ఈరోజు ఉదయమే, షావోమి త్వరలో తీసుకురానున్నట్లు చెబుతున్న స్మార్ట్ ఫోన్ అయినటువంటి, REDMI K30 గురించి లీకైన సమాచారం ద్వారా దీని స్పెక్స్ గురించి మరిన్ని వివరాలను తెలుసుకోగా, సంస్థ ఈ స్మార్ట్ ఫోన్ యొక్క లాంచ్ డేట్ ని వెల్లడించింది. లాంచ్ డేట్ తో పాటుగా అందించిన టీజర్ ఇమేజి లో ఈ ఫోన్ 5G రానున్నట్లు కూడా పేర్కొంది. కానీ, ఈ ఫోన్ ఎటువంటి ప్రాసెసరుతో రానున్నదో మాత్రం తెలియచేయలేదు.
ఎట్టకేలకు REDMI K30 స్మార్ట్ ఫోన్ను, డిసెంబరు 10 న చైనాలో కంపెనీ లాంచ్ చేయాలనీ చూస్తోందని తేటతెల్లమయ్యింది. ముందుగావచ్చిన లీక్స్ ద్వారా, ఇది ఒక పెద్ద పంచ్ హోల్ డిజైనుతో రానున్నట్లు కనిపిస్తోంది. అలాగే, ఒక 5G సపోర్టుతో ఈ ఫోన్ను తీసుకురానున్నట్లు ముందు నుండే చెబుతోంది, కానీ ఇక్కడ అందించిన లీక్ ఇమేజిలో ఇది Adreno 618 GPU తో కనిపిస్తోంది. అంటే, మనకు తెలుసు ఈ GPU స్నాప్ డ్రాగన్ 730 మరియు 730G తో వస్తుందని, ఇది గేమింగ్ కోసం మంచి ప్రాసెసర్ మాత్రమే ఇది 5G సపోర్ట్ కలిగిలేదు. దీని ప్రకారం, ఈ ఫోనులో 5G ఇవ్వడం గురించి వస్తున్నాఒట్టిమాటే కావచ్చు.
అధనంగా, ఈ లీకైన ఇమేజి ద్వారా మిగిలిన స్పెక్స్ గమనించినట్లయితే, ఇది ఒక 6.6 అంగుళాల స్క్రీన్ను 120Hz రిఫ్రెష్ రేటుతో కలిగి ఉన్నట్లు చూడవచ్చు. అయితే, ఈ Adreno 618 GPU ని ఈ ఫోనులో చూస్తున్నాం కాబట్టి, ఈఫోలు రెడ్మి K 20 ప్రో స్మార్ట్ ఫోన్ మాదిరిగా ఒక స్నాప్ డ్రాగన్ 800 సిరీస్ ప్రాసెసర్ ని ఇస్తుందో లేదో చూడాల్సివుంటుంది. ఇక సంస్థ యొక్క CEO అయినటువంటి, లీ జున్ ఇది లాంచ్ సమయానికి MIUI 11 పైన నడుస్తుందని ద్రువీకరించారు.