್ಯತೆ:

UPI ಪ್ರಸ್ತುತ 300+ ಬ್ಯಾಂಕ್‌ಗಳು ಮತ್ತು ಎಲ್ಲಾ ಪ್ರಮುಖ ಪಾವತಿ ಅಪ್ಲಿಕೇಶನ್‌ಗಳಲ್ಲಿ ಲಭ್ಯವಿದೆ. UPI Lite 9 ಬ್ಯಾಂಕ್‌ಗಳು ಮತ್ತು ಕೇವಲ 2 ಪಾವತಿ ಅಪ್ಲಿಕೇಶನ್‌ಗಳಾದ Paytm ಮತ್ತು BHIM ನಲ್ಲಿ ಲಭ್ಯವಿದೆ.

Follow Us

Ravi Rao

Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile