vivo first 200mp first phone vivo v60e launch date and features confirmed
వివో బెస్ట్ కెమెరా సిరీస్ గా చెప్పబడే V సిరీస్ నుంచి మొదటిసారి 200MP మెయిన్ కెమెరాతో కొత్త ఫోన్ లాంచ్ చేస్తున్నట్లు అనౌన్స్ చేసింది. అదే, Vivo V60e స్మార్ట్ ఫోన్ మరియు ఈ ఫోన్ ను సరికొత్త డిజైన్ మరియు ఆకట్టుకునే ఫీచర్స్ తో లాంచ్ చేస్తున్నట్లు వివో టీజర్ ద్వారా అర్థం అవుతుంది. ఈ అప్ కమింగ్ వివో స్మార్ట్ ఫోన్ లాంచ్ డేట్ మరియు ఫీచర్స్ తెలుసుకుందామా.
వివో వి60e స్మార్ట్ ఫోన్ ఇండియన్ మార్కెట్లో అక్టోబర్ 7వ తేదీ మధ్యాహ్నం 12 గంటలకు లాంచ్ అవుతుంది. ఈ ఫోన్ చాలా సింపుల్ అండ్ సూపర్ డిజైన్ తో లాంచ్ కాబోతున్నట్లు ఈ ఫోన్ ఇమేజెస్ చూస్తుంటే అర్ధం అవుతుంది. ఈ ఫోన్ లాంచ్ కోసం వివో అధికారిక వెబ్సైట్ నుంచి వివో అందించిన టీజర్ పేజీ ద్వారా ఈ ఫోన్ కీలకమైన ఫీచర్స్ కూడా అందించింది.
వివో వి60e స్మార్ట్ ఫోన్ 200MP కెమెరా కలిగిన మొదటి ఫోన్ అవుతుంది. ఈ ఫోన్ 200MP మెయిన్ కెమెరా జతగా 8MP వైడ్ యాంగిల్ డ్యూయల్ రియర్ కెమెరా మరియు 50MP సెల్ఫీ కెమెరా కూడా కలిగి ఉంటుంది. ఈ కెమెరా సెటప్ తో ఈ ఫోన్ అల్ట్రా హై డెఫినేషన్ ఫోటోలు మరియు సూపర్ క్లారిటీ కలిగిన వీడియోలు అందిస్తుందని వివో గొప్పగా చెబుతోంది. అంతేకాదు, ఈ ఫోన్ ఇండియన్ యూజర్లకు తగిన AI ఫెస్టివల్ పోర్ట్రైట్ మరియు AI ఫోర్ సీజన్ పోర్ట్రైట్ వంటి మరిన్ని AI కెమెరా ఫీచర్స్ కలిగి ఉంటుంది.
డిజైన్ పరంగా, ఈ వివో అప్ కమింగ్ స్మార్ట్ ఫోన్ గొప్ప స్లీక్ డిజైన్ కలిగి ఉంటుంది. ఈ ఫోన్ లో చాలా తక్కువ అంచులు కలిగిన అల్ట్రా స్లిమ్ క్వాడ్ కర్వుడ్ స్క్రీన్ ఉంటుంది. వివో వి60e స్మార్ట్ ఫోన్ ఫన్ టచ్ OS సాఫ్ట్ వేర్ తో ఆండ్రాయిడ్ 15 OS తో లాంచ్ అవుతుంది. ఈ ఫోన్ 3 మేజర్ OS అప్డేట్స్ మరియు 5 సంవత్సరాల రెగ్యులర్ సెక్యూరిటీ అప్డేట్స్ అందుకుంటుంది.
Also Read: Flipkart Sale చివరి రోజు భారీ డిస్కౌంట్ తో 11 వేలకే 5.1 Dolby Atmos సౌండ్ బార్ లభిస్తోంది.!
వివో వి60e స్మార్ట్ ఫోన్ బిగ్ బ్యాటరీ మరియు అల్ట్రా ఫాస్ట్ ఛార్జ్ సపోర్ట్ కూడా కలిగి ఉంటుంది. ఈ ఫోన్ లో 6,500 mAh బిగ్ బ్యాటరీ ఉంటుంది మరియు ఇది 90W అల్ట్రా ఫాస్ట్ ఛార్జ్ సపోర్ట్ తో వస్తుంది. ఈ ఫోన్ ను బిల్ట్ ఇన్ Gemni AI సపోర్ట్ తో లాంచ్ చేస్తున్నట్లు కూడా వివో అనౌన్స్ చేసింది.
ఈ అప్ కమింగ్ ఫోన్ మరిన్ని ఫీచర్స్ కూడా త్వరలోనే వివో బయటకు వెల్లడించే అవకాశం ఉంటుంది. ఈ ఫోన్ నోబెల్ గోల్డ్ మరియు ఎలైట్ పర్పల్ రెండు రంగుల్లో లాంచ్ అవుతుంది.
