ప్రముఖ మొబైల్ తయారీ సంస్థ Tecno తన లేటెస్ట్ స్మార్ట్ ఫోన్ Tecno Pova 2 ని ఇండియన్ మార్కెట్లోకి ప్రవేశపెట్టింది. ఈ టెక్నో పోవా 2 స్మార్ట్ ఫోన్ బడ్జెట్ ధరలోనే భారీ 7,000 mAh బ్యాటరీతో మరియు మరిన్ని ఫీచర్లతో వచ్చింది. కస్టమర్ల అవసరాన్ని బట్టి ఎక్కువ సమయం నిలిచివుండేలా పెద్ద బ్యాటరీ స్మార్ట్ ఫోన్ అందించే లక్ష్యంతో ఈ స్మార్ట్ ఫోన్ తీసుకొచ్చినట్లు టెక్నో పేర్కొంది. మరి ఈ బిగ్ బ్యాటరీ స్మార్ట్ ఫోన్ Tecno Pova 2 యొక్క ప్రైస్, స్పెషిఫికేషన్స్ మరియు ఫీచర్లను గురించి తెలుసుకుందామా.
ఈ టెక్నో పోవా 2 స్మార్ట్ ఫోన్ రెండు వేరియంట్లలో లభిస్తుంది. వాటిలో బేసిక్ వేరియంట్ 4GB+64GB స్టోరేజ్ తో రూ.10,499 ధరతో, 6GB+128GB స్టోరేజ్ వేరియంట్ రూ.12,499 రూపాయల ప్రైస్ తో ప్రకటించింది. అయితే, ఈ ధరలు లాంచ్ అఫర్ క్రింద ప్రకటించబడ్డాయి. అంటే, పరిమిత సమయం మాత్రమే ఈ ధరను అఫర్ చేస్తుంది. వాస్తవానికి, వీటి ధరలు 4GB+64GB స్టోరేజ్ వేరియంట్ రూ.10,999 కాగా 6GB+128GB స్టోరేజ్ వేరియంట్ రూ.12,999 రూపాయలు.
టెక్నో పోవా 2 స్మార్ట్ ఫోన్ 6.95 అంగుళాల పెద్ద స్క్రీన్ ను డాట్ ఇన్ డిస్ప్లే మరియు FHD+ రిజల్యూషన్ కలిగి వుంటుంది. ఈ లేటెస్ట్ టెక్నో స్మార్ట్ ఫోన్ మీడియా టెక్ హీలియో G85 చిప్ సెట్ తో పనిచేస్తుంది మరియు 4GB / 6GB వేరియంట్లలో అందించబడుతుంది. అధనపు స్టోరేజ్ కోసం మైక్రో SD కార్డు అప్షన్ ను కూడా అందించింది.
ఈ ఫోన్ వెనుక క్వాడ్ కెమెరా సెటప్ ను ఆకర్షణీయంగా కనిపించే డిజైన్ తో తీసుకొచ్చింది. ఈ సెటప్ లో 48MP ప్రధాన కెమెరా, అల్ట్రా వైడ్ సెన్సార్, 2 మెగాపిక్సెల్ డెప్త్ సెన్సార్ మరియు 2 మెగాపిక్సెల్ మ్యాక్రో సెన్సార్లు వున్నాయి. ఈ ఫోన్ ముందు భాగంలో వున్న పంచ్ హోల్ కటౌట్ లో 8MP సెల్ఫీ కెమెరా కూడా ఉంది. ఈ ఫోన్ కెమెరా మంచి ఫోటోలు వంటి వీడియోలను అందించ గల శక్తితో ఉంటుందని కంపెనీ చెబుతోంది.
ఇక ఈ ఫోన్ గురించి చెప్పాల్సిన ముఖ్యమైన విషయం ఏమిటంటే, ఈ ఫోన్ యొక్క బ్యాటరీ. ఎందుకంటే, ఈ టెక్నో స్మార్ట్ ఫోన్ అతిపెద్ద 7,000 mAh పవర్ బ్యాటరీని కలిగివుంది. అంతేకాదు, ఈ బ్యాటరీని వేగంగా ఛార్జ్ చెయ్యడానికి వీలుగా Double IC 18W ఫాస్ట్ ఛార్జింగ్ సపోర్ట్ ను కూడా కలిగివుంది. అధనంగా, గేమ్ స్పేస్ 2.0, గేమ్ వాయిస్ ఛేంజర్, సిస్టమ్ టర్బో 2.0 వంటి ఫీచర్లు కూడా Tecno ఈ స్మార్ట్ ఫోన్‌లో అందించింది.
టెక్నో స్పార్క్ 7 ప్రో పెద్ద 5,000 mAh బ్యాటరీని 10W ఫాస్ట్ ఛార్జింగ్ సపోర్ట్ తో కలిగి వుంటుంది. ఈ ఫోన్ HiOS 7.5 స్కిన్ పైన ఆండ్రాయిడ్ 11 తో పనిచేస్తుంది. వెనుక ఫింగర్ ప్రింట్ సెన్సార్ మరియు ఫాస్ట్ కనెక్టివిటీ సపోర్ట్ తో వస్తుంది. ఈ ఫోన్ ఆల్ప్స్ బ్లూ, స్ప్రూస్ గ్రీన్ మరియు మ్యాగ్నెట్ బ్లాక్ వంటి మూడు ఆకర్షణీయమైన రంగులలో లభిస్తుంది.