Redmi 13C Series నుండి రెండు కొత్త ఫోన్లను లాంచ్ చేస్తున్న షియోమి. ఈ సిరీస్ నుండి రెడ్ మి 13సి 4G మరియు రెడ్ మి 13సి 5G స్మార్ట్ ఫోన్ లను విడుదల చేస్తోంది షియోమి. ఈ రెండు స్మార్ట్ ఫోన్ ల కీలకమైన వివరాలతో టీజింగ్ ను కూడా కంపెనీ మొదలు పెట్టింది. ఇందులో, ఈ ఫోన్ల యొక్క ప్రోసెసర్, కెమేరా మరియు కలర్ వేరియంట్ లతో పాటుగా మరిన్ని ఇతర వివరాలు కూడా ఉన్నాయి.
రెడ్ మి 13సి సిరీస్ నుండి ఈ రెండు స్మార్ట్ ఫోన్లను డిసెంబర్ 6న విడుదల చేస్తున్నట్లు కంపెనీ తెలిపింది. ఈ ఫోన్ లను అమేజాన్ స్పెషల్ గా విడుదల చేస్తోంది మరియు అమేజాన్ నుండి సేల్ కి అందుబాటులోకి వస్తాయి. అందుకే, అమేజాన్ ఇండియా ఈ సిరీస్ కోసం ప్రత్యేకమైన మైక్రో సైట్ పేజ్ ద్వారా టీజింగ్ చేస్తోంది.
షియోమి టీజర్ ప్రకారం, రెడ్ మి 13సి 5G స్మార్ట్ ఫోన్ మీడియాటెక్ లేటెస్ట్ బడ్జెట్ ప్రోసెసర్ Dimensity 6100+ తో వస్తోంది. అంతేకాదు, ఈ ఫోన్ స్టార్ ట్రైల్ బ్లాక్, స్టార్ ట్రైల్ సిల్వర్ మరియు స్టార్ ట్రైల్ గ్రీన్ అనే మూడు కలర్ ఆప్షన్ లలో లాంచ్ అవుతుంది. ఈ ఫోన్ లో వెనుక 50MP AI డ్యూయల్ కెమేరా సెటప్ కూడా వుంది.
Also Read : Gold Rate: సెగపుట్టిస్తున్న బంగారం ధర..ఈరోజు రేటు ఎంతంటే.!
ఇక రెడ్ మి 13సి 4G స్మార్ట్ ఫోన్ వస్తే, ఈ ఫోన్ ను స్టార్ డస్ట్ బ్లాక్ మరియు స్టార్ షైన్ గ్రీన్ కలర్ లలో లాంచ్ చేస్తున్నట్లు తెలిపింది. ఈ ఫోన్ లో వెనుక 50MP ట్రిపుల్ కెమేరా ఉన్నట్లు ఫోన్ ఇమేజ్ ద్వారా అర్ధం అవుతోంది.