Infinix సంస్థ మరొక ట్రిపుల్ కెమేరా ఫోన్ను మరిన్ని గొప్ప ప్రత్యేకతలతో తీసుకోచ్చింది. అదే ఇన్ఫినిక్స్ S4 స్మార్ట్ ఫోన్, దీన్ని భారతదేశంలో ప్రారంభించింది మరియు ఈ స్మార్ట్ ఫోన్ ఒక 32MP సెల్ఫీ కెమెరా,వెనుక ట్రిపుల్ రియర్ కెమెరా సెటప్, వాటర్ డ్రాప్ నోచ్ డిస్ప్లే, 4000mAh బ్యాటరీ వంటి గొప్ప స్పెక్స్ తో ప్రారంభించింది. ఇన్ని ప్రత్యేకతలు కలిగిన ఈ స్మార్ట్ ఫోన్ యొక్క ధరను మాత్రం కేవలం 8,999 రూపాయలుగా నిర్ణయించింది. ఈ ఇన్ఫినిక్స్ స్మార్ట్ఫోన్ 3GB RAM మరియు 32GB స్టోరేజితో వస్తుంది.
ఈ స్మార్ట్ ఫోన్ యొక్క మొదటి సేల్ రేపు మధ్యాహ్నం 12 గంటలకి Flipkart నుండి జరగనుంది.
ఈ INFINIX S4 స్మార్ట్ ఫోన్ ఒక 6.21 అంగుళాల HD + వాటర్ డ్రాప్ నోచ్ మరియు 720X1520 p రిజల్యూషనుతో వస్తుంది. ఇక ఇందులో ముందు మరియు వెనుకభాగంలో కూడా 2.5D కర్వ్డ్ గ్లాస్ రక్షణతో సంస్థ అందించింది. ఈ స్మార్ట్ఫోన్ను ఆండ్రాయిడ్ 9 ఫై మీద ఆధారితంగా XOS 5.0 చీతా తో ప్రారంభించింది మరియు ఈ పూర్తి డివైజ్ కి పవర్ అందించాడని ఒక పెద్ద 4000mAh బ్యాటరీని కలిగి ఉంది. ఈ స్మార్ట్ ఫోన్ 2.0Ghz వరకూ క్లాక్ అందించగల ఒక Helio P22 Octa-core 64-bit ప్రాసెసరుతో వస్తుంది. దీనికి జతగా, 3GB ర్యామ్ మరియు 32GB అంతర్గత స్టోరేజ్ అనుసంధానంతో వస్తుంది.
ఈ Infinix S4 కెమేరాల గురించి మాట్లాడితే, వెనుకభాగంలో 13 మెగాపిక్సెల్ (f2.0) ప్రధాన కెమేరాకి జతగా మరొక 8MP ,మరియు 2MP కలిపిన ఒక ట్రిపుల్ రియర్ కెమేరాని ఇందులో అందించారు. ఈ 2MP సెన్సార్ డెప్త్ సెన్సార్ కాగా, 8-మెగాపిక్సెల్ వైడ్ యాంగిల్ సెన్సార్ని అందించారు. ఈ వెనుక కెమెరా క్వాడ్ LED ఫ్లాష్, ఆటో సీన్ డిటెక్షన్, AI పోర్ట్రైట్, AI HDR, AI బ్యూటీ, AI Bokeh మరియు నైట్ షాట్స్ వంటి ఫీచర్లతో వస్తుంది. ముందుభాగంలో సెల్ఫీల కోసం ఒక 32-MP AI కెమెరాని కలిగి ఉంది, దీని ఎపర్చరు f2.0 గా ఉంటుంది.
అధనపు ఫీచర్ల విషయానికి వస్తే, Bluetooth 5.0 డివైజ్ కనెక్టివిటీ, 3.5mm ఆడియో జాక్, FM , OTG, ట్రిపుల్ సిమ్ స్లాట్ కలిగి ఉంటుంది. ఈ ఫోన్ జ్ఫింగెర్ ప్రింట్ మరియు ఫేస్ అన్లాక్ ఫీచరుతో కూడా వస్తుంది. ఈ స్మార్ట్ ఫోన్నునెబ్యులా బ్లూ, ట్విలైట్ పర్పుల్ మరియు స్పేస్ గ్రే వంటి కలర్ ఎంపికల్లో కొనుగోలు చేయవచ్చు.
ఇన్ఫినిక్స్ ఈ స్మార్ట్ ఫోన్ ధరను రూ . 8,999 రూపాయిలుగా నిర్ణయించింది మరియు దీని అమ్మకాలు రేపు మధ్యాహ్నం 12 గంటలకి Flipkart నుండి ప్రారంభమవుతాయి. మీరు జియో వినియోగదారులు గనుక అయితే, మీరు ఈ పరికరంతో రూ .4500 వరకూ క్యాష్ బ్యాక్ పొందవచ్చు.