vivo T2 5G: 64MP OIS కెమేరాతో బడ్జెట్ ధరలో వచ్చింది..ఫీచర్ల పైన ఒక లుక్కేద్దామా !
Follow Usఈరోజు వివో మరొక బడ్జెట్ 5G స్మార్ట్ ఫోన్ ను ప్రకటించింది
vivo T2 5G స్మార్ట్ ఫోన్ బడ్జెట్ ధరలో 64MP OIS కెమేరాతో వచ్చింది
ఈ ఫోన్ వివో టి1 5g ఫోన్ యొక్క తరువాతి తరం ఫోన్ గా లాంచ్ చెయ్యబడింది
ఇండియాలో ఈరోజు వివో మరొక బడ్జెట్ 5G స్మార్ట్ ఫోన్ ను ప్రకటించింది. అదే, vivo T2 5G స్మార్ట్ ఫోన్ మరియు ఈ ఫోన్ బడ్జెట్ ధరలో 64MP OIS కెమేరాతో వచ్చింది. ఈ ఫోన్ ప్రీమియం లుక్ మరియు ఫీచర్లతో ఉన్నట్లు వివో తెలిపింది. ఈ ఫోన్ వివో టి1 5g ఫోన్ యొక్క తరువాతి తరం ఫోన్ గా లాంచ్ చెయ్యబడింది. మరి ఈరోజే ఇండియన్ మార్కెట్ లో విడుదలైన ఈ వివో 5G స్మార్ట్ ఫోన్ ధర, స్పెక్స్ మరియు ఫీచర్ల పైన ఒక లుక్కేద్దాం పదండి.
Surveyvivo T2 5G: ధర మరియు ఆఫర్లు
వివో ఇటీవల vivo T2 5G బేసిక్ వేరియంట్ రూ.18,990 ప్రారంభ ధరతో లాంచ్ చెయ్యబడింది మరియు ఇది 6GB మరియు 128GB స్టోరేజ్ తో ఉంటుంది. మరొక వేరియంట్ 8GB మరియు 128GB స్టోరేజ్ ధర రూ.20,990. ఈ ఫోన్ లాంచ్ అఫర్ లో భాగంగా మంచి బ్యాంక్ ఆఫర్లను కూడా జతచేసింది. ఈ ఫోన్ ను ICICI,SBI మరియు HDFC బ్యాంక్ డెబిట్/క్రెడిట్ కార్డ్స్ తో కొనేవారికి 10% భారీ తగ్గింపు లభిస్తుంది. ఈ ఫోన్ ఫస్ట్ సేల్ ఏప్రిల్ 18వ తేదీ మధ్యాహ్నం 12 గంటలకు Flipkart మరియు వివో ఆన్లైన్ స్టోర్స్ నుండి మొదలువుతుంది
vivo T2 5G: స్పెక్స్
Vivo T2 5G స్మార్ట్ ఫోన్ 6.38 ఇంచ్ FHD+ AMOLED డిస్ప్లేని కలిగివుంది. ఇది 1300 నిట్స్ పీక్ బ్రైట్నెస్ తో పాటుగా 90Hz రిఫ్రెష్ రేట్ మరియు 360 Hz టచ్ శాంప్లింగ్ రేట్ తో వస్తుంది. ఈ ఫోన్ లో సెల్ఫీ కెమెరా కోసం చిన్న వాటర్ డ్రాప్ నోచ్ కటౌట్ ఉంది. ఈ స్మార్ట్ ఫోన్ స్నాప్డ్రాగన్ 695 5G ఆక్టా కోర్ ప్రోసెసర్ శక్తితో పనిచేస్తుంది. దీనికి జతగా 8GB ర్యామ్ మరియు 128GB ఇంటర్నల్ స్టోరేజ్ తో వస్తుంది.
కెమెరాల పరంగా, ఈ వివో T2 5జి ఫోన్ ఆప్టికల్ ఇమేజ్ స్టెబిలైజేషన్ (OIS) సపోర్ట్ కలిగిన 64MP ప్రధాన కెమెరాకి జతగా 2MP కెమెరా కలిగిన డ్యూయల్ కెమేరా సెటప్ తో వస్తుంది. ఇక సెల్ఫీల కోసం ముందుభాగంలో 16MP సెల్ఫీ కెమెరా వుంది. ఈ ఫోన్ 44W ఫాస్ట్ ఛార్జింగ్ సపోర్ట్ కలిగిన 4,500mAh బ్యాటరీని కలిగి ఉంది. ఈ ఫోన్ ఆండ్రాయిడ్ 13 OS ఆధారితమైన Funtouch OS 13 సాఫ్ట్ వేర్ తో పనిచేస్తుంది.
