Vivo V70: వివో అప్ కమింగ్ స్మార్ట్ ఫైన్ సిరీస్ వివో వి 70 నుంచి రాబోతున్న అప్ కమింగ్ ఫోన్ గురించి మార్కెట్లో మంచి అంచనాలు ఉన్నాయి. ఎందుకంటే, ఈ ఫోన్ ZEISS పవర్ ఫుల్ కెమెరా సెటప్ తో పాటు గొప్ప డిస్ప్లే మరియు బిగ్ బ్యాటరీ కూడా ఈ ఫోన్ లో ఉంటాయి. ఈ ఫోన్ చాలా స్లీక్ డిజైన్ లో ఇప్పుడు చెప్పిన అన్ని ఫీచర్స్ కలిగి ఉంటుంది. అందుకే, ఈ ఫోన్ గురించి సర్వత్రా వినిపిస్తోంది. ఈ అప్ కమింగ్ వివో స్మార్ట్ ఫోన్ లాంచ్ డేట్ , అంచనా ధర మరియు కంప్లీట్ ఫీచర్స్ కూడా ఈరోజు ఇక్కడ అందించాము.
వివో వి 70 స్మార్ట్ ఫోన్ ఫిబ్రవరి 19వ తేదీ మధ్యాహ్నం 12 గంటలకు ఇండియాలో లాంచ్ అవుతుంది. ఈ ఫోన్ అమెజాన్ మరియు ఫ్లిప్ కార్ట్ నుంచి కూడా టీజింగ్ చేయబడుతోంది. అంటే, ఈ ఫోన్ లాంచ్ అయిన తర్వాత అమెజాన్ మరియు ఫ్లిప్ కార్ట్ నుంచి కూడా సేల్ అందుబాటులోకి వస్తుంది.
వివో వి70 స్మార్ట్ ఫోన్ సిరీస్ యొక్క చాలా కీలకమైన ఫీచర్స్ కంపెనీ ఇప్పటికే వెల్లడించింది. ఈ ఫోన్ డిజైన్ పరంగా, చాలా స్లీక్ మరియు ఏరో స్పేస్ స్పేస్ గ్రేడ్ అల్యూమినియం మెటల్ ఫ్రేమ్ తో ఈ ఫోన్ తయారు చేయబడింది. ఇది కాంపాక్ట్ డిజైన్ లో మరియు చాలా స్లీక్ గా ఉంటుంది. ఈ ఫోన్ లో కేవలం 0.125cm థిన్ బెజెల్స్ కలిగిన 6.5 ఇంచ్ OELD స్క్రీన్ ఉంటుంది. ఈ స్క్రీన్ ఇన్ డిస్ప్లే ఫింగర్ ప్రింట్ సెన్సార్, 1.5K రిజల్యూషన్, 120Hz రిఫ్రెష్ రేట్ మరియు 5000 నిట్స్ పీక్ బ్రైట్నెస్ వంటి ఆకట్టుకునే ఫీచర్స్ కలిగి ఉంటుంది.
ఈ వివో ఫోన్ క్వాల్కమ్ లేటెస్ట్ చిప్ సెట్ Snapdragon 8s Gen 3 తో లాంచ్ అవుతుంది. ఇది 4nm ఫ్లాగ్ షిప్ చిప్ సెట్ మరియు 1.8 మిలియన్ AnTuTu స్కోర్ కలిగి ఉంటుంది. ఈ వేగవంతమైన ప్రోసెసర్ కి జతగా 12GB LPDDR5 ర్యామ్ మరియు 512 జీబీ UFS 4.1 వరకు స్టోరేజ్ కలిగి ఉంటుందని లేటెస్ట్ గా వచ్చిన లీక్స్ చెబుతున్నాయి. ఈ ఫోన్ లో 6500 mah బ్లూ వోల్ట్ బిగ్ బ్యాటరీ మరియు 90W ఫాస్ట్ ఛార్జ్ సపోర్ట్ ఉంది.
కెమెరా పరంగా, ఈ ఫోన్ లో వెనుక ట్రిపుల్ రియర్ కెమెరా ఉంది. ఈ కెమెరాలో 50MP ZEISS మెయిన్ కెమెరా, జీయస్ అల్ట్రా వైడ్ యాంగిల్ మరియు 50MP ZEISS నైట్ టెలిఫోటో కెమెరా ఉన్నాయి. ఇది కాకుండా ఈ ఫోన్ లో 50MP సెల్ఫీ కెమెరా కూడా ఉంది. ఈ ఫోన్ 60FPS 4K వీడియో రికార్డింగ్, 3x ఆప్టికల్ జూమ్, 100x డిజిటల్ జూమ్ మరియు ఏఐ కెమెరా ఫీచర్స్ కూడా కలిగి ఉంటుంది. ఈ ఫోన్ లేటెస్ట్ OS తో వస్తుంది మరియు 6 సంవత్సరాల రెగ్యులర్ సెక్యూరిటీ అప్డేట్స్ అందుకుంటుంది.
Also Read: EPFO 3.0 కొత్త అప్డేట్ తో పిఎఫ్ అమౌంట్ విత్ డ్రా చేయడం మరింత సులభం.!
ఇక ఈ ఫోన్ అంచనా దారి విషయానికి వస్తే, ఈ ఫోన్ అండర్ రూ. 50,000 రూపాయల బడ్జెట్ ధరలో ఇండియాలో అడుగు పెట్టే అవకాశం ఉందని ఆ అంచనా వేస్తున్నారు. ఈ ఫోన్ పాషన్ రెడ్ మరియు లెమన్ ఎల్లో రెండు రంగుల్లో లాంచ్ అవుతుంది.
