Realme తన బడ్జెట్ సిరీస్ నుండి మరొక బడ్జెట్ స్మార్ట్ ఫోన్ ను గొప్ప ఫీచర్లతో ఆవిష్కరించింది. అదే Realme C33 బడ్జెట్ స్మార్ట్ ఫోన్ మరియు ఈ స్మార్ట్ ఫోన్ కేవలం 10 వేల కంటే తక్కువ ధరలో పెద్ద కెమెరా మరియు పెద్ద బ్యాటరీ వంటి ఆకర్షణీయమైన ఫీచర్లతో ఇండియన్ మార్కెట్లోకి ప్రవేశించింది. అంతేకాదు, ఈ స్మార్ట్ ఫోన్ వెనుక పెద్ద మరియు ఆకర్షణీయమైన కెమెరా డిజైన్ ను కూడా కలిగివుంది. మరి ఈరోజే ఇండియన్ మార్కెట్లోకి అడుగుపెట్టిన ఈ లేటెస్ట్ స్మార్ట్ ఫోన్ యొక్క ప్రత్యేకతలు ఏమిటో తెలుసుకుందామా.
ఈ స్మార్ట్ ఫోన్ యొక్క స్టార్టింగ్ వేరియంట్ ను 3GB ర్యామ్ మరియు 32 స్టోరేజ్ తో రూ.8,999 ధరతో ప్రకటించింది. అలాగే, 4GB ర్యామ్ మరియు 64 స్టోరేజ్ వేరియంట్ ధర రూ.9,999. ఈ ఫోన్ సెప్టెంబర్ 12 న మొదటిసారిగా సేల్ కి అంధుబాటులో ఉంటుంది.
రియల్ మీ C33 స్మార్ట్ ఫోన్ 6.5 ఇంచ్ HD+ స్క్రీన్ ని 60Hz రిఫ్రెష్ రేట్ కలిగి ఉంటుంది. ఈ స్మార్ట్ ఫోన్ Unisoc T612 ఆక్టా కోర్ ప్రాసెసర్ కి జతగా 3GB/4GB ర్యామ్ మరియు 32GB/64GB ఇంటర్నల్ స్టోరేజ్ లను కలిగి ఉంటుంది. ప్రత్యేకమైన మెమోరీ కార్డ్ ద్వారా స్టోరేజ్ ను 1TB వరకూ పెంచుకోవచ్చు. ఈ ఫోన్ ఆక్వా బ్లూ, నైట్ సి మరియు శాండీ గోల్డ్ అనే మూడు కలర్ అప్షన్లలో లభిస్తుంది.
కెమెరాల పరంగా, రియల్ మీ C33 స్మార్ట్ ఫోన్ వెనుక కేవలం 50MP+0.3MP డ్యూయల్ కెమెరా సెటప్ తో వస్తుంది. అలాగే, సెల్ఫీల కోసం ముందుభాగంలో 5MP సెల్ఫీ కెమెరా కూడా వుంది. ఈ ఫోన్ పెద్ద 5000mAh బ్యాటరీని 10W సాధారణ ఛార్జింగ్ సపోర్ట్ తో కలిగిఉంటుంది.