Samsung Galaxy M53 5G ఇండియాలో విడుదలకు సిద్దమయ్యింది. ఈ అప్ కమింగ్ 5G స్మార్ట్ ఫోన్ ను ఏప్రిల్ 22న ఇండియాలో విడుదల చేస్తున్నట్లు శామ్సంగ్ ప్రకటించింది. శామ్సంగ్ గెలాక్సీ M53 ఆకర్షణీయమైన ఫీచర్లతో వస్తున్నట్లు కంపెనీ ఇప్పటికే వెల్లడించింది మరియు ఈ ఫోన్ యొక్క కొన్ని కీలకమైన ఫీచర్లను కూడా వెల్లడించింది. ఈ స్మార్ట్ ఫోన్ 120Hz రిఫ్రెష్ రేట్ కలిగిన సూపర్ AMOLED డిస్ప్లే, 108MP క్వాడ్ రియర్ కెమెరా సెటప్ వంటి ట్రెండీ ఫీచర్లతో ఈ ఫోన్ ను వస్తున్నట్లు శామ్సంగ్ పేర్కొంది.
ఈ అప్ కమింగ్ స్మార్ట్ ఫోన్ గురించి ఆన్లైన్ లో రివీల్ చేసిన స్పెక్స్ విషయానికి వస్తే, గెలాక్సీ ఎం53 5జి స్మార్ట్ ఫోన్ లో ఇన్ఫినిటీ-0 కటౌట్ కలిగిన 6.7- ఇంచ్ Super AMOELD డిస్ప్లేని కలిగివుంది. ఈ డిస్ప్లే FHD+ రిజల్యూషన్ మరియు 120Hz రిఫ్రెష్ రేట్ తో ఉంటుంది. ఈ ఫోన్ లో ఎటువంటి ప్రాసెసర్ తో వస్తుందనే విషయాన్ని ఇంకా వెల్లడించలేదు. కానీ, Dimensity 900 SoC కి జతగా 6GB RAM మరియు 128GB ఇంటర్నల్ స్టోరేజ్తో వస్తుందని ఊహస్తున్నారు.
ఈ ఫోన్ 25W ఫాస్ట్ ఛార్జింగ్ సపోర్ట్ కలిగిన 5000 mAh భారీ బ్యాటరీని కలిగివుంటుంది. ఈ ఫోన్ లో 32MP సెల్ఫీ కెమెరాను ఇన్ఫినిటీ-0 కటౌట్ లో కలిగివుంటుంది. అలాగే, 108MP ప్రధాన సెన్సార్, 8MP అల్ట్రావైడ్, 2MP డెప్త్ సెన్సార్ మరియు 2MP మాక్రో సెన్సార్ కలిగిన క్వాడ్ రియర్ కెమెరా మాడ్యూల్ను వుంది. ఈ ఫోన్ ఆండ్రాయిడ్ 12 ఆధారితంగా One UI 4.1 సాఫ్ట్ వేర్ పైన పనిచేస్తుంది.