రెడ్మి నోట్ 10 బడ్జెట్ ధరలో లాంచ్ అయ్యింది. అంతేకాదు, రెడ్మి నోట్ 10 సిరీస్ నుండి వచ్చిన ఫోన్స్ అన్నింటిలో కూడా తక్కువ ధరలో లభించే ఫోన్ రెడ్మి నోట్ 10. ఈ స్మార్ట్ ఫోన్ కేవలం రూ.11,999 రుపాయల తక్కువ ధరలో 48MP సోనీ క్వాడ్ కెమెరా, పెద్ద బ్యాటరీ, పెద్ద సూపర్ అమోలెడ్ స్క్రీన్ వంటి చాలా ఆకర్షణీయమైన ఫీచర్లను కలిగి వుంది.
రెడ్మి నోట్ 10 (4జీబీ + 64 జీబీ వేరియంట్) : రూ.11,999
రెడ్మి నోట్ 10 (6జీబీ + 128 జీబీ వేరియంట్) : రూ.13,999
రెడ్మి నోట్ 10 ఫ్లాష్ సేల్ రేపు మధ్యాహ్నం 12 గంటలకి మొదలువుతుంది.
ఈ రెడ్మి నోట్ 10 స్మార్ట్ ఫోన్ 6.67-అంగుళాల Full HD + (2400 x 1080 పిక్సెల్స్) రిజల్యూషన్ గల సూపర్ AMOLED డిస్ప్లే తో వుంటుంది. ఇందులో, సెల్ఫీ కెమెరా కోసం మధ్యలో పంచ్-హోల్ డిజైన్ తో తీసుకొచ్చింది. ఈ స్క్రీన్ 20: 9 ఎస్పెక్ట్ రేషియోని కలిగి ఉంది మరియు అదనపు రక్షణ కోసం గొరిల్లా గ్లాస్ 3 పొరతో రక్షణ ఇచ్చింది. ఈ ఫోన్ అత్యధికంగా 1100 నైట్స్ గరిష్టమైన బ్రైట్నెస్ అందిస్తుంది.
ఈ ఫోన్ క్వాల్కమ్ స్నాప్ డ్రాగన్ 678 ప్రాసెసర్ శక్తితో వస్తుంది. ఇది ఆక్టా-కోర్ CPU మరియు అడ్రినో 611 GPU తో పనిచేస్తుంది. ఇది 6GB RAM మరియు 128GB స్టోరేజ్ ఎంపికలతో జతచేయబడుతుంది. ఇది ఆండ్రాయిడ్ 11-ఆధారిత MIUI 12 స్కిన్ పైన పనిచేస్తుంది.
ఇక కెమెరాల పరంగా, నోట్ 10 వెనుక భాగంలో క్వాడ్-కెమెరా సెటప్ తో వస్తుంది, దీనిలో ప్రాధమిక 48MP కెమెరాని SonyIMX582 సెన్సార్ తో అందించింది. దీనికి జతగా 8MP అల్ట్రా-వైడ్-యాంగిల్ కెమెరా, 2MP మాక్రో కెమెరాని మరియు 2MP డెప్త్ సెన్సార్ లను జతచేసింది. ముందు భాగంలో, ఈ ఫోన్ పైభాగంలో పంచ్-హోల్ కటౌట్ లోపల 13 MP సెల్ఫీ కెమెరా ఉంది.
ఇది సైడ్-మౌంటెడ్ ఫింగర్ ప్రింట్ సెన్సార్ మరియు 5,000 ఎమ్ఏహెచ్ బ్యాటరీతో 33W ఫాస్ట్ ఛార్జింగ్ అవుట్-ఆఫ్-బాక్స్ తో వస్తుంది.