Vivo T4 Pro 5G top feature revealed
నిన్న Vivo T4 Pro 5G స్మార్ట్ ఫోన్ విడుదల చేసిన వివో, ఈరోజు ఈ ఫోన్ యొక్క టాప్ ఫీచర్ కూడా విడుదల చేసింది. వివో టి 4 సిరీస్ లో టాప్ లైనప్ గా వస్తున్న ఈ ఫోన్ భారీ ఫీచర్స్ తో లాంచ్ అవుతుంది. ఈరోజు వివో వెల్లడించిన టాప్ ఫీచర్ ద్వారా ఈ విషయం అర్ధం అవుతుంది. మరి వివో ఈరోజు విడుదల చేసిన ఆ టాప్ ఫీచర్లు ఏమిటో మరియు ఈ ఫోన్ అంచనా ఫీచర్స్ ఏమిటో కూడా తెలుసుకుందాం.
వివో టి 4 ప్రో స్మార్ట్ ఫోన్ యొక్క ప్రోసెసర్ గురించి ఈరోజు వివో వివరాలు బయటకు వెల్లడించింది. క్వాల్కమ్ లేటెస్ట్ గా విడుదల చేసిన మిడ్ రేంజ్ ప్రోసెసర్ తో ఈ ఫోన్ లాంచ్ చేస్తున్నట్లు వివో ప్రకటించింది. అదేనండి, క్వాల్కమ్ యొక్క Snapdragon 7 Gen 4 ఆక్టాకోర్ ప్రోసెసర్ తో ఈ ఫోన్ లాంచ్ అవుతుందని తెలిపింది. ఈ ప్రోసెసర్ 10,00,000 కంటే ఎక్కువ AnTuTu స్కోర్ అందించే ప్రోసెసర్ మరియు ఇది మంచి పెర్ఫార్మెన్స్ అందిస్తుందని కూడా వివో టీజింగ్ ద్వారా తెలియజేసింది.
ఈ ఫోన్ యొక్క కెమెరా గురించి కంపెనీ ముందునుండే టీజింగ్ చేస్తోంది. ఈ ఫోన్ లో 3x పెరిస్కోప్ ఉన్నట్లు వివో మొదటి నుంచి చెబుతోంది. ఇక ఈ ఫోన్ ఇమేజ్ ద్వారా ఈ ఫోన్ లో ట్రిపుల్ రియర్ కెమెరా ఉన్నట్టు కూడా చూపించింది. ఈ ఫోన్ గోల్డ్ మరియు బ్లూ రెండు రంగుల్లో లాంచ్ అవుతుందని టీజర్ ఇమేజ్ ద్వారా తెలిపింది. వాస్తవానికి, ఈ ఫోన్ గురించి ముందుగా ఊహించి చెప్పిన వాటిలో చిప్ సెట్ మాట నిజం అయ్యింది.
Also Read: అండర్ రూ. 20,000 ధరలో లభించే బెస్ట్ 43 ఇంచ్ 4K Smart Tv పై ఒక లుక్కేద్దామా.!
వివో టి4 ప్రో స్మార్ట్ ఫోన్ పెద్ద 6.78 ఇంచెస్ క్వాడ్ కర్వుడ్ AMOLED స్క్రీన్ కలిగి ఉంటుందని అంచనా. ఈ స్క్రీన్ ఇన్ డిస్ప్లే ఫింగర్ ప్రింట్ సెన్సార్, 1.5K రిజల్యూషన్ మరియు 120Hz రిఫ్రెష్ రేట్ కలిగి ఉండే అవకాశం ఉంటుంది. ఈ ఫోన్ చాలా స్లీక్ డిజైన్ కలిగి ఉంటుంది. అంతేకాదు, ఈ ఫోన్ గొప్ప బ్రైట్నెస్ కూడా కలిగి ఉంటుంది. ఇందులో 50MP Sony మైన కెమెరా, 3x పెరిస్కోప్ కెమెరా జతగా మరో కెమెరా కలిగిన ట్రిపుల్ రియర్ కెమెరా ఉంటుందని కూడా రూమర్ ఉంది. ఈ ఫోన్ 6500 mAh బోగ్ బ్యాటరీ మరియు దానికి తగిన 90W ఫాస్ట్ ఛార్జ్ సపోర్ట్ కూడా కలిగి ఉండవచ్చని చెబుతున్నారు.
ఈ ఫోన్ ఆగస్టు 26వ తేదీ మధ్యాహ్నం 12 గంటలకు మార్కెట్లో విడుదల అవుతుంది మరియు ఫ్లిప్ కార్ట్ ద్వారా సేల్ కి అందుబాటులోకి వస్తుంది. ఈ ఫోన్ కొత్త అప్డేట్స్ తో మళ్ళీ కలుద్దాం.
