సాంసంగ్ తన A సిరీస్ నుండి బడ్జెట్ స్మార్ట్ ఫోన్ ను ప్రకటించింది. Samsung Galaxy A03 Core పేరుతో విడుదల చేసిన ఈ స్మార్ట్ ఫోన్ కేవలం రూ.7999 రూపాయల ధరలో లాంచ్ చేసింది. ఈ స్మార్ట్ ఫోన్ మార్కెట్లో ఇప్పటికే కొనసాగుతున్న Realme C సిరీస్, Poco M సిరీస్ మరియు Redmi 9 సిరీస్ ఫోన్లకు గట్టి పోటీగా వచ్చినట్లు కనిపిస్తోంది. ఈ ఫోన్ బడ్జెట్ ధరలో బిగ్ డిస్ప్లే మరియు బిగ్ బ్యాటరీ వంటి ఆకట్టుకునే ఫీచర్లతో వచ్చింది.
ఈ లేటెస్ట్ సాంసంగ్ స్మార్ట్ ఫోన్ కేవలం 2GB మరియు 32GB సింగిల్ వేరియంట్ లో లభిస్తుంది మరియు దీని ధర కేవలం రూ.7999 రూపాయలు. ఈ ఫోన్ బ్లాక్ మరియు బ్లూ రెండు కలర్ లలో లభిస్తుంది.
సాంసంగ్ గెలాక్సీ ఎ03 కోర్ స్మార్ట్ ఫోన్ పెద్ద 6.5 – అంగుళాల HD + (1600 x 720 పిక్సెల్స్) రిజల్యూషన్ డిస్ప్లే మరియు ముందు భాగంలో V కటౌట్ నోచ్ ఉన్నాయి. ఇది 20: 9 యాస్పెక్ట్ రేషియోతో వస్తుంది మరియు 211 గ్రాముల బరువు ఉంటుంది. ఈ ఫోన్ బ్లూ మరియు బ్లాక్ గ్రే రెండు రంగుల్లో లభిస్తుంది.
గెలాక్సీ ఎ03 కోర్ ఫోన్ Unisoc SC9863A ఆక్టా-కోర్ ప్రోసెసర్ తో పనిచేస్తుంది. మైక్రో ఎస్డీ కార్డుతో 1టిబి వరకు స్టోరేజ్ ను పెంచే ఎంపికతో ఇది 2 జిబి ర్యామ్ మరియు 32 జిబి స్టోరేజ్ తో జత చేయబడింది. ఇది డార్క్ మోడ్ వంటి ఫీచర్లతో ఆండ్రాయిడ్ 11 గో OS పైన నధిస్తుంది. ఈ ఫోన్ వెనుక సింగల్ 8MP కెమెరా సెటప్ తో వస్తుంది. ముందు భాగంలో సెల్ఫీల కోసం 5MP సెల్ఫీ కెమెరా ఉంది. సాంసంగ్ గెలాక్సీ ఎ03 కోర్ స్మార్ట్ ఫోన్ పెద్ద 5,000 ఎమ్ఏహెచ్ బ్యాటరీతో అమర్చబడి ఉంటుంది.