சாம்சங் போல்டப்பில் ஸ்மார்ட்போன் மார்ச் 2019ல் வெளியாகும்

Survey

சாம்சங் நிறுவனம் தனது முதல் மடிக்கக்கூடிய ஸ்மார்ட்போனினை கடந்த வாரம் நடைபெற்ற சாம்சங் டெவலப்பர்கள் நிகழ்வில் அறிமுகம் செய்தது. சர்வதேச சந்தையில் அதிகம் எதிர்பார்க்கப்பட்ட சாம்சங் மடிக்கக்கூடிய ஸ்மார்ட்போனின் வெளியீட்டு விவரங்கள் வெளியாகியுள்ளது.

Add As A Trusted Source For Google.

Add as a preferred source on Google

சாம்சங் கேலக்ஸி எஸ்10 5ஜி ஸ்மார்ட்போனுடன் மார்ச் 2019ல் சாம்சங் மடிக்கக்கூடிய ஸ்மார்ட்போன் வெளியிடப்படலாம் என கூறப்படுகிறது. சாம்சங் கேலக்ஸி எஸ்10 ஸ்மார்ட்போன் சீரிஸ் பிப்ரவரி 2019ல் நடைபெற இருக்கும் சர்வதேச மொபைல் காங்கிரஸ் விழாவில் அறிமுகம் செய்யப்படலாம் என தகவல் வெளியாகியுள்ளது.

மடிக்கக்கூடிய ஸ்மார்ட்போன் மாடல்கள் 2019ம் ஆண்டின் முதல் அரையாண்டு காலக்கட்டத்தில் வெளியிடப்படலாம் என சாம்சங் நிறுவன தலைவர் கோ டாங் ஜின் கடந்த வாரம் தெரிவித்திருந்தார்.

மேலும் மடிக்கக்கூடிய ஸ்மார்ட்போன்கள் குறைந்தபட்சம் பத்து லட்சம் யூனிட்கள் வரை உற்பத்தி செய்யப்படலாம் என்றும் அவர் தெரிவித்திருந்தார். 2019 ஆண்டின் பிப்ரவரி மாதத்தில் நடைபெற இருக்கும் சர்வதேச மொபைல் காங்கிரஸ் விழாவில் சாம்சங் தனது மடிக்கக்கூடிய ஸ்மார்ட்போனினை அறிமுகம் செய்யலாம் என கூறப்படுகிறது.

சர்வதேச சந்தையில் அதிகம் எதிர்பார்க்கப்படும் மடிக்கக்கூடிய ஸ்மார்ட்போனில் 5ஜி நெட்வொர்க் வசதி வழங்கப்பட அதிக வாய்ப்புகள் இல்லை என்றே கூறப்படுகிறது. கேலக்ஸி மடிக்கக்கூடிய ஸ்மார்ட்போனின் விலை 1,770 டாலர்கள் (ரூ.1,28,935) வரை நிர்ணயம் செய்யப்படலாம் என்றும் இது குறைந்த எண்ணிக்கையில் முதற்கட்டமாக உற்பத்தி செய்யப்படலாம் என கூறப்படுகிறது.

சாம்சங் மடிக்கக்கூடிய ஸ்மார்ட்போனில் 7.3 இன்ச் உள்புற டிஸ்ப்ளே மற்றும் வெளிப்புறம் 4.6 இன்ச் டிஸ்ப்ளே வழங்கப்பட்டுள்ளது. புதிய மடிக்கக்கூடிய சாதனம் செய்தியாளர்கள் மற்றும் டெவலப்பர்களுக்கு வழங்கப்படவில்லை. புதிய சாதனத்தின் உற்பத்தி பணிகள் வரும் மாதங்களில் துவங்கும் என சாம்சங் தெரிவித்திருக்கிறது. 

சீனாவில் ஹூவாய் டெக்னாலஜிஸ் கோ லிமிட்டெட் நிறுவனமும் 5ஜி தொழில்நுட்பம் கொண்ட மடிக்கக்கூடிய ஸ்மார்ட்போனினை அடுத்த ஆண்டு வாக்கில் அறிமுகம் செய்ய திட்டமிட்டிருப்பதாக தெரிவித்துள்ளது.

Follow Us

Sakunthala

சகுந்தலா கடந்த 7 ஆண்டுகளாக வேலை பணிபுரிகிறார் இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், ஸ்லைட் ஷோ வீடியோ போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், லேப்டாப் ,PC மற்றும் ஆட்டோமொபைல்ஸ் போன்றவற்றை எழுதி வருகிறார் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் லைவ் இன்ஸ்டாகிராம்,, ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile