Tecno Spark 7 స్మార్ట్ ఫోన్ ను టెక్నో సంస్థ ఈరోజు లాంచ్ చేసింది. టెక్నో స్పార్క్ 7 కేవలం రూ. 7,499 రూపాయల ధరలో 6,000mah బ్యాటరీ, 16MP డ్యూయల్ కెమెరాతో మరియు మరిన్ని ఫీచర్లతో లంచ్ చెయ్యబడింది. ఈ ఫోన్ యొక్క పూర్తి వివరాలను క్రింద చూడవచ్చు.
టెక్నో స్పార్క్ రెండు వేరియంట్స్ లో లభిస్తుంది.
1. Tecno Spark 7 ( 2GB + 32GB ) – Rs.7,499/-
2. Tecno Spark 7 ( 3GB + 64GB ) – Rs.8,499/-
ఈ ఫోన్ యొక్క మొదటి సేల్ ఏప్రిల్ 16 న మధ్యాహ్నం 12 గంటలకి అమెజాన్ నుండి జరుగుతుంది. అదే రోజు ఇంట్రడక్టరి అఫర్ క్రింద ఈ స్మార్ట్ ఫోన్ ను 500 రూపాయల డిస్కౌంట్ తో కేవలం రూ.6,999 రూపాయలకే పొందవచ్చు.
టెక్నో స్పార్క్ 7 పెద్ద 6.5 ఇంచ్ HD+ డిస్ప్లే తో వస్తుంది. ఈ డిస్ప్లే 20:9 ఎస్పెక్ట్ రేషియాతో వస్తుంది మరియు 720X1600 రిజల్యూషన్ తో వుంటుంది. టెక్నో స్పార్క్ 7 స్మార్ట్ ఫోన్ మీడియాటెక్ హీలియో A20 ఆక్టా-కోర్ ప్రాసెసర్ తో పనిచేస్తుంది. దీనికి జతగా 2GB మరియు 3GB ర్యామ్ కి జతగా 32GB మరియు 64GB స్టోరేజ్ తో వస్తుంది.
ఇక కెమెరాల పరంగా ఈ ఫోన్ వెనుక భాగంలో 16MP AI డ్యూయల్ కెమెరాతో వుంటుంది. వెనుక కెమెరాతో స్లోమోషన్ మరియు టైం లాప్స్ వీడియోలను కూడా తీసుకోవచ్చు. ఈ ఫోన్ ముందు భాగంలో డ్యూయల్ ఫ్లాష్ కలిగిన 8MP సెల్ఫీ కెమెరాని అందించింది. టెక్నో స్పార్క్ 7 స్మార్ట్ ఫోన్ లేటెస్ట్ ఆండ్రాయిడ్ 11 తో HiOS స్కిన్ పైన పనిచేస్తుంది. అయితే, 2GB వేరియంట్ మాత్రం గో ఎడిషన్ పైన నడుస్తుంది. ఈ ఫోన్ అతిపెద్ద 6,000 mAh బ్యాటరీని మంచి ఛార్జింగ్ టెక్నాలజీతో సపోర్ట్ చేస్తుంది.